Ang mga batas na pumoprotekta sa privacy ng user gaya ng Pangkalahatang Regulasyon para sa Proteksyon ng Data ng European Economic Area at iba pang batas sa privacy na nagtatakda ng iba't ibang karapatan para sa mga naaangkop na residente ng estado ng US ay nakakaapekto sa mga publisher ng content, developer ng application, bisita sa website, at user ng application. Tingnan din ang patakaran sa privacy ng Google at ang site ng Google para sa mga customer at partner. Sa kasalukuyan, nalalapat ang mga nasabing regulasyon sa mga partikular na heograpikong rehiyon, pero kadalasan, nagpapatupad ang mga publisher at developer ng application ng mga kontrol na nakakaapekto sa experience ng mga user sa lahat ng rehiyon.
Nakatuon ang Google sa pagprotekta sa pagiging kumpidensyal at seguridad ng data. Mahalagang maunawaan ang iyong mga opsyon sa privacy, bilang publisher man o consumer. Nagbibigay ang page na ito ng impormasyon tungkol sa pangongolekta at seguridad ng data para sa:
- Mga publisher ng content at developer ng app (“mga customer”) na gumagamit ng mga produkto sa pagsukat ng Google.
- Mga bisita sa website at user ng app (“mga user”) ng mga site at app na gumagamit ng mga produkto sa pagsukat ng Google.
Pangongolekta ng data
Gumagamit ang mga customer ng Google ng mga tag sa mga web page at isang SDK para sa mga mobile app para ma-enable ang mga produkto sa pagsukat ng Google. Nakakatulong ang nakolektang data ng pagsukat para maunawaan ng mga customer ang mga pangangailangan ng kanilang mga user, at puwede rin itong makatulong sa kanilang i-personalize ang experience ng user at mag-alok ng kaugnay na pag-advertise (tingnan ang Pag-personalize ng pag-advertise).
Ang mga Google tag at ang SDK ay gumagamit ng cookies at mga app instance ID, nang naaayon, para sukatin ang interaction ng user. Bagama't nagbibigay ang mga pagkakakilanlang ito ng impormasyon tungkol sa gawi ng user, pinagbabawalan ng Google ang mga customer na magpadala ng Impormasyong Nagbibigay ng Personal na Pagkakakilanlan sa Google Analytics. Sa kabila nito, napapailalim ang paggamit ng cookies at mga app ID sa mga batas sa privacy na binanggit kanina. Kailangang ipagbigay-alam ng mga customer ng Google sa mga user ang tungkol sa impormasyong sino-store at kailangan nila silang bigyan ng pagkakataong magbigay o huwag magbigay ng kanilang pahintulot.
Tingnan ang mga sumusunod na seksyon sa page na ito para:
- Matutunan kung paano nangongolekta at nagpoproseso ng impormasyon ang Google tungkol sa paggamit ng website at app: Impormasyon para sa mga site at app na gumagamit ng Google Analytics.
- Alamin ang tungkol sa aming mga patakaran at kontrol ng user: Impormasyon para sa mga bisita sa mga site at app na gumagamit ng Google Analytics.
Impormasyon para sa mga bisita sa mga site at app na gumagamit ng Google Analytics
Ang aming patakaran sa privacySa Google, alam na alam namin ang tiwalang ibinibigay mo sa amin at ang aming pananagutang panatilihing secure ang iyong privacy at data. Bilang bahagi ng responsibilidad na ito, ipinapaalam namin sa iyo kung anong impormasyon ang kinukuha namin kapag ginamit mo ang aming mga produkto at serbisyo, kung bakit namin ito kinukuha, at kung paano namin ito ginagamit para mapahusay ang iyong experience. Inilalarawan ng patakaran at mga prinsipyo sa privacy ng Google kung paano namin pinapangasiwaan ang personal na impormasyon kapag gumagamit ka ng mga produkto at serbisyo ng Google, kasama ang Google Analytics.
