Google പ്രസാധക നയങ്ങളും Google പ്രസാധക നിയന്ത്രണങ്ങളും മനസ്സിലാക്കുക

തങ്ങളുടെ ഉള്ളടക്കത്തിൽ നിന്ന് ധനസമ്പാദനം നടത്താൻ പ്രസാധകരെയും ഉപയോഗപ്രദവും പ്രസക്തവുമായ ഉൽപ്പന്നങ്ങളും സേവനങ്ങളും ഉപയോഗിച്ച്, വാങ്ങാനിടയുള്ള ഉപഭോക്താക്കളിലേക്ക് എത്തിച്ചേരാൻ പരസ്യദാതാക്കളെയും സഹായിക്കുന്നതിലൂടെ സ്വതന്ത്രവും തുറന്നതുമായ ഇന്റർനെറ്റ് സൃഷ്ടിക്കാൻ Google സഹായിക്കുന്നു. പരസ്യങ്ങളുടെ ഇക്കോ സിസ്റ്റത്തിന്റെ വിശ്വാസ്യത നിലനിർത്തുന്നതിനായി, ഞങ്ങൾ ധനസമ്പാദനം അനുവദിക്കുന്ന ഉള്ളടക്കങ്ങൾക്ക് പരിധികൾ സജ്ജീകരിക്കേണ്ടതുണ്ട്.

എല്ലാ പ്രസാധകരും ഞങ്ങളുടെ നയങ്ങൾ പാലിക്കേണ്ടതുണ്ട്, അതിനാൽ അവ ശ്രദ്ധയോടെ വായിക്കുക. ഈ നയങ്ങൾ പാലിക്കാതിരുന്നാൽ, നിങ്ങളുടെ സൈറ്റിൽ ഏതുസമയത്തും ആഡ് സെർവിംഗ് അവസാനിപ്പിക്കാനോ നിങ്ങളുടെ അക്കൗണ്ട് അവസാനിപ്പിക്കാനോ ഉള്ള അവകാശം ഞങ്ങൾക്കുണ്ട്. അക്കൗണ്ട് അവസാനിപ്പിച്ചാൽ, തുടർന്ന് നിങ്ങൾക്ക് AdSense പ്രോഗ്രാമിൽ പങ്കെടുക്കാനുള്ള യോഗ്യത ഉണ്ടാവില്ല.

ഞങ്ങളുടെ ഓൺലൈൻ നിബന്ധനകളും വ്യവസ്ഥകളും അനുസരിച്ച്, ഇവിടെ പോസ്റ്റ് ചെയ്തിരിക്കുന്ന നയങ്ങളെക്കുറിച്ച് അപ് ടു ഡേറ്റ് ആയിരിക്കാനും അവ പാലിക്കാനുമുള്ള ഉത്തരവാദിത്തം നിങ്ങൾക്കുണ്ട്.

Google Publisher Policies and Restrictions Explained

നിങ്ങളുടെ ഭാഷയിലുള്ള സബ്ടൈറ്റിലുകൾക്ക്, YouTube സബ്ടൈറ്റിലുകൾ ഓണാക്കുക. വീഡിയോ പ്ലേയറിന്റെ ചുവടെയുള്ള ക്രമീകരണ ഐക്കൺ തിരഞ്ഞെടുക്കുക, തുടർന്ന് "സബ്ടൈറ്റിലുകൾ/CC", നിങ്ങളുടെ ഭാഷ എന്നിവ തിരഞ്ഞെടുക്കുക.

---

ഈ ലേഖനത്തിൽ:

• എന്താണ് Google പ്രസാധക നയങ്ങൾ?
• എന്താണ് Google പ്രസാധക നിയന്ത്രണങ്ങൾ?
• Google പ്രസാധക നയങ്ങളും Google പ്രസാധക നിയന്ത്രണങ്ങളും തമ്മിലുള്ള വ്യത്യാസമെന്താണ്?
• ആഡ് സെർവിംഗിനെ ബാധിച്ചേക്കാവുന്ന പ്രശ്‌നങ്ങൾ എവിടെ കാണാനാകും?
• Google പ്രസാധക നയ ലംഘനം എങ്ങനെ പരിഹരിക്കാം?
• Google പ്രസാധക നിയന്ത്രണങ്ങൾ എങ്ങനെ പരിഹരിക്കാം?
• Google പ്രസാധക നയങ്ങൾ, Google പ്രസാധക നിയന്ത്രണങ്ങൾ എന്നിവയുമായി ബന്ധപ്പെട്ട പതിവ് ചോദ്യങ്ങൾ

എന്താണ് Google പ്രസാധക നയങ്ങൾ?

