Maghanap at mag-set up ng mga device na malapit sa iyo

Makakahanap at makakapag-set up ka ng ilang device na malapit sa iyo gamit ang iyong Android phone.

Mahalaga:

• Gumagana lang ang ilan sa mga hakbang na ito sa Android 10 at mas bago. Alamin kung paano tingnan ang bersyon ng iyong Android.
• Kailangan ng ilan sa mga hakbang na ito na pindutin mo ang screen.

Mag-set up ng mga bagong device na malapit sa iyo

Hakbang 1: I-set up ang iyong telepono

1. Kung hindi mo pa ito nagagawa, sa iyong telepono:
   • I-on ang Bluetooth.
   • I-on ang Lokasyon.
2. Kung na-off mo ang mga notification ng device, i-on ang mga ito. Alamin kung paano i-on ang mga notification.

Hakbang 2: I-set up ang bagong device

Puwede kang mag-set up ng Chromecast, mga Wear OS watch, iba pang Android phone at tablet, o mga accessory na gumagana sa Mabilis na Pagpares. Nakasaad sa mga kahon ng mga accessory kung gumagana ang mga ito sa mabilis na pagpares. Marami ring nagsasaad ng "Made by Google" o "Made for Google." Maghanap ng mga accessory sa Google Store.   

1. Mag-on ng bagong device na hindi pa nase-set up. Ilagay ang device sa pairing mode.
2. I-on ang screen ng iyong telepono.
3. Sa iyong telepono, makakatanggap ka ng notification na mag-aalok na i-set up ang bagong device.
4. I-tap ang notification.
5. Sundin ang mga hakbang sa screen.

I-on o i-off ang mga notification

Bilang default, makakatanggap ka ng mga notification para sa malalapit na device na puwede mong i-set up. Kung io-off mo ang mga notification, makakakita ka pa rin ng mga device na malapit sa iyo sa pamamagitan ng pagbukas sa app na Mga Setting ng iyong telepono.

1. Buksan ang app na Mga Setting ng iyong telepono.
2. I-tap ang Google  Mga device at pagbabahagi  Mga Device.
3. I-on o i-off ang Mag-scan ng mga kalapit na device.

Ayusin ang mga problema sa pag-set up ng mga device

• Kung wala kang makitang notification, hanapin ang device sa iyong app na Mga Setting Google Mga device at pagbabahagi Mga Device.
• Tiyaking malapit ka sa device. Kailangang nasa loob ng 0.5 m (1.6 ft) ang iyong telepono mula sa mga accessory na nagagamitan ng Mabilis na Pagpares.
• Tiyaking naka-on ang Bluetooth at Lokasyon ng iyong telepono.
  • Alamin kung paano i-on ang Bluetooth.
  • Alamin kung paano i-on ang lokasyon para sa iyong telepono.
• ​Tiyaking nakakonekta ang iyong telepono sa isang Wi-Fi network o mobile network.

Tip: Hindi magagawa ng iyong telepono na awtomatikong hanapin at i-set up ang lahat ng device. Kung wala kang nakikitang device sa iyong app na Mga Setting, subukang kumonekta sa ibang paraan, tulad ng Bluetooth. Alamin kung paano i-on ang Bluetooth.

Mga kaugnay na resource

• Gamitin ang Nearby para makipag-ugnayan sa kung ano ang nasa paligid mo
• Kumonekta sa pamamagitan ng Bluetooth