Pangunahing gumagamit ng cookies ng first-party ang Google Analytics para mag-ulat tungkol sa mga interaction ng bisita (kilala rin bilang user) sa mga website ng mga customer ng Google Analytics. Puwedeng i-disable ng mga user ang cookies o kaya ay i-delete ang anumang indibidwal na cookie. Matuto pa
Dagdag pa rito, sinusuportahan ng Google Analytics ang isang opsyonal na add-on ng browser na nagdi-disable ng pagsukat ng Google Analytics para sa anumang site na bibisitahin ng isang user, kapag na-install at na-enable ito. Tandaang ang pagsukat lang ng Google Analytics ang dini-disable ng add-on na ito.
Kapag ginagamit ng isang site o app ang Google Analytics para sa Apps o ang Google Analytics para sa Firebase SDK, mangongolekta ang Google Analytics ng pagkakakilanlan ng instance ng app — isang random na nabuong numerong tumutukoy sa natatanging pag-install ng isang App. Sa tuwing ire-reset ng isang user ang kanyang Pagkakakilanlan ng Pag-advertise (Advertising ID sa Android, at ID para sa Mga Advertiser sa iOS), mare-reset din ang pagkakakilanlan ng instance ng app.
Kapag ipinatupad ng mga site o app ang Google Analytics sa iba pang produkto sa Pag-advertise ng Google, tulad ng Google Ads, puwedeng mangolekta ng mga karagdagang pagkakakilanlan ng pag-advertise. Puwedeng mag-opt out ang mga user sa feature na ito at puwede nilang pamahalaan ang kanilang mga setting para sa cookie na ito gamit ang Mga Setting ng Mga Ad. Matuto pa
Impormasyon para sa mga site at app na gumagamit ng Google Analytics
Google Analytics sa ilalim ng Pangkalahatang Regulasyon para sa Proteksyon ng Data (General Data Protection Regulation o GDPR)Kumikilos ang Google bilang data processor para sa Google Analytics. Ipinapakita ito sa aming Mga Tuntunin sa Pagpoproseso ng Data ng Ads, na available sa lahat ng customer ng Google Analytics na may mga direktang kontrata sa Google. Matuto pa
Ang Google Analytics ay isang data processor sa ilalim ng GDPR dahil nangongolekta at nagpoproseso ng data ang Google Analytics para sa aming mga kliyente, alinsunod sa kanilang mga tagubilin. Ang aming mga customer ay mga data controller na nananatiling mayroon ng lahat ng karapatan sa pangongolekta, pag-access, pagpapanatili, at pag-delete ng kanilang data anumang oras. Ang paggamit ng data ng Google ay kinokontrol ng mga tuntunin ng kontrata nito sa mga customer ng Google Analytics at ng anumang setting na na-enable ng mga customer sa pamamagitan ng user interface ng aming produkto.
Para matulungan ang mga customer ng Google Analytics na maghanda para sa mga batas na nagtatakda ng iba't ibang karapatan para sa mga naaangkop na residente ng estado ng US, na-update namin ang aming Mga Tuntunin sa Pagpoproseso ng Data para magsama ng Addendum ng Service Provider at Processor para sa Mga Batas sa Privacy ng Estado ng U.S.. Sang-ayon sa mga kumpletong tuntunin ng addendum na ito, kikilos ang Google Analytics bilang service provider sa mga customer nito (kapag naka-disable ang pagbabahagi ng data sa mga produkto at serbisyo ng Google) at dahil dito, gagamit lang ito ng data na nakolekta para sa customer sa Google Analytics para maibigay ang mga serbisyo ng Google Analytics. Magagawa iyon ng mga customer na hindi tumanggap sa aming Mga Tuntunin sa Pagpoproseso ng Data ayon sa mga tagubiling ito. Wala nang kailangang gawin ang mga customer na sumang-ayon na sa aming Mga Tuntunin sa Pagpoproseso ng Data para tanggapin ang addendum ng service provider sa CCPA. Dapat suriin ng mga customer ang Addendum ng Service Provider at Processor para sa Mga Batas sa Privacy ng Estado ng U.S., pati na rin ang paggamit ng data ng Google Analytics, para tiyaking natutugunan nito ang mga pangangailangan sa pagsunod ng customer.