Google പരസ്യ കോഡ് ഉപയോഗിച്ച് നിങ്ങളുടെ ഉള്ളടക്കത്തിൽ നിന്ന് ധനസമ്പാദനം നടത്തുമ്പോൾ, Google പ്രസാധക നയങ്ങൾ പാലിക്കേണ്ടതുണ്ട്. ഉള്ളടക്കം എന്നാൽ നിങ്ങളുടെ പേജിലോ ആപ്പിലോ ഉള്ളതെല്ലാം എന്നാണ് അർത്ഥമാക്കുന്നത് - കമന്റ് വിഭാഗങ്ങൾ പോലെ ഉപയോക്താവ് സൃഷ്‌ടിക്കുന്ന ഉള്ളടക്കം, മറ്റ് പരസ്യങ്ങൾ, മറ്റ് സൈറ്റുകളിലേക്കോ ആപ്പുകളിലേക്കോ ഉള്ള ലിങ്കുകൾ എന്നിവ ഇതിൽ ഉൾപ്പെടുന്നു. നയം ലംഘിക്കുന്ന ഉള്ളടക്കത്തിൽ നിന്ന് ധനസമ്പാദനം നടത്താൻ ശ്രമിക്കുന്നതും ഈ നയങ്ങൾ പാലിക്കാതിരിക്കുന്നതും, നിങ്ങളുടെ ഉള്ളടക്കത്തിൽ പരസ്യങ്ങൾ കാണിക്കുന്നത് Google ബ്ലോക്ക് ചെയ്യുന്നതിനോ നിങ്ങളുടെ അക്കൗണ്ട് താൽക്കാലികമായി റദ്ദാക്കുന്നതിനോ അവസാനിപ്പിക്കുന്നതിനോ കാരണമായേക്കാം.

നിങ്ങളുടെ, Google പ്രസാധക ഉൽപ്പന്നങ്ങളുടെ ഉപയോഗത്തെ നിയന്ത്രിക്കുന്ന മറ്റ് നയങ്ങൾക്ക് പുറമെ ഈ നയങ്ങളും ബാധകമാകുന്നു.

എന്താണ് Google പ്രസാധക നിയന്ത്രണങ്ങൾ?

ചില പരസ്യം ചെയ്യൽ ഉറവിടങ്ങൾ സ്വീകരിക്കുന്നതിന് നിയന്ത്രണമുള്ള ഉള്ളടക്കത്തെ Google പ്രസാധക നിയന്ത്രണങ്ങൾ തിരിച്ചറിയുന്നു. ഉള്ളടക്കം എന്നാൽ നിങ്ങളുടെ പേജിലോ ആപ്പിലോ ഉള്ളതെല്ലാം എന്നാണ് അർത്ഥമാക്കുന്നത് - മറ്റ് പരസ്യങ്ങളും മറ്റ് സൈറ്റുകളിലേക്കോ ആപ്പുകളിലേക്കോ ഉള്ള ലിങ്കുകളും ഇതിൽ ഉൾപ്പെടുന്നു.

Google പ്രസാധക നിയന്ത്രണങ്ങൾക്ക് കീഴിൽ വരുന്ന ഉള്ളടക്കത്തിൽ നിന്ന് ധനസമ്പാദനം നടത്തുന്നത് നയ ലംഘനമല്ല; എന്നാൽ ഓരോ പരസ്യം ചെയ്യൽ ഉൽപ്പന്നത്തിന്റെയും മുൻഗണനകളോ പരസ്യദാതാക്കളുടെ വ്യക്തിപരമായ മുൻഗണനകളോ അടിസ്ഥാനമാക്കി, അത്തരം ഉള്ളടക്കത്തിലെ പരസ്യം ചെയ്യലിനെ ഉചിതമായ രീതിയിൽ ഞങ്ങൾ നിയന്ത്രിക്കുന്നു. ചില സാഹചര്യങ്ങളിൽ ഒറ്റ പരസ്യം ചെയ്യൽ ഉറവിടങ്ങൾ പോലും നിങ്ങളുടെ ഇൻവെന്ററിയിൽ ബിഡ് ചെയ്യുന്നില്ലെന്നാണ് ഇതിനർത്ഥം, ഈ നിയന്ത്രിത ഉള്ളടക്കത്തിൽ പരസ്യങ്ങളൊന്നും ദൃശ്യമാകുകയുമില്ല.

