Nagbibigay ang Google ng mga nakasaling bersyon ng aming Help Center, gayunpaman, hindi ginawa ang mga ito para baguhin ang content ng aming mga patakaran. Ang English na bersyon ang opisyal na wikang ginagamit namin para ipatupad ang aming mga patakaran. Para tingnan ang artikulong ito sa ibang wika, gamitin ang dropdown ng wika sa ibaba ng page.
Sa Agosto 2021, ia-update ang patakaran sa Mga Produkto at Serbisyong Pampinansyal ng Google Ads para magpakilala ng mga bagong kinakailangan sa pag-verify para sa mga advertiser ng Mga Serbisyong Pampinansyal na nagta-target sa UK. Ipa-publish namin ang update sa patakaran sa Agosto 30, 2021, at magkakabisa ang pagpapatupad pagkalipas ng pitong araw. Ang mga advertiser na hindi matagumpay na makakakumpleto sa na-update na proseso ng pag-verify kapag nagsimula na ang pagpapatupad ay hindi na papayagang magpakita ng anumang uri ng mga ad ng mga serbisyong pampinansyal sa UK, kasama na ang pagpapakita ng mga ad sa mga user sa UK na mukhang naghahanap ng mga serbisyong pampinansyal.
Puwede kang matuto pa tungkol sa mga bagong kinakailangan sa pag-verify ng Mga Serbisyong Pampinansyal sa UK at puwede mong simulan ang pag-verify dito.
Mga detalye ng na-update na patakaran
Para makapagpakita ng anumang uri ng mga ad ng mga serbisyong pampinansyal sa UK - kasama na ang pagpapakita ng mga ad sa mga user sa UK na mukhang naghahanap ng mga serbisyong pampinansyal - kakailanganing ma-verify ng Google ang mga advertiser. Bilang bahagi ng proseso ng pag-verify, dapat ipakita ng mga advertiser na awtorisado sila ng UK Financial Conduct Authority o kwalipikado sila sa isa sa mga exemption na inilalarawan sa page ng pag-verify ng Mga Serbisyong Pampinansyal sa UK. Pakitandaan na saklaw ng kinakailangang ito ang mga serbisyong pampinansyal na kinokontrol at hindi kinokontrol ng UK Financial Conduct Authority.
Puwedeng simulan ng mga advertiser ang pag-verify, o puwedeng atasan ng Google ang isang advertiser na kumpletuhin ang proseso ng pag-verify. Mapo-pause ang mga account ng mga advertiser na hindi makakakumpleto sa hakbang 2 ng pag-verify sa loob ng ibinigay na panahon. Matuto pa tungkol sa pag-verify ng Mga Serbisyong Pampinansyal sa UK.
Hindi ituturing na mga serbisyong pampinansyal ang mga ad na nauugnay sa mga sumusunod na kategorya para sa mga layunin ng patakarang ito, pero kinakailangan pa ring makasunod ang mga ito sa lahat ng iba pang patakaran ng Google Ads:
- Mga produktong saklaw ng aming patakaran sa Mga serbisyo sa utang
- Mga produktong saklaw ng aming patakaran sa Mga kumplikadong speculative na produktong pampinansyal: mga contract for difference, rolling spot forex, pampinansyal na spread betting. Mata-target ng mga ad para sa kategoryang ito ang mga user sa UK na naghahanap ng mga serbisyong pampinansyal hangga't nakakatugon ang mga ito sa mga kinakailangan ng aming patakaran sa Mga kumplikadong speculative na produktong pampinansyal at makukumpleto ng mga ito ang pag-verify, kung hihilingin ng Google.
- Pagsusugal (tingnan ang aming patakaran sa Pagsusugal at Mga Laro)
- Mga produktong saklaw ng aming mga patakaran sa Mga Cryptocurrency, Pag-aayos ng credit, at Mga opsyong binary
Hindi hahantong ang mga paglabag sa patakarang ito sa agarang pagsususpinde ng account nang walang paunang babala. May ibibigay na babala, na hindi bababa sa 7 araw, bago ang anumang pagsususpinde ng iyong account.
Pakisuri ang update na ito sa patakaran para matukoy kung saklaw ng patakaran ang alinman sa iyong mga ad o hindi, at kung oo, kumpletuhin ang pag-verify ng Mga Serbisyong Pampinansyal sa UK o alisin ang mga ad na iyon bago sumapit ang Setyembre 6, 2021.
Na-post noong Hunyo 30, 2021.