Androidல் Blogger மொபைல் ஆப்ஸைப் பயன்படுத்துதல்

Blogger மொபைல் ஆப்ஸைப் பயன்படுத்தி உங்கள் வலைப்பதிவுகளைப் பதிவிடலாம், திருத்தலாம், சேமிக்கலாம், கண்டறியலாம். Android 5.0 மற்றும் அதற்குப் பிந்தைய பதிப்பைப் பயன்படுத்தும் எல்லோரும் இந்த ஆப்ஸைப் பதிவிறக்கலாம்.

முக்கியம்: Blogger மொபைல் ஆப்ஸ் மூலம் பதிவிட உங்களிடம் Google கணக்கு இருக்க வேண்டும்.

இந்த ஆப்ஸ் மூலம் உங்கள் பதிவுகளை எங்கிருந்தும் எப்போது வேண்டுமானாலும் வெளியிடலாம். உங்கள் பதிவை வரைவாகச் சேமித்து பின்னர் கம்ப்யூட்டரில் திருத்தலாம் அல்லது உங்கள் கம்ப்யூட்டரில் உள்ள ஆப்ஸில் இருந்து நேரடியாகத் திருத்தலாம். அமைப்புகளையும் தளவமைப்புகளையும் மாற்றவோ புள்ளிவிவரங்களைப் பார்க்கவோ இணையத்தில் Blogger டாஷ்போர்டைப் பயன்படுத்தலாம்.

ஆப்ஸில் என்ன செய்யலாம்?

உங்கள் Google கணக்கின் மூலம் உள்நுழையும்போது, நீங்கள் வெளியிட்ட மற்றும் வரைவில் உள்ள பதிவுகளைத் தேடலாம், திருத்தலாம், நீக்கலாம். பல வலைப்பதிவுகளுக்கு உங்களிடம் நிர்வாகி/ஆசிரியர் அனுமதிகள் இருந்தால் அவற்றுக்கு இடையே மாறலாம்.

மொபைல் ஆப்ஸ் மூலம் நீங்கள்:

• புதிய பதிவுகளை உருவாக்கலாம் வெளியிடலாம்
• பின்னர் முடிப்பதற்காக, பதிவுகளை வரைவுகளாகச் சேமிக்கலாம்
• வெளியிடும் தேதியையும் நேரத்தையும் அமைக்கலாம் திருத்தலாம்
• Android பகிர்தல் அம்சம் மூலம் உங்கள் பதிவுக்கான இணைப்பைப் பகிரலாம்
• பிரவுசரில் வலைப்பதிவையோ பதிவையோ திறக்கலாம்
• பதிவில் படங்களைச் சேர்க்கலாம்
• கணக்கைச் சேர்க்கலாம்
• கணக்குகளுக்கும் வலைப்பதிவுகளுக்கும் இடையே மாறலாம்
• Blogger உதவி மையத்தைப் பார்க்கலாம்
• ஆப்ஸ் சார்ந்த கருத்துகளை அனுப்பலாம்

பதிவுகளை உருவாக்குதல், திருத்துதல் & வெளியிடுதல்

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. கீழ் வலதுபுறத்தில், பதிவை உருவாக்குவதற்கான ஐகானை தட்டவும்.
4. தலைப்பை டைப் செய்யவும்.
5. பதிவின் உள்ளடக்கத்தை உருவாக்கவும்.
   உதவிக்குறிப்பு: வார்த்தையைத் தடிமனாக்கவும், சாய்வாக்கவும், அடிக்கோடிடவும், படங்களைச் சேர்க்கவும் கருவிப்பட்டியைப் பயன்படுத்தலாம்.
6. உங்கள் பதிவின் உள்ளடக்கத்தை மாற்ற, மேல் வலதுபுறத்தில் உள்ள மாற்றுவதற்கான ஐகானை தட்டவும்.
7. உங்கள் பதிவை வகைப்படுத்தவும், அது எதைப் பற்றியது என்று பிறருக்குத் தெரிவிக்கவும் லேபிள்கள் புலத்தில் லேபிளை வழங்கவும்.
   உதவிக்குறிப்பு: காற்புள்ளியால் பிரித்து ஒரே பதிவுக்கு ஒன்றுக்கு மேற்பட்ட லேபிள்களைச் சேர்க்கலாம்.
8. மேல் வலதுபுறத்தில், வெளியிடுவதற்கான ஐகானை தட்டவும்.
   உதவிக்குறிப்பு: ஒவ்வொரு பதிவுக்கும் நேரத்தையும் தேதியையும் அமைக்கலாம் மாற்றலாம். திட்டமிடப்பட்ட நேரத்தின்போது உங்கள் பதிவு தானாக வெளியிடப்படும்.

உங்கள் இடுகையை வரைவாகச் சேமித்தல்

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. புதிய பதிவை உருவாக்கவும்.
4. பதிவு தயாரானவுடன் வெளியிட விரும்பவில்லை என்றால், மேல் இடதுபுறத்தில் உள்ள மூன்று புள்ளி மெனுவை தட்டவும்.
   • வரைவை நீக்க, நிராகரி என்பதைத் தட்டவும்.
   • வரைவைச் சேமிக்க, வரைவாகச் சேமி என்பதைத் தட்டவும்.

