Gamitin ang built-in na security key ng iyong telepono

Mahalaga: Pinalitan na ng suporta sa passkey ng Google ang mga built-in na security key. Awtomatikong na-upgrade sa mga passkey ang mga built-in na security key sa Android.

Sa Abril 2, 2024, aalisin na sa mga Google Account ang mga built-in na security key sa iPhone na ginagamit sa pamamagitan ng Google Smart Lock app. Para matiyak na patuloy kang makakapag-sign in, gumawa ng passkey sa iyong iPhone.

Mga Tip:

• Kung dati kang tumulong na i-enable ang built-in na security key sa iPhone para sa Google Account ng iyong anak, matutulungan mo siyang mag-set up ng passkey sa mga setting ng Google Account niya sa kanyang iPhone.
• Kung isa kang administrator ng Google Workspace, masasanggunian mo ang mga tagubiling ipinadala sa iyo sa pamamagitan ng email noong Hunyo 5, 2023. Matuto pa tungkol sa pag-enable ng mga passkey para sa mga Workspace account.

Puwede mong i-set up ang built-in na security key ng iyong telepono para ligtas na makapag-sign in sa mga device na gumagamit ng mga kasalukuyang bersyon ng Chrome OS, iOS, macOS, at Windows. Nakakatulong ito na protektahan ang iyong account laban sa mga hacker, kahit na nakapagnakaw sila ng impormasyon tulad ng password mo.

Kapag may sumubok na mag-sign in sa iyong account, puwedeng tingnan ng Google kung may Bluetooth signal sa pagitan ng device at ng built-in na security key ng telepono mo. Tinitiyak ng pagsusuri sa Bluetooth na ito na pisikal na naroon ka at ang iyong telepono at hindi galing sa ibang lokasyon ang pagsubok na mag-sign in.

I-set up ang built-in na security key ng iyong telepono

Para ma-set up ang iyong built-in na security key, kailangan mo ng Android phone na gumagamit ng Android 7.0+. Alamin kung paano suriin at i-update ang bersyon ng iyong Android.

Kung kwalipikado ang iyong telepono, awtomatikong gagamitin ng Google ang built-in na security key ng telepono mo para sa karagdagang proteksyon kapag nag-sign in ka sa mga bagong device.

Mahalaga: Puwede ka lang magkaroon ng isang built-in na security key sa iyong account. Kung mayroon kang higit sa isang kwalipikadong telepono, kakailanganin mong pumili ng isa. Puwede kang lumipat sa ibang kwalipikadong telepono anumang oras.

1. I-on ang 2-Step na Pag-verify at pumili ng ikalawang hakbang sa pag-verify.
   • Kung gumagamit ka na ng 2-Step na Pag-verify, pumunta sa susunod na hakbang.
2. Sa iyong Android phone, pumunta sa myaccount.google.com/security.
3. Sa ilalim ng "Paano ka nagsa-sign in sa Google," piliin ang Mga passkey at security key. Baka kailanganin mong mag-sign in.
4. Sa kaliwang bahagi sa ibaba, i-tap ang Magdagdag ng security key.
5. Piliin ang iyong Android phone Idagdag. Dapat makakita ka ng kumpirmasyon na naidagdag na ang iyong telepono bilang security key.

Gamitin ang built-in na key ng iyong telepono para mag-sign in sa mga bagong device

1. Tiyaking naka-on ang Bluetooth para sa dalawang device.
2. Mag-sign in sa bagong device:
   • Sa computer o Chromebook, mag-sign in sa iyong Google Account gamit ang isang sinusuportahang browser, tulad ng Chrome.
   • Sa iPhone o iPad, mag-sign in sa iyong Google Account gamit ang Smart Lock app.
3. Tingnan ang iyong Android phone kung may notification.
4. I-double tap ang notification na "Sinusubukan mo bang mag-sign in?"
5. Sundin ang mga tagubilin para kumpirmahing ikaw ang nagsa-sign in.