Para matulungan ang mga customer na pamahalaan ang mga pangangailangan nila sa pagsunod, nag-aalok ang Google Analytics ng koleksyon ng mga tool, na nakadetalye sa ibaba, na nagbibigay-daan sa iyong kontrolin kung paano kinokolekta ang data, at kung ginagamit ito para sa pag-personalize ng pag-advertise.
Kung na-link mo ang Google Analytics sa isa pang produkto, sumangguni sa pangkalahatang-ideya sa pag-link ng Google Analytics.
Kumikilos ang Google bilang data processor para sa Google Analytics. Ipinapakita ito sa aming Mga Tuntunin sa Pagpoproseso ng Data ng Ads, na available sa lahat ng customer ng Google Analytics na may mga direktang kontrata sa Google. Matuto pa
Ang Google Analytics ay isang data processor sa ilalim ng LGPD dahil nangongolekta at nagpoproseso ng data ang Google Analytics para sa aming mga kliyente, alinsunod sa kanilang mga tagubilin. Ang aming mga customer ay mga data controller na nananatiling mayroon ng lahat ng karapatan sa pangongolekta, pag-access, pagpapanatili, at pag-delete ng kanilang data anumang oras. Ang paggamit ng data ng Google ay kinokontrol ng mga tuntunin ng kontrata nito sa mga customer ng Google Analytics at ng anumang setting na na-enable ng mga customer sa pamamagitan ng user interface ng aming produkto.
Tumingin dito para sa impormasyon tungkol sa mga paglilipat ng data sa pamamagitan ng Google Analytics.
Cookies ng first-party
Nangongolekta ang Google Analytics ng cookies ng first-party, data na nauugnay sa device/browser, IP address (kapag nangongolekta ng data, hindi nila-log o sino-store ng Google Analytics 4 ang mga IP address), at mga aktibidad sa site/app para magsukat at mag-ulat ng mga istatistika tungkol sa mga interaction ng user sa mga website at/o app na gumagamit ng Google Analytics. Puwedeng i-customize ng mga customer ang cookies at ang data na kinokolekta gamit ang mga feature tulad ng mga setting ng cookie, User-ID, Pag-i-import ng Data, at Protocol ng Pagsukat. Matuto pa
Puwedeng kontrolin ng mga customer ng Google Analytics na halimbawa ay nag-enable ng paraan ng pangongolekta ng analytics.js o gtag.js gumagamit man sila ng cookies o hindi para mag-store ng pseudonymous o random na pagkakakilanlan ng client. Kung magpapasya ang customer na magtakda ng cookie, ang impormasyong naka-store sa lokal na cookie ng first party ay gagawing random na pagkakakilanlan (hal., 12345.67890).
Para sa mga customer na gumagamit ng Google Analytics para sa Apps SDK, nangongolekta kami ng Pagkakakilanlan ng Instance ng App, na isang numerong random na nabubuo kapag na-install ng user ang isang app sa unang pagkakataon.
Mga pagkakakilanlan ng pag-advertise
Kapag gumagamit ng Mga Feature ng Pag-advertise sa Google Analytics ang mga customer, kinokolekta at ginagamit ang cookies sa pag-advertise ng Google para mag-enable ng mga feature tulad ng Remarketing sa Google Display Network. Napapailalim ang mga feature na ito sa Mga Setting ng Mga Ad ng mga user, sa Mga kinakailangan ng patakaran para sa Mga Feature ng Pag-advertise ng Google Analytics, at sa EU User Consent policy (Patakaran sa Pagpapahintulot ng User sa EU) ng Google, na nag-aatas sa mga customer na humingi ng pahintulot para sa cookies kapag legal na kinakailangan—kasama ang pahintulot para sa mga naka-personalize na ad. Para sa higit pang impormasyon tungkol sa kung paano gumagamit ng cookies sa pag-advertise ang Google, bisitahin ang FAQ sa Privacy ng Pag-advertise sa Google. Posibleng ipatupad ang Google Analytics nang hindi naaapektuhan ang normal na pangongolekta ng data kung saan naka-disable ang mga feature ng Pag-advertise hangga't hindi nakakakuha ng pahintulot (tingnan ang Mga Kontrol sa Privacy sa Google Analytics), at posible ring pigilang magamit ang ilang partikular na data para sa mga layunin ng pag-personalize ng pag-advertise (Tingnan ang Pag-personalize ng Pag-advertise sa ibaba).