வெளியீட்டுத் தேதியையும் நேரத்தையும் அமைத்தல் மற்றும் மாற்றுதல்

வலைப்பதிவை வெளியிடுவதற்கான குறிப்பிட்ட தேதியையும் நேரத்தையும் நீங்கள் அமைக்கலாம்.

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. வெளியீட்டைத் திட்டமிட விரும்பும் வலைப்பதிவுக்குச் செல்லவும்.
4. உள்ளடக்க எடிட்டரில் இப்போதே வெளியிடு என்பதை ஆஃப் செய்யவும்.
5. வெளியிடுவதற்கான தேதியையும் நேரத்தையும் அமைக்கவும்.
   • விருப்பமான தேதியைத் தேர்ந்தெடுக்க, தேதி தேர்வுக் கருவியைப் பயன்படுத்தவும்.
   • விருப்பமான நேரத்தைத் தேர்ந்தெடுக்க, நேரத் தேர்வுக் கருவியைப் பயன்படுத்தவும்.

வலைப்பதிவுகளுக்கிடையே மாறுதல்

ஒரே Google கணக்கைக் கொண்டு உருவாக்கப்பட்ட பல்வேறு வலைப்பதிவுகளுக்கு இடையே மாறலாம்.

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. மேற்புறத்தில், உங்கள் வலைப்பதிவின் பெயரைத் தட்டவும்.
4. உங்கள் எல்லா வலைப்பதிவுகளும் காட்டப்படும் கீழ் தோன்றும் பட்டியலில் இருந்து, நீங்கள் மாற விரும்பும் வலைப்பதிவைத் தட்டலாம்.

உங்கள் வலைப்பதிவு அல்லது பதிவை பிரவுசர் மூலம் கண்டறிதல்

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. இவற்றில் ஒன்றைத் தேர்ந்தெடுக்கவும்:
   • பதிவைப் பார்க்க: உங்கள் பதிவைத் தட்டவும். மூன்று புள்ளி மெனுவை தட்டி பதிவைக் காட்டு என்பதைத் தட்டவும்.
   • உங்கள் வலைப்பதிவைப் பார்க்க: சுயவிவரப் படம் அல்லது பெயரின் முதல் எழுத்திற்கான ஐகானை தட்டி எனது வலைப்பதிவைக் காட்டு என்பதைத் தட்டவும்.

இடுகையில் படங்களைச் சேர்த்தல் 

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. பதிவைத் திறக்கவும்.
4. படத்தைச் சேர்க்கவும்:
   • படம் எடுக்க: கேமரா ஐகானை தட்டவும். படம் எடுத்தபிறகு சரி ஐகானை தட்டவும்.
   • ஏற்கெனவே இருக்கும் படத்தைச் சேர்க்க: படங்களுக்கான ஐகானை தட்டியபிறகு படத்தைத் தேர்ந்தெடுக்கவும்.

உதவிக்குறிப்பு: உங்கள் வலைப்பதிவுகளில் உள்ள படங்களுக்கு நீங்கள் லேபிள்களையும் சேர்க்கலாம்.

கணக்கைச் சேர்

கணக்கைச் சேர்க்க:

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. மேல் வலதுபுறத்தில், சுயவிவரப் படம் அல்லது பெயரின் முதல் எழுத்திற்கான ஐகானை தட்டவும்.
4. பொது மெனுவில், உங்கள் சுயவிவரப் படம் அல்லது பெயரின் முதல் எழுத்தைத் தட்டவும்.
5. “Google கணக்கை நிர்வகியுங்கள்” என்பதன் கீழே கணக்கைச் சேர் என்பதைத் தட்டவும்.
6. உங்கள் Google கணக்கில் உள்நுழையவும்.

கணக்குகளுக்கிடையில் மாறுதல்

1. Android மொபைல் அல்லது டேப்லெட்டில் Blogger ஆப்ஸை திறக்கவும்.
2. உங்கள் Google கணக்கில் உள்நுழையும்படி கேட்கப்பட்டால் உள்நுழையவும்.
3. மேல் வலதுபுறத்தில், சுயவிவரப் படம் அல்லது பெயரின் முதல் எழுத்திற்கான ஐகானை தட்டவும்.
4. பொது மெனுவில், உங்கள் சுயவிவரப் படம் அல்லது பெயரின் முதல் எழுத்தைத் தட்டவும்.
5. நீங்கள் மாற விரும்பும் கணக்கைத் தேர்ந்தெடுக்கவும்.

இணையதளத்தில் மட்டுமே கிடைப்பவை:

உங்கள் பதிவுகளைத் திருத்தவும், வெளியிடவும் மொபைல் ஆப்ஸ் உதவுவதால், சில அம்சங்கள் Blogger டாஷ்போர்டில் மட்டுமே கிடைக்கும்.

இணையதளத்திலிருந்து நீங்கள்:

• வலைப்பதிவின் தீமினையும் தளவமைப்பையும் மாற்றலாம்
• கருத்துகள், AdSense, பக்கங்கள் ஆகியவற்றை நிர்வகிக்கலாம்
• அமைப்புகளைச் சரிசெய்யலாம்
• பதிவின் புள்ளிவிவரங்களைப் பார்க்கலாம்

Blogger பற்றி மேலும் அறிக.