Google Ads, അംഗീകൃത ഉപഭോക്താക്കൾ, DV360, റിസർവേഷനുകൾ എന്നിവയും മറ്റുള്ളവയും ഉൾപ്പെടെ ഒന്നിലധികം ഉറവിടങ്ങളിൽ നിന്നുള്ള ഉപഭോക്താക്കൾ ഞങ്ങൾക്കുണ്ട്. അതിനാൽ മറ്റുള്ള ഈ ഉറവിടങ്ങളിൽ ചിലതിൽ നിന്ന് നിങ്ങൾക്ക് പരിമിതമായ പരസ്യങ്ങൾ ലഭിച്ചേക്കാം, എന്നാൽ ഈ നിയന്ത്രണങ്ങൾ ഉള്ളതായി ലേബൽ ചെയ്‌തിരിക്കുന്ന ഉള്ളടക്കത്തിൽ Google Ads (മുമ്പ് AdWords), പരസ്യങ്ങൾ നൽകില്ലെന്ന കാര്യം ശ്രദ്ധിക്കുക.

അതിനാൽ Google പ്രസാധക നിയന്ത്രണങ്ങളിൽ ഉൾപ്പെട്ടിട്ടുള്ള ഉള്ളടക്കത്തിൽ നിന്ന് ധനസമ്പാദനം നടത്താൻ നിങ്ങൾക്ക് തിരഞ്ഞെടുക്കാമെങ്കിലും നിയന്ത്രണമില്ലാത്ത മറ്റ് ഉള്ളടക്കത്തെ അപേക്ഷിച്ച് നിയന്ത്രണമുള്ള ഈ ഉള്ളടക്കത്തിന് കുറച്ച് പരസ്യങ്ങൾ മാത്രമേ ലഭിക്കാൻ സാധ്യതയുള്ളൂ.

നിങ്ങളുടെ, Google പ്രസാധക ഉൽപ്പന്നങ്ങളുടെ ഉപയോഗത്തെ നിയന്ത്രിക്കുന്ന മറ്റ് നയങ്ങൾക്ക് പുറമെ ഈ നിയന്ത്രണങ്ങളും ബാധകമാകുന്നു.

Google പ്രസാധക നയങ്ങളും Google പ്രസാധക നിയന്ത്രണങ്ങളും തമ്മിലുള്ള വ്യത്യാസമെന്താണ്?

ഞങ്ങളുടെ ഏതെങ്കിലും പ്രസാധക ഉൽപ്പന്നങ്ങളിലൂടെ ഞങ്ങൾ ധനസമ്പാദനം നടത്താത്ത ഉള്ളടക്കത്തിന്റെ തരങ്ങളെക്കുറിച്ച് Google പ്രസാധക നയങ്ങൾ വ്യക്തമാക്കുന്നു. അനധികൃത ഉള്ളടക്കം, അപകടകരമോ അപകീർത്തികരമോ ആയ ഉള്ളടക്കം, പ്രായപൂർത്തിയായവർക്കുള്ള ഉള്ളടക്കം തുടങ്ങിയവയ്‌ക്കെതിരായ നയങ്ങൾ ഇവയിൽ ഉൾപ്പെടുന്നു. ഒരിക്കലും പരസ്യങ്ങൾ കാണിക്കാൻ അനുവദിക്കാത്ത ഉള്ളടക്കമാണിത്.

നയം ലംഘിക്കാത്തതും എന്നാൽ എല്ലാ പരസ്യദാതാക്കൾക്കും സ്വീകാര്യമല്ലാത്തതുമായ, പുകയിലയോ ഉത്തേജക മരുന്നുകളോ പോലുള്ള ഉള്ളടക്ക തരങ്ങളെക്കുറിച്ചാണ് Google പ്രസാധക നിയന്ത്രണങ്ങൾ വ്യക്തമാക്കുന്നത്. പ്രസാധകർക്ക് നയ ലംഘനങ്ങൾ ലഭിക്കില്ലെന്നാണ് ഇതിനർത്ഥം, എന്നാൽ പകരം, ഉള്ളടക്കത്തിൽ ഇൻവെന്ററി നിയന്ത്രണമുള്ളതായി ലേബൽ ചെയ്യുകയും പരസ്യദാതാക്കളുടെ ആവശ്യത്തിനനുസരിച്ച്, അത്തരം ഉള്ളടക്കത്തിന് കുറച്ച് പരസ്യങ്ങൾ മാത്രം ലഭിക്കാനോ ചില സാഹചര്യങ്ങളിൽ ഒറ്റ പരസ്യം പോലും ലഭിക്കാതിരിക്കാനോ സാധ്യതയുണ്ട്.

