Kung minsan, kapag nagsa-sign in ka, gumagawa ang Google ng mga karagdagang hakbang para matiyak na ikaw nga ang nagsa-sign in. Puwede kang mag-scan ng Quick Response (QR) code mula sa isang device kung saan kasalukuyan ka nang naka-sign in.
Hakbang 1: Piliin ang iyong device
Piliin ang tab sa ibaba para sa device na gagamitin mo sa pag-scan ng iyong QR code. Naka-sign in ka na dapat sa iyong Google Account sa device na iyon.
Hakbang 2: I-scan ang QR code
- Sa iyong tugmang Android phone o tablet, buksan ang built-in na camera app.
- Itapat ang camera sa QR code.
- I-tap ang lalabas na banner sa iyong Android phone o tablet.
- Sundin ang mga tagubilin sa screen para matapos ang pag-sign in.
Kung hindi mo ma-scan ang QR code, puwede mong subukang mag-sign in sa ibang paraan.
Hindi ma-scan ang QR code
Kailangan mo ng Android 9 o mas bago para makapag-scan ng mga QR code gamit ang built-in na camera ng iyong device.
Alamin kung paano suriin at i-update ang bersyon ng iyong Android.
Hindi ma-update ang Android
Kung hindi makapagpatakbo ang iyong device ng Android 9 o mas bago, puwede kang mag-download ng app para makapag-scan ng mga QR code.
Taasan ang iyong brightness
Tiyaking sapat ang liwanag ng screen na nagpapakita sa QR code para makita ng camera ang naturang code.
Linisin ang lens ng iyong camera
Puwedeng makaabala sa pag-scan ng QR code ang pagkakaroon ng dumi sa lens ng camera. Subukan itong linisin gamit ang isang pamunas ng lens o isang malambot at malinis na tela.
Panatilihing nakapatayo ang iyong telepono
Kung nakatabingi ang iyong telepono, puwedeng mahirapan ang camera na i-scan ang QR code.
Hanapin ang tamang distansya
Kung masyadong malapit o malayo sa QR code ang camera sa iyong telepono, puwedeng hindi ito ma-scan ng camera.
- Ilapit ang iyong camera sa QR code. Pagkatapos ay paunti-unting ilayo ang camera sa QR code.
- Hawakan ang iyong camera nang isang talampakan ang layo mula sa QR code. Pagkatapos ay paunti-unting ilapit ang camera sa QR code.
Tip: Panatilihing nakatapat ang QR code sa viewfinder ng camera habang sumusubok ka ng iba't ibang distansya.
Mag-sign in sa ibang paraan
Gumamit ng link
- Mag-sign in sa iyong Google Account sa bagong device. Kapag nakita mo ang QR code, manatili sa screen na iyon.
- Sa isang device na kasalukuyan ka nang naka-sign in, magbukas ng web browser, gaya ng Chrome.
- Sa itaas ng browser, ilagay ang: g.co/verifyaccount.
Sumubok ng ibang paraan
- Mag-sign in sa iyong Google Account sa bagong device.
- Sa ibaba ng QR code, piliin ang Sumubok ng ibang paraan.
- Pumili ng ibang paraan ng pag-verify sa iyo.
