Baguhin kung sino ang namamahala sa iyong Brand Account

Kung may-ari ka ng isang Brand Account, magagawa mong:

• Magdagdag ng mga taong makakatulong na pamahalaan ito at ang mga ginagamit nitong serbisyo ng Google
• Piliin kung gaano kalaki ang kontrol ng bawat tao sa account
• Baguhin ang pangunahing may-ari ng account 

Matuto pa tungkol sa Mga Brand Account.

Tumingin o magdagdag ng mga tao

Para malaman kung sino ang namamahala sa iyong Brand Account o para mag-imbita ng mga bagong tao:

1. Pumunta sa seksyong Mga Brand Account ng iyong Google Account.
2. Sa ilalim ng "Iyong Mga Brand Account," piliin ang account na gusto mong pamahalaan.
3. Piliin ang Pamahalaan ang mga pahintulot. Makakakita ka ng listahan ng mga taong puwedeng mamahala sa account.
4. Para mag-imbita ng mga bagong tao, piliin ang Mag-imbita ng mga bagong user .
5. Ilagay ang kanilang mga email address.
6. Sa ibaba ng kanilang mga pangalan, piliin ang kanilang tungkulin:
   • Ang mga may-ari ang makakagawa ng karamihan ng pagkilos, at kinokontrol nila kung sino ang namamahala sa account. Dapat ay mayroong isang pangunahing may-ari ang isang account.
   • Maaaring gumamit ang mga manager ng mga serbisyo ng Google na sumusuporta sa Mga Brand Account, tulad ng pagbabahagi ng mga larawan sa Google Photos o pag-post ng mga video sa YouTube.
   • Puwede ring gawin ng mga manager ng mga komunikasyon ang mga bagay na ginagawa ng Mga Manager, pero hindi nila magagamit ang YouTube.
7. I-tap ang Imbitahan Tapos na.

Makakatanggap ang mga taong inimbitahan mo ng email kung saan puwede nilang tanggapin ang iyong imbitasyon.

Magbago ng mga tungkulin o mag-alis ng mga tao

Mahalaga: Kailangang 7 araw ka nang may-ari ng account bago ka makapag-alis ng mga manager o may-ari. Kung wala ka pang 7 araw na may-ari, makakatanggap ka ng mensahe ng error. 

1. Pumunta sa seksyong Mga Brand Account ng iyong Google Account.
2. Sa ilalim ng "Iyong Mga Brand Account," piliin ang account na gusto mong pamahalaan.
3. Piliin ang Pamahalaan ang mga pahintulot. Makakakita ka ng listahan ng mga taong puwedeng mamahala sa account.
4. Mula rito, magagawa mong:
   • Baguhin ang tungkulin ng isang tao: Sa tabi ng pangalan ng tao, piliin ang kasalukuyan niyang tungkulin, pagkatapos ay pumili ng bagong tungkulin.
   • Mag-alis ng tao: Sa tabi ng pangalan ng tao, piliin ang Alisin . Kumpirmahin ang iyong pinili kung hinihiling.
5. I-tap ang Tapos na.

Puwede mong alisin ang iyong sarili bilang may-ari o manager. Kung ikaw ang pangunahing may-ari at gusto mong umalis sa account, kailangan mo munang baguhin ang tungkulin ng isa pang tao at gawin siyang "Pangunahing may-ari."

Baguhin ang pangunahing may-ari ng iyong Brand Account

Puwedeng gawing pangunahing may-ari ang sinumang manager o may-ari ng Brand Account hangga't:

• Ang taong gumagawa ng pagbabago ay naging may-ari sa loob ng 7 araw o higit pa
• Ang taong magiging bagong pangunahing may-ari ay 7 araw nang manager o may-ari o mas matagal pa

Kung hindi natutugunan ang alinman sa mga kundisyong ito, makakatanggap ka ng mensahe ng error.

1. Sa iyong computer, buksan ang seksyong Mga Brand Account ng Google Account mo.
2. Sa ilalim ng "Iyong Mga Brand Account," piliin ang account na gusto mong pamahalaan.
3. I-click ang Pamahalaan ang mga pahintulot.
4. Hanapin ang taong nakalista na gusto mong paglipatan ng pangunahing pagmamay-ari.
   • Tip: Kung hindi mo mahanap ang tao, kakailanganin mo siyang idagdag bilang may-ari. Pagkatapos niyang tanggapin ang iyong imbitasyon, subukan ulit mula hakbang 1.
5. Sa tabi ng kanyang pangalan, i-click ang pababang arrow Pangunahing may-ari Ilipat.