ആഡ് സെർവിംഗിനെ ബാധിച്ചേക്കാവുന്ന പ്രശ്‌നങ്ങൾ എവിടെ കാണാനാകും?

നിങ്ങളുടെ സൈറ്റുകളിലെ നിലവിലുള്ള എല്ലാ നിർവ്വഹണങ്ങളും നയ കേന്ദ്രം കാണിക്കുന്നു. നിർവ്വഹണങ്ങൾക്ക് എല്ലാ പരസ്യം ചെയ്യലും ബ്ലോക്ക് ചെയ്യാനോ (ഉദാഹരണത്തിന്, "ആഡ് സെർവിംഗ് പ്രവർത്തനരഹിതമാക്കിയിരിക്കുന്നു") അല്ലെങ്കിൽ നിങ്ങളുടെ ഇൻവെന്ററിയിൽ ബിഡ് ചെയ്യാവുന്നത് ഏതൊക്കെ പരസ്യദാതാക്കൾക്കാണെന്നത് നിയന്ത്രിക്കാനോ (ഉദാഹരണത്തിന്, "നിയന്ത്രിത ആഡ് സെർ‌വിംഗ്") കഴിയും.

നിങ്ങളുടെ ഉള്ളടക്കവുമായി ബന്ധപ്പെട്ട നിരവധി പ്രശ്‌നങ്ങളാൽ നിങ്ങൾക്ക് നിർവ്വഹണങ്ങൾ ലഭിച്ചേക്കാം:

• Google പ്രസാധക നയം പരിഹരിക്കേണ്ടതുണ്ട്. "ആഡ് സെർവിംഗ് പ്രവർത്തനരഹിതമാക്കി" അല്ലെങ്കിൽ "നിയന്ത്രിത ആഡ് സെർവിംഗ്" എന്നിവയിലൂടെയാണ് നയ ലംഘനങ്ങൾക്ക് നിർവ്വഹണങ്ങൾ നടപ്പാക്കുന്നത്.
• Google പ്രസാധക നിയന്ത്രണങ്ങൾ, നയ ലംഘനങ്ങൾ അല്ലാത്തതിനാൽ നിങ്ങൾ ഉള്ളടക്കമോ പരസ്യ അഭ്യർത്ഥനകളോ മാറ്റേണ്ടതില്ല. എന്നിരുന്നാലും, പ്രസാധക നിയന്ത്രണങ്ങൾ ഉള്ള ഉള്ളടക്കത്തിന് ലഭിക്കുന്നത് "നിയന്ത്രിത ആഡ് സെർ‌വിംഗ്" ആയിരിക്കും.

നുറുങ്ങ്: നിർവ്വഹണത്തിൽ നിങ്ങൾ നടപടി എടുക്കേണ്ടതുണ്ടോ എന്നറിയാൻ, "പ്രശ്നങ്ങൾ" കോളം പരിശോധിക്കുക. നിർവ്വഹണത്തിന് കാരണം നയ ലംഘനം ആണെങ്കിൽ, പ്രശ്നത്തിന് "നയ പ്രശ്നം" എന്ന ലേബൽ ഉണ്ടായിരിക്കും. ഇത് പ്രസാധക നിയന്ത്രണമാണെങ്കിൽ, ഇതിന് "പരസ്യദാതാവിന്റെ മുൻഗണന" എന്ന ലേബൽ ഉണ്ടായിരിക്കും.

Google പ്രസാധക നയ ലംഘനം എങ്ങനെ പരിഹരിക്കാം?

