Nagbibigay ang Google ng mga proteksyon sa seguridad ng device sa mga tao sa buong mundo gamit ang Android operating system. Kung nag-install ka sa iyong device ng bersyon ng Android na binago (naka-root), mawawala sa iyo ang ilan sa proteksyon sa seguridad na ibinibigay ng Google.
Mahalaga: Kung nag-sign up ka para sa Programa sa Advanced na Proteksyon, maaaring makompromiso ang mga panseguridad na feature ng Advanced na Proteksyon kung gagamit ng bersyon ng Android na binago.
Ang mga panganib
Hindi nakakatanggap ng mga update sa seguridad
Ang mga awtomatikong update sa seguridad ay nakakatulong para mapanatiling ligtas ang mga Android device. Ang mga binagong bersyon ng Android ay hindi nakakatanggap ng mga awtomatikong update sa seguridad mula sa Google, kung kaya may posibilidad na mas madaling maatake ng mga hacker ang iyong device at data.
Mga mapaminsalang app
Ang mga device na may bersyon ng Android na binago ay maaaring mag-download ng mga app na:
- Hindi naaprubahan ng Google
- May hindi pinaghihigpitang access sa data ng iyong data
Ang mga hindi naaprubahang na app ay maaaring may mapaminsalang software na idinisenyo para sa mga layuning tulad ng pagnanakaw ng sensitibong data o pamiminsala sa iyong device.
Walang built-in na seguridad mula sa Google
May mga panseguridad na feature ang Android na idinisenyo para protektahan ang iyong device laban sa mapaminsalang software, phishing, at mga kahinaan. Nakokompromiso ang mga panseguridad na feature ng Google sa isang bersyon ng Android na binago.
Protektahan ang iyong device at data
Kung gumagamit ka ng binagong bersyon ng Android, may mga hakbang kang magagawa para makatulong sa pagpapatibay ng iyong seguridad.
I-install ulit ang orihinal na Android operating system
Para simulang muli ang mga panseguridad na feature na ibinibigay ng Google, i-install ulit ang orihinal na Android operating system sa iyong device.
Tandaan: Nag-iiba ang mga hakbang para i-install ulit ang orihinal na Android operating system depende sa kung paano mo na-install ang binagong bersyon.
Gumamit ng ibang device para sa mahahalagang account at sensitibong data
Kung magpapasya kang patuloy na gamitin ang binagong bersyon ng Android sa iyong device, pag-isipang alisin ang anumang account, app, o file na may sensitibong data. Pagkatapos ay maaari mong ilipat ang mahahalagang account at sensitibong data na ito sa isang device na gumagamit ng bersyon ng Android na hindi binago.
Mahalaga: Kung naka-enroll ang iyong account sa Programa sa Advanced na Proteksyon, huwag itong gamitin sa device na may bersyon ng Android na binago. Maaaring pahinain ng mga bersyon ng Android na binago ang mga pinaigting na panseguridad na feature ng Advanced na Proteksyon.
