பன்முனை ஹெட்ஃபோன்கள் மூலம் நீங்கள் ஒரே சமயத்தில் 2 புளூடூத் சாதனங்களுடன் இணைத்து அவற்றில் எந்த ஆடியோ சாதனத்தைப் பிளே செய்ய வேண்டும் என்பதையும் தேர்வுசெய்யலாம். எனவே, நீங்கள் ஒரு சாதனத்தில் மீடியாவைப் பிளே செய்துகொண்டிருந்தால், இணைக்கப்பட்டுள்ள மற்றொரு சாதனத்தில் பெறப்படும் அழைப்புகளுக்கு உங்கள் ஹெட்ஃபோன்களால் மாற முடியும்.
தேவைகள்
- புளூடூத் மூலம் 2 சாதனங்களுடன் இணையக்கூடிய ஹெட்ஃபோன்கள்.
- Google Play சேவைகளுடன் கூடிய Android 8 மற்றும் அதற்குப் பிந்தைய பதிப்புகளில் இயங்கும் சாதனங்கள்.
பன்முனைப் பயன்முறையை இயக்குதல்
- உங்கள் Android சாதனத்தில், அமைப்புகள் இணைக்கப்பட்டுள்ள சாதனங்கள் என்பதைத் தட்டவும்.
- உங்கள் சாதனத்திற்கு அடுத்துள்ள 'அமைப்புகள் ' என்பதைத் தட்டவும்.
- பன்முனை பன்முனைப் பயன்முறையைப் பயன்படுத்து என்பதைத் தட்டவும்.
- நீங்கள் இணைக்க விரும்பும் 2 ஆடியோ சாதனங்களுடன் உங்கள் ஹெட்ஃபோன்களை இணைக்கவும்.
- உங்கள் ஹெட்ஃபோன்கள் இணைக்கப்பட்டிருப்பதை ஆடியோ சாதனத்திலுள்ள புளூடூத் அமைப்புகளில் உறுதிசெய்துகொள்ளவும்.
உங்கள் ஹெட்ஃபோன்களை இரண்டு ஆடியோ சாதனங்களுடன் இணைத்தல்
முக்கியம்: நீங்கள் இணைக்க விரும்பும் 2 ஆடியோ சாதனங்களுடன் இதற்கு முன்பே உங்கள் ஹெட்ஃபோன்கள் இணைக்கப்பட்டிருக்க வேண்டும்.
உங்கள் ஹெட்ஃபோன்கள் இணைக்கப்பட்ட பிறகு 2 சாதனங்களுக்கும் இடையே அவற்றால் தானாக மாற முடியும்.
முதல் முறையாக உங்கள் சாதனங்களை இணைக்க:
- முதல் சாதனத்தின் புளூடூத் அமைப்புகளுக்குச் சென்று அதை உங்கள் ஹெட்ஃபோன்களுடன் இணைக்கவும்.
- இரண்டாம் சாதனத்தின் புளூடூத் அமைப்புகளுக்குச் சென்று அதை உங்கள் ஹெட்ஃபோன்களுடன் இணைக்கவும்.
மற்றொரு சாதனத்திலுள்ள மீடியாவிற்கு மாறுதல்
உங்கள் ஹெட்ஃபோன்களில் ஆடியோ சாதனங்களுக்கு இடையே மாறும்போது, முதல் சாதனத்தில் மீடியா/ஆடியோவை நிறுத்துவிட்டு இரண்டாவது சாதனத்தில் மீடியா/ஆடியோவைத் தொடங்க வேண்டும்.