Magpadala ng feedback tungkol sa built-in na security key ng iyong telepono

Ibahagi ang iyong karanasan at opinyon para makatulong sa Google na mas pahusayin ang produktong ito para sa iyo at sa iba.

MAGPADALA NG FEEDBACK

Ayusin ang mga problema

Kung nagkakaproblema ka sa paggamit ng built-in na security key ng iyong telepono, subukan ang mga tip sa ibaba.

Paglapitin ang iyong mga device

Para gumana ang built-in na security key ng iyong Android phone, kailangang malapit ito sa device kung saan mo sinusubukang mag-sign in. Subukang pagtabihin ang iyong Android phone at ang device kung saan mo sinusubukang mag-sign in.

I-on ang Bluetooth sa dalawang device

Para maiwasan ang mga paulit-ulit na error kapag sine-set up ang built-in na security key ng iyong Android phone, tiyaking naka-on ang Bluetooth sa mga setting para sa:

• Iyong Android phone
• Device kung saan mo sinusubukang mag-sign in

I-on ang Mga Serbisyo ng Lokasyon sa iyong Android phone

Para gumana nang maayos ang Bluetooth, i-on ang mga setting ng lokasyon para sa iyong Android phone. Pagkatapos mong mag-sign, puwede mong i-off ang mga setting ng lokasyon.

Suriin ang mga kinakailangan sa device

Para makapag-sign in sa computer gamit ang built-in na security key ng iyong Android phone, kailangan mo ng:

• Android phone na gumagamit ng Android 7.0 o mas bago. Alamin kung paano suriin at i-update ang bersyon ng iyong Android.
• Computer na may:
  • Bluetooth
  • Pinakabagong bersyon ng tugmang browser, tulad ng Chrome
  • Pinakabagong bersyon ng tugmang operating system tulad ng Chrome OS, Mac OS, o Windows

Para makapag-sign in sa iPhone o iPad gamit ang built-in na security key ng iyong Android phone, kailangan mo ng:

• Android phone na gumagamit ng Android 7.0 o mas bago. Alamin kung paano suriin at i-update ang bersyon ng iyong Android.
• iPhone o iPad na may:
  • Bersyon ng iOS na 10.0 o mas bago
  • Bluetooth
  • Naka-install na pinakabagong bersyon ng Smart Lock app

Nakatanggap ka ng prompt pero hindi mo sinusubukang mag-sign in

Posibleng may hindi pinapahintulutang user na sumubok na i-access ang iyong account. Puwede mong palitan ang iyong password.

Bakit hindi raw naka-on ang Bluetooth ayon sa aking Windows 10 device?

Kapag sinubukan mong mag-sign in gamit ang built-in na security key ng iyong telepono, posibleng makatanggap ka ng mensaheng “I-on ang Bluetooth para payagan ang pagpapares." Posibleng lumabas ang notification kahit na na-on mo na ang Bluetooth sa iyong telepono at Windows 10 device.

Para payagan ang built-in na security key ng iyong telepono na kumonekta sa Windows 10 device mo:

1. Buksan ang Windows 10: Mga Setting  Privacy  Mga Radyo. 
2. Sa ilalim ng "Payagan ang mga app na magkontrol ng mga radyo ng device", i-on.

Mag-sign in nang walang security key

Mahalaga: Hindi ito naaangkop kung naka-enroll ka sa Advanced na Proteksyon.

1. Mag-sign in sa iyong Google Account gamit ang username at password mo.
2. Piliin ang Kanselahin Sumubok ng ibang paraan.
3. Piliin ang paraan ng pag-verify na gagamitin mo para mag-sign in.
4. Para tapusin ang pag-sign in, sundin ang mga tagubilin sa iyong screen.

Magkaroon ng mas maigting na proteksyon

Para sa sinumang nasa mas malaking panganib na makaranas ng mga naka-target na pag-atake, gaya ng mga IT admin, pinuno ng negosyo, mamamahayag, o team ng pampulitikang campaign, inirerekomenda naming mag-enroll ka sa Advanced na Proteksyon. Nagbibigay ang programang ito ng pinakamataas na antas ng proteksyon para sa iyong Google Account nang libre.