Pagbabawal ng PII
Pinagbabawalan ng aming mga kontrata ang mga customer na magpadala ng Impormasyong Nagbibigay ng Personal na Pagkakakilanlan (Personally Identifiable Information o PII) sa Google Analytics. Dapat sundin ng mga customer ang Pinakamahuhusay na Kagawian na ito para matiyak na hindi magpapadala ng PII sa Google Analytics.
Ginagamit ng Google ang data ng Google Analytics para maibigay ang serbisyo sa pagsukat ng Google Analytics sa mga customer. Gumagamit ng mga pagkakakilanlan gaya ng cookies at app instance ID para sukatin ang mga interaction ng user sa mga site at/o app ng isang customer, habang gumagamit ng mga IP address para ibigay at protektahan ang seguridad ng serbisyo, at para bigyan ang customer ng ideya kung saang sulok ng mundo nagmumula ang mga user niya. Mapipili rin ng mga customer na gamitin ang data na nakolekta ng Google Analytics para sa pag-personalize ng site/app o mga layunin ng pag-advertise, kasama na ang pag-personalize ng mga ad (Tingnan ang Pag-personalize ng Pag-advertise sa ibaba).
Hindi kami nagbabahagi ng data ng Google Analytics nang walang pahintulot ng customer (kasama ang sa pamamagitan ng mga setting sa user interface ng produkto), o tulad ng hayagang pinapayagan sa ilalim ng mga tuntunin ng kanilang kasunduan sa Google Analytics, maliban sa mga limitadong sitwasyon kapag kinakailangan ayon sa batas.
Puwedeng kontrolin ng mga customer ang sarili nilang access sa data sa kanilang mga Analytics account o property sa Analytics sa pamamagitan ng pag-configure sa mga pahintulot na tumingin at mag-edit para sa mga empleyado o iba pang kinatawang puwedeng mag-log in sa kanilang Analytics account. Matuto pa
Nagbabantay ang mga engineering team sa Google na nakatuon sa seguridad laban sa mga external na banta sa data. Ang internal na pag-access sa data (hal., ng mga empleyado) ay nililimitahan lang ng mahihigpit na kontrol sa pag-access (mga internal na kontrol ng patakaran at naka-automate na teknikal na kontrol gaya ng pag-authenticate, SSL, at mga log ng seguridad) sa mga may pangangailangang i-access ito para sa negosyo.
Buod ng pag-link ng produkto
Kapag ni-link ng mga customer ang kanilang property sa Analytics sa ibang account ng produkto o serbisyo ng Google (“Partner sa Pagsasama”), maaaring i-access at i-export sa naka-link na account ang ilang partikular na data mula sa property sa Analytics na iyon. Kapag na-export na ang data sa pamamagitan ng integration ng pag-link, mapapailalim ito sa mga tuntunin at patakaran ng Partner sa Integration.
Tandaang kapag naipadala na ang data sa isang Partner sa Integration, ang naipadalang data ay napapailalim sa mga tuntunin ng Partner sa Integration na iyon at wala nang access o kontrol ang Google Analytics sa data na iyon.
Puwedeng suriin at pamahalaan ng mga customer ang kanilang mga pag-link ng integration ng produkto anumang oras sa user interface ng Analytics para sa buod ng pag-link ng produkto.
