Lumipat sa bagong Android device

Puwede mong ilipat ang iyong data sa bagong Android device mula sa ibang uri ng device, o puwede kang magsimula sa umpisa sa bago mong Android device.

Mahalaga:

Gumagana lang ang ilan sa mga hakbang na ito sa Android 10 at mas bago. Alamin kung paano tingnan ang bersyon ng iyong Android.
Kailangan ng ilan sa mga hakbang na ito na pindutin mo ang screen.

Bago ka magsimula

I-charge and dalawang device.
Tiyaking maa-unlock mo ang lumang device gamit ang PIN, pattern, o password.
Sa iyong lumang device:
- Mag-sign in gamit ang iyong Google Account.
  - Para malaman kung may Google Account ka, ilagay ang iyong email address.
  - Kung wala kang Google Account, gumawa ng Google Account.
- I-back up ang iyong data. Alamin kung paano i-back up ang iyong data.
- Tingnan kung may koneksyon ka sa Wi-Fi.

Sinusuportahan ng Google at Android ang sustainable na paggamit ulit at pag-recycle ng mga device. Matuto pa tungkol sa paninindigan ng Google sa kapaligiran.

Tip: Bago mo i-recycle, i-donate, o i-trade in ang iyong lumang device, i-clear ang data mo at i-reset sa mga factory setting ang iyong device para maprotektahan ang personal na impormasyon mo. Para sa mga tagubilin sa pag-aalis ng data, pag-trade in, at pag-recycle, humingi ng tulong sa iyong manufacturer ng device at mobile carrier.

Lumipat mula sa Android device

I-on ang iyong bagong device.
I-tap ang Magsimula. Kung hindi ipapakita ang “Magsimula,” puwede mong manual na kopyahin ang iyong data.
Kapag hiniling, tiyaking kokonekta ka sa Wi-Fi network.
Piliing kopyahin ang mga app at data mula sa iyong lumang device.
- Kung mayroon kang cable para maikonekta ang iyong mga device, sundin ang mga tagubilin sa screen para kopyahin ang data mo.
- Kung wala kang cable:
  1. I-tap ang Walang cable? Ok.
  2. I-tap ang Backup mula sa Android phone.
  3. Para kopyahin ang iyong data, sundin ang mga tagubilin sa screen.

Lumipat mula sa isang iPhone

I-on ang iyong bagong device.
I-tap ang Magsimula.
Kapag hiniling, tiyaking kokonekta ka sa Wi-Fi network.
Piliing kopyahin ang mga app at data mula sa iyong lumang device.
- Inirerekomenda: Kung mayroon kang cable para maikonekta ang iyong mga device, sundin ang mga tagubilin sa screen para kopyahin ang data mo.
- Kung wala kang cable:
  1. I-tap ang Walang cable? Ok.
  2. I-tap ang Gumagamit ng iPhone device?
  3. Para kopyahin ang iyong data, sundin ang mga tagubilin sa screen.
Tingnan ang iyong mga text, larawan, at video.
- Para tingnan ang iyong mga text sa bago mong device, alamin kung paano lumipat sa Android Messages mula sa iMessage.
- Para makuha sa iyong bagong device ang mga larawan at video na naka-store sa Apple iCloud, alamin kung paano maglipat ng mga larawan at video sa Google Photos mula sa iCloud.

Mag-restore ng data mula sa cloud

Mahalaga: Kung wala sa iyo ang lumang device mo, kailangang alam mo ang iyong Google Account at password para makapag-restore ng data.

I-on ang iyong bagong device.
I-tap ang Magsimula.
Para i-set up ang iyong device nang walang lumang device, sundin ang mga prompt.
Kapag na-prompt, mag-sign in gamit ang iyong Google Account.
- Kung hindi ka makapag-sign in, alamin kung paano i-recover ang iyong account.

Manual na kumopya ng data

Mahalaga: Makakatulong sa iyo ang mga opsyon sa itaas para ma-restore ang karamihan ng data. Kung wala sa iba pang hakbang ang gumana para sa iyo, subukang ikaw mismo ang kumopya ng iyong data.

I-sync ang iyong mga contact

Kung gumagamit ka na ng mga contact sa Google Account mo, halimbawa, sa Gmail, awtomatikong ipapakita ang mga ito sa iyong bagong Android device pagka-sign in mo.
Kung nasa SIM card ang iyong mga contact, alamin kung paano mag-import ng mga contact mula sa SIM card.

Kopyahin ang iyong musika

Para sa mga serbisyo sa musika gaya ng YouTube Music, Apple Music, at Spotify, i-download ang app sa iyong bagong device at awtomatikong magsi-sync ang musika mo.

Kopyahin ang mga larawan, video, file, at folder

Kung nakakonekta ka sa internet, alamin kung paano mag-upload sa Google Drive at mag-back up sa Google Photos.
Kung hindi ka makakonekta sa internet, alamin kung paano maglipat ng mga file sa pagitan ng iyong computer at Android device.
Kung gagamitin mo ang Google Photos, alamin kung paano i-back up ang iyong mga larawan. Kung gagamit ka ng ibang app para sa mga larawan mo, makipag-ugnayan sa manufacturer ng iyong device.

Kumopya ng mga event sa kalendaryo

Kung gumagamit ka na ng Google Calendar, ipapakita ang iyong mga event sa kalendaryo kapag binuksan mo ang Calendar app.
Para kumopya ng mga event mula sa ibang app ng kalendaryo, alamin kung paano mag-import ng mga event sa Google Calendar.

Tip: Kung Pixel ang iyong bagong device, pumunta sa aming gabay sa pag-set up ng Pixel.

Paano pinapangasiwaan ang iyong data habang inililipat ang account mo

Kapag inilipat mo ang iyong account sa bagong device, may ilang partikular na impormasyong kokolektahin para makapagsagawa ng mga serbisyo sa device mo. Gumagamit ang ilang bahagi ng functionality na ito ng mga serbisyo ng Google Play. Halimbawa, kokolektahin ang sumusunod na impormasyon:

Mga email address para sa functionality ng app. Halimbawa, ipinapakita namin ang mga pangalan ng account habang sine-set up ang telepono para mabigyang-daan kang piliin kung aling mga account ang kailangang ilipat.
Impormasyon ng paggamit, at mga identifier ng device o iba pang identifier para sa analytics.

Ine-encrypt ang kinolektang data habang inililipat ito.