"மின்னஞ்சல் முகவரி அல்லது ஃபோன் எண்" புலம் இருக்கின்ற எந்தவொரு உள்நுழைவுத் திரையிலும், ஃபோன் எண்ணைப் பயன்படுத்தி உங்கள் Google கணக்கில் உள்நுழையலாம்.
உங்கள் பயனர்பெயரை நீங்கள் மறந்துவிட்டாலும் வேறு வழியில் கணக்கில் உள்நுழைவதற்கு இது உதவுகிறது.
உள்நுழைய ஃபோன் எண்ணைப் பயன்படுத்துதல்
உங்கள் Google கணக்கில் ஃபோன் எண்ணைச் சேர்த்திருந்தால் அதைப் பயன்படுத்தி நீங்கள் உள்நுழையலாம்.
- "மின்னஞ்சல் முகவரி அல்லது ஃபோன் எண்" புலம் இருக்கின்ற எந்தவொரு Google உள்நுழைவுத் திரையிலும் ஃபோன் எண்ணை டைப் செய்யவும்.
- அடுத்து என்பதைத் தேர்ந்தெடுக்கவும்.
- பின்னர் எப்போதும்போல் உள்நுழையவும்.
உங்கள் கணக்கில் மொபைல் எண்ணைச் சேர்த்தல் அல்லது மாற்றுதல்
உங்கள் Google கணக்கை உருவாக்கியபோது, சாதனத்தை அமைத்தபோது அல்லது அமைப்புகளைப் புதுப்பித்தபோது மொபைல் எண்ணைச் சேர்த்திருப்பீர்கள்.
உங்களின் தற்போதைய மொபைல் எண்தான் உங்கள் கணக்கில் இணைக்கப்பட்டுள்ளது என்பதை உறுதிசெய்ய:
- உங்கள் Google கணக்கிற்குச் செல்லவும்.
- இடதுபுறத்தில் உள்ள வழிசெலுத்தல் பேனலில் பாதுகாப்பு என்பதைக் கிளிக் செய்யவும்.
- நீங்கள் Google இல் உள்நுழைவது எப்படி பேனலில் மொபைல் மூலம் உள்நுழைக என்பதைக் கிளிக் செய்யவும்.
- அமை என்பதைக் கிளிக் செய்யவும்.
- இங்கே நீங்கள்:
-
- மொபைல் எண்ணைச் சேர்க்கலாம்: "மீட்பு மொபைல் எண்" என்பதற்குக் கீழேயுள்ள மீட்பு மொபைல் எண்ணைச் சேர் என்பதைத் தேர்ந்தெடுக்கவும். (மீட்பு மொபைல் எண்ணை இன்னும் சேர்க்கவில்லை என்றால் ஒன்றைச் சேர்க்குமாறு பரிந்துரைக்கிறோம்.)
- மொபைல் எண்ணை மாற்றலாம்: உங்கள் எண்ணிற்கு அடுத்துள்ள திருத்து
என்பதைத் தேர்ந்தெடுக்கவும். மொபைல் எண்ணை மாற்று என்பதைத் தேர்வுசெய்யவும்.
- மொபைல் எண்ணை டைப் செய்யவும். நீங்கள் சேர்க்கும் எண்:
- உங்களுடையதாக இருக்க வேண்டும்
- வேறொரு Google கணக்கில் உள்நுழையப் பயன்படுத்தும் எண்ணாக இருக்கக்கூடாது
- Photos போன்ற Google சேவைகளில் பிறருடன் தொடர்புகொள்ளப் பயன்படுத்தும் எண்ணாக இருக்கக்கூடாது
- திரையில் காட்டப்படும் வழிமுறைகளைப் பின்பற்றவும்.
முக்கியம்: உங்கள் ஃபோன் எண்ணுக்கு அடுத்து "ஃபோன் எண் சரிபார்க்கப்படவில்லை" எனக் காட்டப்பட்டால் இப்போது சரிபார் என்பதைத் தேர்ந்தெடுத்து திரையில் காட்டப்படும் படிகளைப் பின்பற்றவும்.
சிக்கல்களைச் சரிசெய்தல்
"உங்கள் Google கணக்கைக் கண்டறிய முடியவில்லை" என்ற பிழைச் செய்தி காட்டப்பட்டால் ஃபோன் எண் உங்கள் கணக்குடன் இணைக்கப்படாமல் இருக்கலாம்.
ஃபோன் எண்ணைச் சேர்க்க, மேலே உள்ள படிகளைப் பின்பற்றவும்.
ஃபோன் எண்ணைப் பயன்படுத்தி உள்நுழைய முடியவில்லை எனில் பயனர்பெயரையோ மின்னஞ்சல் முகவரியையோ பயன்படுத்தி உள்நுழையவும்.
