Baguhin kung sino ang sine-save at iminumungkahi bilang mga contact

May makikita kang mga contact na iminumungkahi sa ilang serbisyo ng Google, halimbawa, kapag nagsimula kang mag-type ng pangalan ng tao sa isang bagong email sa Gmail. Makokontrol mo kung sino ang sine-save at iminumungkahi bilang contact.

Sino ang ipapakita bilang mga suhestyon

Nakabatay ang mga suhestyon sa iba't ibang signal na nauugnay sa iyong mga contact at interaction, gaya ng paglalagay ng star sa isang contact o kung kamakailan kang nagpadala ng email sa isang contact. Kabilang sa mga iminumungkahing contact ang mga taong idinagdag mo sa iyong mga contact. Awtomatikong sine-save sa "Iba pang contact" ang mga taong nakaugnayan mo sa mga serbisyo ng Google.

Sa ilang app, tulad ng Gmail o Photos, puwede kang makakita ng mga iminumungkahing contact bago mag-type o maghanap ng anuman.

Mga Tip:

• Puwede mong ihinto ang awtomatikong pag-save ng mga contact anumang oras.
• Puwede mong pindutin nang matagal ang mga suhestyon at itago ang mga ito.

Kontrolin kung sino ang sine-save bilang mga contact

Ikaw mismo ang magdagdag ng mga contact

1. Mag-sign in sa Google Contacts. May makikita kang listahan ng mga contact na idinagdag mo.
2. Sa kaliwang bahagi sa itaas, piliin ang Gumawa ng contact.
3. Ilagay ang impormasyon sa pakikipag-ugnayan ng tao.
4. Piliin ang I-save.

I-save ang impormasyon sa pakikipag-ugnayan kapag nakipag-ugnayan ka sa mga tao

Kapag nakikipag-ugnayan ka sa mga tao sa mga produkto ng Google, puwede mong awtomatikong i-save ang kanilang impormasyon sa pakikipag-ugnayan, kung saan kabilang ang:

• Mga pangalan
• Mga email address
• Mga numero ng telepono

Kapag naka-on ang setting na ito, papanatilihin mo ang impormasyon sa pakikipag-ugnayan para sa:

• Mga taong napadalhan mo ng email sa Gmail.
• Mga taong pinagbahagian mo ng isang bagay, tulad ng dokumento sa Drive.
• Mga taong nagbahagi sa iyo ng content, tulad ng mga nakabahaging album sa Google Photos.
• Mga taong kasama sa mga event o grupong kinabibilangan mo.
• Mga taong minarkahan mo bilang kilala.
• Mga tao kung kanino ka tumanggap ng mga imbitasyon sa kalendaryo.

Simulan o ihinto ang awtomatikong pag-save

1. Pumunta sa iyong Google Account.
2. Sa kaliwang panel ng navigation, i-click ang Mga tao at pagbabahagi.
3. Sa panel na "Mga Contact," i-click ang Impormasyon sa pakikipag-ugnayan na na-save mula sa mga pakikipag-ugnayan.
4. I-on o i-off ang I-save ang impormasyon sa pakikipag-ugnayan kapag nakipag-ugnayan ka sa mga tao.
5. Kung gumagamit ka ng Gmail, piliin kung ise-save ng Gmail ang impormasyon sa pakikipag-ugnayan mula sa mga taong pinapadalhan mo ng email:
   1. Sa computer, pumunta sa iyong mga setting ng Gmail.
   2. Sa ilalim ng "Gumawa ng mga contact para sa auto-complete," pumili ng opsyon.
   3. Sa ibaba ng page, i-click ang I-save ang mga pagbabago.

Magbago o mag-alis ng mga contact

Para ihinto ang paglabas ng mga tao bilang mga suhestyon, sundin ang mga hakbang sa ibaba para alisin ang mga ito.

Mga contact na idinagdag mo

1. Mag-sign in sa Google Contacts.
2. I-click o i-tap ang isang contact.
3. Mula rito, magagawa mong:
   • Magbago ng impormasyon: Sa kanang bahagi sa itaas, piliin ang I-edit . Gawin ang mga pagbabagong gusto mo. Sa ibaba, piliin ang I-save.
   • Mag-alis ng contact: Sa kanang bahagi sa itaas, piliin ang Higit pa I-delete.

Mga contact na awtomatikong na-save

1. Mag-sign in sa Google Contacts.
2. Sa kaliwa, piliin ang Iba pang contact.
3. I-click o i-tap ang isang contact.
4. Mula rito, magagawa mong:
   • Magbago ng impormasyon: Sa kanang bahagi sa itaas, piliin ang Idagdag sa mga contact . Gawin ang mga pagbabagong gusto mo. Sa ibaba, piliin ang I-save.
   • Mag-alis ng contact: Sa kanang bahagi sa itaas, piliin ang Higit pa I-delete. Para hindi na sila maidagdag ulit, sundin ang mga hakbang para ihinto ang awtomatikong pag-save.