Ang view ng pag-uulat ay ang level sa isang Analytics account kung saan mo maa-access ang mga ulat at tool sa pagsusuri.
Awtomatikong gumagawa ang Analytics ng isang hindi naka-filter na view para sa bawat property sa iyong account, pero puwede kang mag-set up ng maraming view sa iisang property. Ang anumang data na ipapadala mo sa isang property sa Analytics ay awtomatikong lalabas sa lahat ng view na nauugnay sa property na iyon. Halimbawa, kung kukuha ka ng data mula sa dalawang website at ipapadala mo ito sa isang property, ang data mula sa dalawang website na iyon ay lalabas sa lahat ng view ng pag-uulat sa property na iyon. Totoo rin ito para sa data ng web at app. Kung mangongolekta ka ng data mula sa isang mobile at website, at magpapadala ang iyong SDK at tracking code ng data sa isang property sa Analytics account mo, lalabas ang lahat ng data (mga hit sa web at app) sa lahat ng view ng pag-uulat na nauugnay sa property na iyon.
Puwede kang gumamit ng mga filter para mag-customize ng mga view at makakita lang ng subset ng data sa iyong mga ulat. Halimbawa, puwede kang magkaroon ng isang view para ma-filter ang lahat ng panloob na trapiko, at isa pa para ang isama lang ay ang aktibidad mula sa isang partikular na direktoryo o subdomain. Kung magpapadala ka ng data ng web at app sa parehong property, baka gusto mong gumamit ng mga filter para ibukod ang data ng web o app sa mga partikular na view. Inilalapat sa mga indibidwal na view ang lahat ng iba pang tool sa pag-uulat ng Analytics, gaya ng Mga Layunin, Mga Segment at Mga Alerto. Puwede mo ring paghigpitan ang access ng user sa mga partikular na view para makontrol mo kung sino ang nakakakita sa isang partikular na data.
Inirerekomenda naming huwag kang mag-delete o magdagdag ng mga filter sa iyong orihinal na view. Kapag nag-delete ka ng view, mawawala ang partikular na perspektibo na iyon sa history ng data. Kapag magdadagdag ka ng mga filter sa isang view, hindi magiging available ang data na iyong ibubukod. Upang mapanatili ang lahat ng iyong orihinal na data at upang makontrol din ang mga partikular na perpektibo ng data na iyon, gumawa ng kopya ng iyong orihinal na view o mag-set up ng mga karagdagang view at i-customize ang bawat isa upang matugunan ang iyong mga layunin sa pag-uulat.
Pagkakaiba sa pagitan ng mga view ng web at app
Kapag gumawa ka ng view, puwede kang pumili sa pagitan ng view ng app at view ng web. Bibigyan ka ng dalawang uri ng view na ito ng bahagyang naiibang karanasan sa pagsusuri, pero magkapareho pa rin.
Puwedeng magpakita ang parehong mga uri ng mga view ng anumang data na iyong ipapadala sa property mo, paano mo man kinolekta ang mga hit na ito. Halimbawa, maaari kang makakita ng data ng web sa iyong mga view ng app at data ng app sa iyong mga view ng web.
Kung nangongolekta at nagpapadala ka lang ng isang uri ng data sa Google, inirerekomenda namin ang paggamit ng mga view na makapagbibigay sa iyo ng pinakamahusay na karanasan sa pagsusuri. Halimbawa, kung nangongolekta ka lang ng data mula sa mga mobile app, piliin ang app kapag gumawa ka ng view, at kung nangongolekta ka lang ng data mula sa mga website, piliin ang web.