1. നിങ്ങളുടെ സൈറ്റുകളിലോ സൈറ്റ് വിഭാഗങ്ങളിലോ പേജുകളിലോ ആപ്പുകളിലോ പരസ്യങ്ങൾ കാണിക്കുന്നത് നിയന്ത്രിക്കാനിടയാക്കുന്ന പ്രശ്‌നങ്ങളെക്കുറിച്ചുള്ള വിശദ വിവരങ്ങൾ അടങ്ങുന്ന നയ കേന്ദ്രം ആക്‌സസ് ചെയ്യുക, ആഡ് സെർവിംഗുമായി ബന്ധപ്പെട്ട പ്രശ്‌നങ്ങൾ പരിഹരിക്കുന്നതിനും നിങ്ങൾ മാറ്റങ്ങൾ വരുത്തിയ ശേഷം അവലോകനങ്ങൾ അഭ്യർത്ഥിക്കുന്നതിനുമുള്ള ഘട്ടങ്ങളും ഇതിലുണ്ട്. നയ കേന്ദ്രത്തിന്റെ പ്രധാന പേജ്, ബാധിക്കപ്പെട്ട നിങ്ങളുടെ സൈറ്റുകളെക്കുറിച്ചുള്ള അവലോകനം ലഭ്യമാക്കുന്നു.
2. ഒരു പ്രശ്നം "നയ പ്രശ്നം" എന്ന് ലേബൽ ചെയ്തിട്ടുണ്ടെങ്കിൽ, നിങ്ങളുടെ സൈറ്റുകൾ, സൈറ്റ് വിഭാഗങ്ങൾ, പേജുകൾ എന്നിവയിലൊന്ന് നിലവിൽ പ്രോഗ്രാം നയങ്ങൾ പാലിക്കുന്നില്ല, ഈ സാഹചര്യത്തിൽ Google പ്രസാധക നയങ്ങൾ, നിർവ്വഹണം നടപ്പാക്കിയിരിക്കുന്നു. പേജിനെതിരെ നടപടി എടുക്കുന്നത്, ആ പേജ് നയം ലംഘിക്കുമ്പോഴാണ്. ഒരു സൈറ്റിനെതിരെയോ സൈറ്റ് വിഭാഗത്തിന് എതിരെയോ നടപടി എടുക്കുന്നത് ആ സൈറ്റിലോ സൈറ്റ് വിഭാഗത്തിലോ നയം ലംഘിക്കുന്ന ഒന്നിലധികം പേജുകളുള്ളപ്പോഴാണ്. ഇങ്ങനെ സംഭവിക്കുമ്പോൾ, നിങ്ങളുടെ മുഴുവൻ സൈറ്റോ സൈറ്റ് വിഭാഗമോ പരിശോധിച്ച് അവ ഞങ്ങളുടെ നയങ്ങൾക്ക് അനുസൃതമാക്കാൻ മാറ്റങ്ങൾ വരുത്തേണ്ടതുണ്ട്.
3. നിങ്ങളുടെ സൈറ്റിലെയോ സൈറ്റ് വിഭാഗത്തിലെയോ പേജുകളിലെയോ നയ ലംഘനങ്ങളുടെ കാര്യത്തിൽ നടപടി എടുത്ത ശേഷം നിങ്ങൾക്കൊരു അവലോകനം അഭ്യർത്ഥിക്കാം.

   ഇതിന് പകരം, നയം ലംഘിക്കുന്ന സൈറ്റുകളിലോ സൈറ്റ് വിഭാഗങ്ങളിലോ പേജുകളിലോ പരസ്യങ്ങൾ കാണിക്കുന്നത് നിർത്തണമെങ്കിൽ, അത്തരം സൈറ്റുകൾ, സൈറ്റ് വിഭാഗങ്ങൾ, പേജുകൾ എന്നിവയിൽ നിന്ന് AdSense പരസ്യ കോഡ് നിങ്ങൾക്ക് നീക്കം ചെയ്യാം. തുടർന്ന്, നയ ലംഘനങ്ങൾ നയ കേന്ദ്രത്തിൽ നിന്ന് 7-10 ദിവസത്തിനുള്ളിൽ സ്വയമേവ നീക്കം ചെയ്യപ്പെടും.

Google പ്രസാധക നിയന്ത്രണങ്ങൾ എങ്ങനെ പരിഹരിക്കാം?

