Gamitin ang Gmail para ma-access ang iyong Google Account

Kung gumagamit ka ng Gmail, mayroon ka nang Google Account. Gamit ang Google Account, may access ka sa mga produkto ng Google nang libre, gaya ng Drive, Docs, Calendar, at higit pa.

Para mag-sign in sa iyong Google Account (o anumang produkto ng Google):

1. Pumunta sa page ng pag-sign in ng produkto (para sa Mga Google Account, ito ay myaccount.google.com).
2. Ilagay ang iyong username sa Gmail (lahat ng nakikita mo bago ang '@gmail.com').
3. Ilagay ang iyong password.

Idagdag ang Gmail sa dati nang Google Account

Kung idaragdag mo ang Gmail sa iyong Google Account, permanenteng magiging [e-mail] ang pangunahing username ng account mo.

Pagkatapos mong idagdag ang Gmail, ang orihinal na email address na nauugnay sa iyong account ang magiging kahaliling email address mo. Kung ive-verify mo ang iyong orihinal na email address bago mo idagdag ang Gmail, puwede kang mag-sign in gamit ang email address na ito.

Para idagdag ang Gmail sa iyong Google Account:

1. Pumunta sa mail.google.com.
2. Punan ang form.
3. I-click ang Isumite.
4. Para i-verify ang iyong account, sundin ang mga tagubilin.

Tip: Kung gagamitin mo ang Mag-sign in gamit ang Google o Remote na Desktop ng Chrome at papalitan mo ang iyong pangunahing email address, posible kang makaranas ng mga isyu. Alamin ang tungkol sa mga isyu sa pagbabago ng pangunahing email address.

Mga karaniwang isyu

Mukhang wala akong Gmail account

May kasamang Gmail ang mga bagong Google Account, kaya dapat mayroon ka nang Gmail address kung bago mo lang ginawa ang iyong account.

Kung hindi ka pa gumagawa ng Gmail account, puwede kang mag-sign up nang libre. Para gumawa ng Gmail account:

1. Pumunta sa Gmail.com.
2. Piliin ang Higit pang opsyon Gumawa ng account.
3. Sundin ang mga tagubilin sa screen.

Mukhang na-delete ko ang aking Gmail account

Kung mayroon ka nang Google Account at na-delete ang iyong Gmail account, puwedo mong idagdag ang Gmail sa kasalukuyan mong Google Account.

Para magdagdag ng Gmail:

1. Pumunta sa mail.google.com.
2. Mag-sign in sa iyong Google Account.
3. Sundin ang impormasyon sa screen para idagdag ang Gmail sa iyong account.

Kapag idinagdag mo ang Gmail, ang iyong Gmail address ang magiging pangunahing username sa account mo. Ito ang makikita ng iba kapag nagbahagi ka ng impormasyon, gaya ng mga dokumento o larawan, mula sa iyong Google Account. Ang iyong orihinal na email address ang magiging address sa pag-recover sa account mo.

Kung mayroon kang higit pang tanong, bisitahin ang Help Center ng Gmail.