Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Sa Mayo 2023, hahatiin ang patakaran sa Nakakapinsala o hindi gustong software ng Google Ads sa 3 magkakahiwalay na patakaran: Nakakapinsalang software, Mga nakompromisong site, at Hindi gustong software. Sisimulan naming ipatupad ang mga patakarang ito sa Mayo 9, 2023, at unti-unting mangyayari ang ganap na pagpapatupad sa loob ng humigit-kumulang 4 na linggo. Hangga't hindi pa nagkakabisa ang mga pagbabagong ito sa patakaran, patuloy na ipapatupad ng Google ang kasalukuyang patakaran nito sa malware.
Ano ang magbabago
- Nakakapinsalang software: Babawasan ang saklaw ng patakaran sa Nakakapinsalang software para pagbawalan ang sinasadyang pamamahagi ng nakakapinsalang software o “malware” na posibleng makasira o makakuha ng access sa computer, device, o network. Nalalapat ang pagbabawal na ito sa iyong mga ad at anumang software na naka-host o naka-link sa site o app mo, pino-promote man o hindi ang software sa pamamagitan ng advertising network ng Google. Ituturing na ngayong matinding paglabag ang paglabag sa patakaran sa Nakakapinsalang software.
- Mga nakompromisong site: Tumutukoy ang nakompromisong site sa isang site o destinasyong may code na namanipula o na-hack sa mga paraang mapapakinabangan ng isang third party nang hindi nalalaman ng may-ari o operator ng site o destinasyon, at madalas sa paraang ikakapahamak ng mga user ng site. Hindi pinapayagan ang iyong mga ad na gumamit ng mga destinasyong nakompromiso o na-hack. Hindi hahantong ang mga paglabag sa patakarang ito sa agarang pagsuspinde ng account nang walang paunang babala. May ibibigay na babala, hindi bababa sa 7 araw, bago ang anumang pagsususpinde ng iyong account.
- Hindi gustong software: Hindi pinapayagan ang mga ad at destinasyong lumalabag sa Patakaran sa Hindi Gustong Software ng Google. Hindi hahantong ang mga paglabag sa patakarang ito sa agarang pagsuspinde ng account nang walang paunang babala. May ibibigay na babala, hindi bababa sa 7 araw, bago ang anumang pagsususpinde ng iyong account.
Pakisuri ang update na ito sa patakaran para matukoy kung napapailalim sa saklaw ng patakaran ang alinman sa iyong mga ad, at kung oo, pakialis ang mga ad na iyon bago ang Mayo 9, 2023.
(Na-post noong Pebrero 2023)