1. നിങ്ങളുടെ സൈറ്റുകളിലോ സൈറ്റ് വിഭാഗങ്ങളിലോ പേജുകളിലോ പരസ്യങ്ങൾ കാണിക്കുന്നത് നിയന്ത്രിക്കാനിടയാക്കുന്ന പ്രശ്‌നങ്ങളെക്കുറിച്ചുള്ള വിശദ വിവരങ്ങൾ അടങ്ങുന്ന നയ കേന്ദ്രം ആക്‌സസ് ചെയ്യുക, ആഡ് സെർവിംഗുമായി ബന്ധപ്പെട്ട പ്രശ്‌നങ്ങൾ പരിഹരിക്കുന്നതിനും നിങ്ങൾ മാറ്റങ്ങൾ വരുത്തിയ ശേഷം അവലോകനങ്ങൾ അഭ്യർത്ഥിക്കുന്നതിനുമുള്ള ഘട്ടങ്ങളും ഇതിലുണ്ട്.
2.  ഒരു പ്രശ്നം "പരസ്യദാതാവിന്റെ മുൻഗണന" എന്ന് ലേബൽ ചെയ്തിട്ടുണ്ടെങ്കിൽ, നിങ്ങളുടെ സൈറ്റിൽ Google പ്രസാധക നിയന്ത്രണങ്ങൾക്ക് കീഴിൽ വരുന്ന ഉള്ളടക്കം ഉണ്ടെന്നാണ് ഇതിനർത്ഥം. ഇത്തരം ഉള്ളടക്കത്തിൽ നിന്ന് ധനസമ്പാദനം നടത്താൻ നിങ്ങൾക്ക് തിരഞ്ഞെടുക്കാമെങ്കിലും എല്ലാ പരസ്യ ഉറവിടങ്ങൾക്കും അവയിൽ ബിഡ് ചെയ്യാൻ കഴിയില്ല, അതിനാൽ നിങ്ങൾക്ക് കുറച്ച് പരസ്യങ്ങൾ മാത്രമേ ലഭിക്കാൻ സാധ്യതയുള്ളൂ.
3. നിങ്ങളുടെ സൈറ്റിലോ സൈറ്റ് വിഭാഗത്തിലോ പേജുകളിലോ ഉള്ള പ്രസാധക നിയന്ത്രണങ്ങളിൽ നടപടി എടുക്കുകയാണെങ്കിൽ നിങ്ങൾക്ക് അവലോകനം അഭ്യർത്ഥിക്കാം. ഇതിന് പകരം, പേജുകളിൽ പരസ്യം നൽകുന്നത് നിർത്തണമെങ്കിൽ നിങ്ങളുടെ പേജുകളിൽ നിന്ന് AdSense പരസ്യ കോഡ് നീക്കം ചെയ്യാം, അവ നയ കേന്ദ്രത്തിൽ നിന്ന് 7-10 ദിവസത്തിനുള്ളിൽ സ്വയമേവ നീക്കം ചെയ്യപ്പെടും.

Google പ്രസാധക നയങ്ങൾ, Google പ്രസാധക നിയന്ത്രണങ്ങൾ എന്നിവയുമായി ബന്ധപ്പെട്ട പതിവ് ചോദ്യങ്ങൾ

Google പ്രസാധക നയങ്ങൾ, Google പ്രസാധക നിയന്ത്രണങ്ങൾ എന്നിവയെക്കുറിച്ചുള്ള ചില പതിവ് ചോദ്യങ്ങൾക്കുള്ള ഉത്തരങ്ങൾ ഇതാ:

എനിക്ക് "പരസ്യദാതാവിന്റെ മുൻഗണന" എന്ന ഒരു പ്രശ്നമുണ്ട്, ഇത് എന്താണ് അർത്ഥമാക്കുന്നത്?

ഒരു പ്രശ്നം "പരസ്യദാതാവിന്റെ മുൻഗണന" എന്ന് ലേബൽ ചെയ്തിട്ടുണ്ടെങ്കിൽ, നിങ്ങളുടെ സൈറ്റിൽ Google പ്രസാധക നിയന്ത്രണങ്ങൾക്ക് കീഴിൽ വരുന്ന ഉള്ളടക്കം ഉണ്ടെന്നാണ് ഇതിനർത്ഥം. Google Ads, അംഗീകൃത ഉപഭോക്താക്കൾ, DV360, റിസർവേഷനുകൾ എന്നിവയും മറ്റുള്ളവയും ഉൾപ്പെടെ ഒന്നിലധികം ഉറവിടങ്ങളിൽ നിന്നുള്ള ഉപഭോക്താക്കൾ ഞങ്ങൾക്കുണ്ട്. ഇത്തരം ഉള്ളടക്കങ്ങളിൽ നിന്ന് ധനസമ്പാദനം നടത്താൻ നിങ്ങൾക്ക് തിരഞ്ഞെടുക്കാമെങ്കിലും ഈ മറ്റുള്ള ഉറവിടങ്ങളിൽ ചിലതിൽ നിന്ന് നിങ്ങൾക്ക് പരിമിതമായ പരസ്യങ്ങളേ ലഭിക്കാനിടയുള്ളൂ, എന്നാൽ ഈ നിയന്ത്രണങ്ങളുള്ളതായി ലേബൽ ചെയ്‌തിരിക്കുന്ന ഉള്ളടക്കത്തിൽ Google Ads (മുമ്പ് AdWords) പരസ്യങ്ങൾ നൽകില്ലെന്നത് ശ്രദ്ധിക്കുക.

