Gamit ang filter ng data, puwede mong isama o ibukod ang papasok na data ng event sa pagpoproseso ng Google Analytics. Sinusuri ng Analytics ang mga filter ng data mula sa punto ng paggawa. Hindi nakakaapekto ang mga filter ng data sa dating data.
Kapag naglapat ka ng filter ng data, permanente na ang epekto sa data. Halimbawa, kung maglalapat ka ng filter para magbukod ng data, hinding-hindi ipoproseso ang ibinukod na data at hinding-hindi ito magiging available sa Google Analytics o BigQuery. Kung gusto mong magtago ng data mula sa ilang partikular na ulat nang hindi permanenteng fini-filter out ang data, mga filter ng ulat na lang ang gamitin mo.
Mga uri ng mga filter ng data
Puwede mong tukuyin ang mga sumusunod na uri ng mga filter ng data:
- Trapiko ng developer: I-filter ang aktibidad mula sa mga developer na gumagamit ng debug mode.
- Internal na trapiko: I-filter ang mga user na may IP address o isang hanay ng mga IP address.
- Trapiko ng hostname ng web: I-filter ang mga kasama at ibinukod na domain kung saan nagmumula ang data ng event ng iyong property.