Nagbibigay-daan ang Mga Feature ng Pag-advertise ng Google Analytics na mag-enable ng mga feature sa Analytics na hindi available sa mga karaniwang pagpapatupad. Kabilang sa Mga Feature ng Pag-advertise ang:
- Remarketing sa Google Analytics
- Pag-uulat ng Impression sa Google Display Network
- Pag-uulat ng Demograpiko at Interes sa Google Analytics
- Mga integrated na serbisyo na nag-aatas sa Google Analytics na mangolekta ng data para sa mga layunin sa pag-advertise, kasama na ang pangongolekta ng data sa pamamagitan ng cookies at mga identifier sa pag-advertise
Sa pamamagitan ng pag-enable sa Mga Feature ng Pag-advertise, ine-enable mo ang Google Analytics na mangolekta ng data tungkol sa iyong trapiko sa pamamagitan ng mga pagkakakilanlan at cookies sa pag-advertise ng Google, bukod pa sa data na nakolekta sa pamamagitan ng isang karaniwang pagpapatupad ng Google Analytics. Anuman ang paraan ng pagpapadala mo ng data sa Google Analytics (halimbawa, sa pamamagitan ng tracking code ng Google Analytics, Google Analytics SDK, o Protocol ng Pagsukat), kung gumagamit ka ng Mga Feature ng Pag-advertise ng Google Analytics, dapat mong sundin ang patakarang ito.
Kapag gumagamit ka ng Mga Feature ng Pag-advertise ng Google Analytics, ikaw lang ang controller sa ilalim ng lahat ng naaangkop na batas para sa proteksyon ng data.
Ibig sabihin, hindi mo tutukuyin ang mga user o padadaliin ang pagsasama ng impormasyong nagbibigay ng personal na pagkakakilanlan sa karagdagang impormasyong nakolekta sa pamamagitan ng anumang produkto o feature ng pag-advertise ng Google maliban kung may malinaw kang abiso, at may pauna kang pahintulot ng user (ibig sabihin, pag-opt in) sa pagtukoy at pagsasamang iyon, at gumagamit ka ng feature ng Google Analytics na hayagang sumusuporta sa pagtukoy o pagsasamang iyon. May pahintulot man ng mga user o wala, hindi mo dapat subukang paghiwa-hiwalayin ang data na iniuulat ng Google nang magkakasama.
Matuto pa tungkol sa PII sa mga kontrata at patakaran ng Google
Kung may na-enable kang anumang feature ng Pag-advertise ng Google Analytics, kinakailangan mong abisuhan ang iyong mga bisita sa pamamagitan ng paghahayag sa sumusunod na impormasyon sa patakaran mo sa privacy:
- Ang Mga Feature ng Pag-advertise sa Google Analytics na ipinatupad mo.
- Kung paano mo ginagamit at ng mga third-party na vendor ang cookies ng first-party (gaya ng Google Analytics cookie) o iba pang mga identifier ng first-party, at cookies ng third-party (gaya ng cookies sa pag-advertise ng Google) o iba pang mga identifier ng third-party nang magkasama.
- Kung paano puwedeng mag-opt out ang mga bisita sa Mga Feature ng Pag-advertise sa Google Analytics na ginagamit mo, kasama ang sa pamamagitan ng Mga Setting ng Mga Ad, Mga Setting ng Ad para sa mga mobile app, o anupamang available na paraan (halimbawa, ang pag-opt out ng consumer ng NAI).
Hinihikayat ka rin naming ipakita sa mga user ang mga kasalukuyang available na pag-opt out ng Google Analytics para sa web.
Patakaran sa pagpapahintulot ng user sa European Union
Kapag gumagamit ng Mga Feature ng Pag-advertise sa Google Analytics, dapat ka ring sumunod sa Patakaran sa Pagpapahintulot ng User sa European Union.
Patakaran sa pagpapahintulot ng user sa Japan
Kung tumatanggap ka ng impormasyon ng user na hindi nagbibigay ng personal na pagkakakilanlan na may kaugnayan sa mga Japanese na user mula sa Google kaugnay ng iyong paggamit ng Google Analytics, hindi mo dapat isama ang impormasyong iyon sa impormasyong nagbibigay ng personal na pagkakakilanlan maliban kung, bago ang naturang pagpoproseso, nakuha mo ang lahat ng pahintulot na legal na kinakailangan mula sa user at binigyan mo ang Google ng tumpak at kumpletong impormasyon tungkol sa pagpoproseso sa pamamagitan ng Troubleshooter ng Google Ads.
Pag-advertise na batay sa interes
Kung na-enable mo sa Google Analytics ang pag-advertise na batay sa interes, kasama ang Remarketing, kaugnay ng iba pang serbisyo ng Google, dapat mong sundin ang mga patakarang naaangkop sa mga serbisyong iyon ng Google (gaya ng Patakaran ng Google Ads para sa Naka-personalize na pag-advertise at ang mga paghihigpit nito sa sensitibong kategorya, at ang Mga Patakaran ng Programa ng Platform). Kung ginagamit mo ang Google Analytics para mangolekta ng sensitibong impormasyon tungkol sa iyong mga bisita, gaya ng inilalarawan sa mga paghihigpit sa sensitibong kategorya ng Google Ads, hindi mo puwedeng gamitin ang Google Analytics para mangolekta ng data para sa layunin ng pag-advertise na batay sa interes. Puwede mong i-disable ang pag-advertise na batay sa interes sa pamamagitan ng advanced na setting ng pag-personalize ng mga ad.
Dahil magkakaiba ang mga batas sa mga bansa at teritoryo, at dahil magagamit ang Google Analytics sa maraming paraan, hindi maibibigay ng Google ang eksaktong pananalitang kailangan mong isama sa iyong patakaran sa privacy. Ikaw lang ang nakakaunawa sa mga natatanging aspeto at espesyal na pagsasaalang-alang ng iyong negosyo, at dapat isaalang-alang ng patakaran sa privacy mo ang impormasyong ito na ikaw lang ang makakapagbigay.
Huling na-update ang patakarang ito noong Abril 27, 2022.