Pagbabahagi ng data
Nagbibigay ang Google Analytics ng ilang setting ng pagbabahagi ng data sa mga customer, na magagamit ng mga customer para i-customize kung paano magagawang i-access at gamitin ng Google ayon sa mga kagustuhan ng customer ang data na nakolekta gamit ang isang paraan ng pangongolekta ng data ng Analytics (tulad ng JavaScript code, mga mobile SDK, at Protocol ng Pagsukat). Tandaang nalalapat lang ang mga setting na ito sa data na nakolekta mula sa mga website, mobile app, at iba pang digital na device gamit ang Analytics; hindi nalalapat ang mga ito sa data na nauugnay sa paggamit ng isang customer sa Analytics, gaya ng bilang ng mga property at kung aling mga karagdagang feature ang naka-configure. Anuman ang mga setting ng pagbabahagi ng data ng isang customer, puwede ring gamitin lang ang data ng Analytics hangga't kinakailangan para mapanatili at maprotektahan ang serbisyo ng Analytics. Matuto pa
Pagpapanatili ng data
Gamit ang mga kontrol sa Pagpapanatili ng Data, puwedeng limitahan o palawigin ng mga customer ang tagal ng pag-store ng kanilang data sa antas ng user at antas ng event sa mga server ng Google Analytics. Dapat suriin ng lahat ng customer ang kanilang mga setting ng Pagpapanatili ng Data at dapat nilang tiyaking napili ang naaangkop na pagpapanatili.
Pag-delete ng user
Puwedeng i-delete ng mga customer ang data ng isang user sa Google Analytics sa pamamagitan ng pagpapasa ng isang pagkakakilanlan ng user sa Google Analytics User Deletion API o sa pamamagitan ng aming ulat sa Explorer ng User. Gayunpaman, hindi nito ide-delete ang pinagsama-samang data na nauugnay sa user na iyon, tulad ng mga pinuntahang page URL.
Access at portability ng data sa antas ng user
Puwedeng kumuha ang mga customer ng impormasyon ng event para sa anumang partikular na pagkakakilanlan ng user sa pamamagitan ng aming ulat sa Explorer ng User o User Activity API. Nagbibigay-daan sa mga customer ang mga feature na ito na magsuri at mag-export ng data sa antas ng event para sa isang pagkakakilanlan ng user. Dagdag pa rito, puwedeng mag-integrate sa BigQuery ang aming mga customer ng 360 para makagawa ng kumpletong pag-export ng lahat ng data ng event na nauugnay sa kanilang mga user sa isang repository na puwedeng i-query.
Puwedeng piliin ng mga customer na limitahan ang paggamit sa kanilang data ng analytics para sa mga layunin ng pag-personalize ng pag-advertise, sa halip na i-disable ang pangongolekta ng lahat ng data ng analytics o advertising identifier (tingnan ang “Mga Kontrol sa Privacy sa Google Analytics”). Puwedeng piliin ng mga customer na i-disable ang Pag-personalize ng Pag-advertise para sa data na kinokolekta mula sa buong property, o i-disable ito para sa mga indibidwal na event o user (para sa mga app, mga website, at protocol ng pagsukat). Magagawa rin ng mga customer na gumagamit ng Google Analytics para sa Firebase o mga property sa Google Analytics 4 na magbukod ng mga partikular na event o property ng user (gaya ng ‘purchase’ o ‘gender’) para hindi magamit ang mga ito para sa Pag-personalize ng Mga Ad.
Kung hindi isinama sa pag-personalize ng mga ad ang alinman sa 1) lahat ng data sa antas ng property, 2) mga indibidwal na event, o 3) mga partikular na pangalan ng event o property ng user, maglalagay ang Analytics ng karagdagang signal (na tinatawag na ‘npa’) sa Mga Postback na nagsasaad na hindi dapat gamitin ng mga network ang data para sa naka-personalize na pag-advertise. Tandaang tutukuyin ng bawat network kung paano nila papangasiwaan ang signal na 'npa' na iyon.