നിയന്ത്രണമുള്ള പേജിൽ (അതായത്, Google പ്രസാധക നിയന്ത്രണങ്ങൾക്ക് കീഴിൽ വരുന്നത്) പരസ്യങ്ങൾ നൽകുന്നത് തുടരാൻ ഞാൻ ആഗ്രഹിക്കുന്നുവെങ്കിൽ, എന്റെ അക്കൗണ്ട് താൽക്കാലികമായി റദ്ദാക്കാനോ അവസാനിപ്പിക്കാനോ സാധ്യതയുണ്ടോ?

Google പ്രസാധക നിയന്ത്രണങ്ങൾക്ക് കീഴിൽ വരുന്ന ഉള്ളടക്കത്തിൽ നിന്ന് ധനസമ്പാദനം നടത്തുന്നത് നയ ലംഘനമാകില്ല; എന്നാൽ മുകളിൽ സൂചിപ്പിച്ചിരിക്കുന്നത് പ്രകാരം ആ ഉള്ളടക്കത്തിലെ പരസ്യം ചെയ്യലിനെ ഞങ്ങൾ നിയന്ത്രിക്കും. അതിനാൽ Google പ്രസാധക നിയന്ത്രണങ്ങളിൽ ഉൾപ്പെട്ടിട്ടുള്ള ഉള്ളടക്കത്തിൽ നിന്ന് ധനസമ്പാദനം നടത്താൻ നിങ്ങൾക്ക് തിരഞ്ഞെടുക്കാമെങ്കിലും നിയന്ത്രണമില്ലാത്ത മറ്റ് ഉള്ളടക്കത്തെ അപേക്ഷിച്ച് നിയന്ത്രണമുള്ള ഈ ഉള്ളടക്കത്തിന് കുറഞ്ഞ പരസ്യ വരുമാനം മാത്രമേ ലഭിക്കാൻ സാധ്യതയുള്ളൂ.

Google പ്രസാധക നിയന്ത്രണങ്ങൾ ലംഘിക്കുന്ന ഉള്ളടക്കമുള്ള എന്റെ പേജിൽ പരസ്യം ചെയ്യേണ്ട എന്ന് പരസ്യദാതാക്കൾ തിരഞ്ഞെടുക്കുന്നത് എന്തുകൊണ്ട്?

Google പ്രസാധക നിയന്ത്രണങ്ങൾക്ക് കീഴിൽ ലിസ്‌റ്റ് ചെയ്‌തിട്ടുള്ള ഉള്ളടക്ക തരങ്ങൾ പരസ്യദാതാക്കൾക്ക് സ്വീകാര്യമോ അവരുടെ ബ്രാൻഡുകളുമായി നല്ല ബന്ധം പുലർത്തുന്നവയോ ആയിരിക്കില്ലെന്ന കാര്യം ഞങ്ങൾ മനസ്സിലാക്കുന്നു, അതുകൊണ്ടാണ് ഇക്കാര്യത്തിൽ തീരുമാനമെടുക്കാൻ ഞങ്ങൾ അവരെ അനുവദിക്കുന്നത്. ഞങ്ങളുടെ പരസ്യദാതാക്കൾക്ക് തിരഞ്ഞെടുക്കാനാകുന്ന നിരവധി വിഭാഗങ്ങളുണ്ട്, സൂക്ഷ്‌മമായി കൈകാര്യം ചെയ്യേണ്ട വിഭാഗങ്ങൾ എല്ലാവരും തിരഞ്ഞെടുക്കില്ല. അതിനാൽ നിയന്ത്രണമുള്ളതായി ലേബൽ ചെയ്‌തിരിക്കുന്ന ഉള്ളടക്കത്തിന് പരിമിതമായ ധനസമ്പാദനം അല്ലെങ്കിൽ ധനസമ്പാദനമൊന്നും ലഭിക്കാത്ത സാഹചര്യമുണ്ടായേക്കാം, എന്നിരുന്നാലും ഇത് നയ ലംഘനമല്ല.

പേജ് തലത്തിലുള്ള നിർവ്വഹണം ലഭിച്ചതിന് ശേഷം ഞാൻ എന്റെ ഉള്ളടക്കം നീക്കം ചെയ്‌ത്, അവലോകനം അഭ്യർത്ഥിച്ചു. ഇപ്പോൾ എനിക്ക് "ഉള്ളടക്കം ഒന്നുമില്ല" എന്ന പുതിയൊരു നയ ലംഘനം ലഭിച്ചു. ഈ ലംഘനങ്ങൾ പരിഹരിക്കുന്നതിന് ശുപാർശ ചെയ്യുന്ന നടപടികൾ എന്തൊക്കെയാണ്?

