Puwede kang gumawa ng mga segment ng Pinahusay na Ecommerce sa pamamagitan ng pag-click sa mga funnel step at arrow ng pag-abanduna sa mga ulat sa Gawi sa Pamimili at Gawi sa Pag-check Out, at sa pamamagitan din ng pagpili sa isa sa mga opsyon sa paglipat sa Gawi sa Pag-check Out (hal., paraan ng pagbabayad gaya ng Visa o MasterCard). Ang mga pangalan ng funnel-step sa Gawi sa Pag-check Out ay kukunin sa mga pangalan ng label na ibibigay mo sa Mga Setting ng Ecommerce (sa ilalim ng Admin > View).
Tandaan na kapag gumawa ka ng segment at tinanggap mo ang default na pangalan at configuration nang maraming beses, magkakaroon ka ng maraming iba't ibang instance ng iisang segment sa iyong listahan. Bukod pa sa paggawa ng posibleng nakakalitong listahan, may panganib ding maabot mo kaagad ang iyong limitasyon sa mga segment (kasalukuyang 1000 sa bawat account, 100 sa bawat view).
May limitasyong 1,000 segment sa bawat account at 100 segment sa bawat view.
Mga segment na batay sa mga funnel step at pag-abanduna
Gagamitin namin ang ulat sa Pagsusuri sa Pagkilos sa Pamimili para sa sumusunod na halimbawa.
Sa ulat, i-click ang hakbang na Mga Session na may Mga Pagtingin sa Produkto para gumawa ng segment ng lahat ng session na may pagtingin ng produkto:
Maglagay ng ibang pangalan para sa segment kung gusto mo, at pagkatapos ay piliin ang mga view kung saan mo gustong maging available ang segment.
Kapag na-configure mo na ang lahat ng opsyon, i-click ang Gawin ang Segment.
Ilalapat ang segment na iyon sa ulat, at papalitan nito ang anumang dating inilapat na segment:
Puwede mo ring i-click ang arrow ng pag-abanduna mula sa isang funnel step para gumawa ng segment ng lahat ng session na kasama ang pag-aabanduna sa funnel ng pamimili sa hakbang na iyon.
Mga segment na batay sa mga paglipat ng funnel
Sa ulat sa Pagsusuri sa Gawi sa Pag-check Out, puwede ka ring gumawa ng mga segment batay sa mga paglipat ng funnel.
I-click lang ang isa sa mga paglipat, at pagkatapos ay pumili ng isa sa mga available na opsyon. Kapag pumili ka ng opsyon, bubukas ang panel ng paggawa ng segment.