Mga Certification
ISO 27001
Nakamit ng Google ang ISO 27001 certification para sa mga system, mga application, mga tao, teknolohiya, mga proseso, at mga data center na naghahatid ng ilang produkto ng Google, kasama ang Google Analytics. Matuto pa tungkol sa aming pagsunod sa ISO, at i-download ang aming certificate (PDF) o matuto pa tungkol sa ISO 27001.
Seguridad ng impormasyon
Sa web-based computing, napakahalaga ng seguridad ng data at ng mga application. Naglalaan ang Google ng mahahalagang resource sa pag-secure ng mga application at pangangasiwa sa data para pigilan ang hindi pinapahintulutang pag-access sa data.
Naka-store ang data sa isang naka-encode na format na na-optimize para sa performance, sa halip na naka-store sa isang tradisyonal na paraan ng system ng file o database. Ipinapakalat ang data sa maraming pisikal at lohikal na volume para sa pag-uulit at mabilis na pag-access, at dahil dito, ino-obfuscate ito mula sa pangingialam.
Gumagana ang mga application ng Google sa isang multi-tenant at hiwa-hiwalay na environment. Sa halip na paghiwa-hiwalayin ang data ng bawat customer sa iisang computer o sa isang hanay ng mga computer, ang data mula sa lahat ng user ng Google (mga consumer, negosyo, at maging ang sariling data ng Google) ay ipinapamahagi sa isang nakabahaging imprastrakturang binubuo ng maraming homogeneous na computer ng Google at nasa mga data center ng Google.
Dagdag pa rito, tinitiyak ng Google Analytics ang secure na pagpapadala ng mga library ng JavaScript at data ng pagsukat nito. Bilang default, gumagamit ang Google Analytics ng HTTP Strict Transport Security (HSTS), na nag-aatas sa mga browser na sumusuporta sa HTTP over SSL (HTTPS) na gamitin ang protocol sa pag-encrypt na iyon para sa lahat ng pakikipag-ugnayan sa pagitan ng mga end user, website, at server ng Google Analytics. Matuto pa
Seguridad sa pagpapatakbo at pag-recover mula sa sakuna
Para mabawasan ang interruption ng serbisyo dahil sa hindi paggana ng hardware, likas na sakuna, o iba pang kalamidad, nagpapatupad ang Google ng komprehensibong programa sa pag-recover mula sa sakuna sa lahat ng data center nito. Naglalaman ang programang ito ng maraming bahagi para magtanggal ng mga single point of failure, kabilang ang mga sumusunod:
Pagkopya ng data Para makatulong na matiyak ang availability kung sakaling magkaroon ng sakuna, ang data ng Google Analytics na naka-store sa hiwa-hiwalay na file system ng Google ay kinokopya sa magkakahiwalay na system sa iba't ibang data center.
Paghihiwalay ng mga data center ayon sa heograpiya Nagpapatakbo ang Google ng isang hanay ng mga data center na nakakalat sa iba't ibang lugar na idinisenyo para mapanatili ang pagpapatuloy ng serbisyo sa panahon ng isang sakuna o iba pang pangyayari sa iisang rehiyon.
Matibay at redundant na imprastraktura Idinisenyo ang mga computing cluster ng Google nang isinasaalang-alang ang tibay at redundancy, na nakakatulong sa pagbawas sa mga single point of failure at sa epekto ng mga karaniwang pagpalya ng kagamitan at peligro sa kapaligiran.
Plano para sa pagpapatuloy kung magkakaroon ng sakuna Dagdag pa sa redundancy ng data at mga data center na malayo sa isa't isa, mayroon ding plano sa pagpapatuloy ng negosyo ang Google para sa headquarters nito sa Mountain View, CA. Kasama sa planong ito ang matitinding sakuna, tulad ng lindol o krisis sa pampublikong kalusugan, at ipinagpapalagay nitong posibleng maging hindi available ang mga tao at serbisyo nang hanggang 30 araw. Idinisenyo ang planong ito para bigyang-daan ang tuloy-tuloy na pagtakbo ng aming mga serbisyo para sa mga customer namin.