ഞങ്ങളുടെ പ്രവർത്തനങ്ങളെല്ലാം, ഞങ്ങളുടെ പ്രസാധകരെയും ഉപയോക്താക്കളെയും പരസ്യാദാതാക്കളെയും സംരക്ഷിക്കാനാണ് രൂപകൽപ്പന ചെയ്‌തിരിക്കുന്നത്. പേജുകളിലെ നയം ലംഘിക്കുന്ന ഉള്ളടക്കം നീക്കം ചെയ്യാൻ തിരഞ്ഞെടുക്കുന്നതിനൊപ്പം ആ പേജിൽ നിന്ന് അനുബന്ധ പരസ്യ കോഡും നീക്കം ചെയ്യേണ്ടതുണ്ട്, ശൂന്യമായ ഇടത്തിന് സമീപം പരസ്യം നൽകുന്നില്ലെന്ന് ഇതുവഴി ഉറപ്പാക്കാം.

നിങ്ങളുടെ സൈറ്റിലെ ഏതെങ്കിലും പേജുകൾ നയം ലംഘിക്കുന്നുണ്ടോ എന്ന് നിർണ്ണയിക്കുക എന്നത് നിങ്ങളെ സംബന്ധിച്ച് ശ്രമകരമായ ജോലിയാണെന്ന് ഞങ്ങൾ മനസ്സിലാക്കുന്നു, എന്നാൽ ഞങ്ങളുടെ പരസ്യദാതാക്കളോടും ഉപയോക്താക്കളോടും ഞങ്ങൾ പ്രതിജ്ഞാബദ്ധരാണ് എന്നതിനാൽ ഇക്കോസിസ്റ്റത്തിൽ അവരെ വിശ്വാസ്യതയിൽ നിലനിർത്താൻ ഞങ്ങൾക്ക് ഞങ്ങളുടെ നയങ്ങളിൽ ഉറച്ചുനിന്നേ മതിയാകൂ.

വ്യക്തമായി പറഞ്ഞാൽ, പ്രസാധകരുടെ സൈറ്റുകളിലെ ഉള്ളടക്കം നീക്കം ചെയ്യുന്നതിലൂടെ ഞങ്ങൾ അവരുടെ ഉള്ളടക്കം സെൻസർ ചെയ്യുന്നില്ല. നയം ലംഘിക്കുന്ന പേജുകളിൽ നിന്ന് ഞങ്ങളുടെ പരസ്യ കോഡ് നീക്കം ചെയ്യണമെന്ന് മാത്രമേ ഞങ്ങൾ അഭ്യർത്ഥിക്കുന്നുള്ളൂ.

എനിക്ക് പരിഹരിക്കണമെന്നില്ലാത്ത നിയന്ത്രണങ്ങൾ മറയ്‌ക്കാൻ/നീക്കം ചെയ്യാൻ കഴിയുമോ? ചില പേജുകളിലെ പഴയതോ പുതിയതോ ആയ നിയന്ത്രണങ്ങൾ കാണുന്നത് തുടരാൻ എനിക്ക് താൽപ്പര്യമില്ല.

നയ ലംഘനങ്ങളും പ്രസാധക നിയന്ത്രണങ്ങളും കണ്ടെത്താനും മാനേജ് ചെയ്യാനും നയ കേന്ദ്രത്തിലെ ഫിൽട്ടർ ചെയ്‍ത് ഡൗൺലോഡ് ചെയ്യുക ഓപ്ഷനുകൾ നിങ്ങൾക്ക് ഉപയോഗിക്കാം:

• ചില സൈറ്റുകളോ സൈറ്റ് നിലയോ ഏതാനും നിർവ്വഹണ തീയതികളോ മാത്രം കാണുന്നതിന് ഫിൽട്ടർ ചെയ്യുക ക്ലിക്ക് ചെയ്യുക.
• എല്ലാ സൈറ്റുകളുടെയോ ഓരോ സൈറ്റുകളുടെയോ ലംഘനങ്ങളുള്ള എല്ലാ പേജുകളുടെയും അല്ലെങ്കിൽ വിഭാഗങ്ങളുടെയും CSV ഫയൽ ഡൗൺലോഡ് ചെയ്യാൻ ഡൗൺലോഡ് ചെയ്യുക ക്ലിക്ക് ചെയ്യുക.