I-verify ang iyong Google Account

Kapag nagse-set up ka ng Google Account gamit ang email na hindi Google, magpapadala kami ng code sa pag-verify sa email address na ginamit mo para gawin ang account. Kung hindi mo ive-verify ang iyong address, hindi ka makakagawa ng Google Account.

Mag-sign in sa iyong email para i-verify ang iyong account

1. Habang ginagawa mo ang iyong account, makakatanggap ka ng email mula sa Google. Buksan ang email at hanapin ang code sa pag-verify.
2. Para tapusin ang paggawa ng iyong account, ilagay ang code sa pag-verify kapag na-prompt.

Para tingnan kung na-verify na ang iyong account, mag-sign in sa Google Account mo. Kung hindi pa ito na-verify, makakakita ka ng mensaheng humihiling sa iyong i-verify ang iyong account.

Mag-ayos ng mga problema gamit ang link o email sa pag-verify

Kung nagkakaproblema ka sa link o email sa pag-verify, sundin ang mga hakbang sa ibaba.

Hindi nakakuha ng email sa pag-verify

Kung hindi ka nakakuha ng email sa pag-verify pagkatapos mong i-set up ang iyong account:

1. Tingnan ang iyong folder ng spam o bulk mail.
2. Kung wala roon ang email, idagdag ang [e-mail] sa iyong address book.
3. Mag-request ng bagong email sa pag-verify sa iyong Google Account.
   • Mag-sign in. Posibleng kailanganin mong ibigay ang iyong email at password.
4. Kung gumawa ka ng account pero hindi mo pa ito vine-verify, makikita mo ang mensaheng "Kailangan ang pag-verify ng account."
5. I-click para magpadala ng bagong email sa pag-verify.

Tip: Kung hindi ka makapag-sign in sa iyong Google Account, posibleng nagka-typo sa iyong email address noong ginawa mo ang iyong account o sinubukan mong mag-sign in. Gamit ang tamang email address, puwede mong gawin ulit ang iyong Google Account.

Hindi gumagana ang link ng pag-verify

Kung na-click mo ang link at hindi ito gumana:

1. Kopyahin ang buong URL.
2. I-paste ang URL sa address bar ng iyong browser.
3. I-click ang Enter.

Kung nag-expire ang link, mag-request ng bagong link.

1. Pumunta sa iyong Google Account.
2. Piliin ang Mag-sign in.
3. Ilagay ang iyong email at password.
   • Kung hindi mo matandaan ang iyong password, hulaan ito sa abot ng iyong makakaya.
4. I-click para magpadala ng bagong email sa pag-verify.