Mag-sign in gamit ang passkey sa halip na password

Simple at secure na alternatibo sa mga password ang mga passkey. Gamit ang passkey, puwede kang mag-sign in sa Google Account mo gamit ang iyong fingerprint, scan ng mukha, o lock ng screen ng device, gaya ng PIN.

Nagbibigay ang mga passkey ng pinakamalakas na proteksyon laban sa mga panganib na gaya ng phishing. Kapag nakagawa ka na ng passkey, magagamit mo iyon para madaling mag-sign in sa Google Account mo, pati sa ilang third-party app o serbisyo, at i-verify na ikaw iyan kapag gumawa ka ng mga sensitibong pagbabago.

Mahalaga:

Kung may 2-Step na Pag-verify o naka-enroll sa Programang Advanced na Proteksyon ang iyong account, iba-bypass ng passkey ang pangalawa mong hakbang sa pag-authenticate dahil vine-verify nito na ikaw ang may hawak ng iyong device.
Nananatili sa device mo lang at hindi ibinabahagi sa Google ang iyong biometric data na ginagamit para sa pag-unlock gamit ang fingerprint o mukha.

Alamin ang kailangan mo para makagawa ng passkey

Makakagawa ka ng mga passkey sa mga device na ito:

Laptop o desktop na gumagamit ng Windows 10, macOS Ventura, o ChromeOS 109 o mas bago pa
Mobile device na gumagamit ng iOS 16 o Android 9 o mas bago pa
Hardware na security key na sinusuportahan ang FIDO2 protocol

Sa iyong computer o mobile device, kailangan din ng sinusuportahang browser na gaya ng:

Chrome 109 o mas bago
Safari 16 o mas bago
Edge 109 o mas bago
FireFox 122 o mas bago

Para makagawa at makagamit ng passkey, dapat mong i-enable ang mga sumusunod:

Lock ng screen
Bluetooth
- Nalalapat ito kung gusto mong gumamit ng passkey sa telepono para mag-sign in sa ibang computer.
Para sa iOS o macOS: Dapat mong i-enable ang iCloud Keychain.
- Kapag nag-set up ka ng passkey sa Apple device mo, mapa-prompt kang i-enable ang iyong iCloud Keychain kung hindi pa iyon naka-set up. Para sa higit pang impormasyon kung paano i-set up ang iCloud Keychain, pumunta rito.

Tip: Para matiyak ang pinakamagandang karanasan sa paggamit ng mga passkey, siguraduhing updated ang iyong operating system at browser.

Batay sa iyong operating system at browser, posibleng hindi ka makagawa o makagamit ng mga passkey habang nasa Incognito mode.

Mga passkey para sa Google Workspace

Kung may Google Workspace account ka sa pamamagitan ng iyong paaralan o employer, posibleng hindi ka makapag-sign in sa account mo gamit ang passkey lang. Makakagawa ka pa rin ng mga passkey sa mga device mo pero baka magamit lang ang mga iyon bilang pangalawang salik sa 2-Step na Pag-verify, sa pag-recover ng account, at para sa ilang sensitibong aksyon sa iyong account kung saan kinakailangan ng Google na muling i-verify ang pagkakakilanlan mo.

Sa page ng mga setting ng account na "Laktawan ang password kapag posible," malalaman mo kung pinapayagan ka ng iyong admin na mag-sign in gamit ang passkey lang.

Puwedeng matuto pa rito ang mga admin ng Workspace.

Mag-set up ng mga passkey

Mahalaga: Kapag gumawa ka ng passkey, mag-o-opt in ka sa experience sa pag-sign in na passkey muna at walang password. Gumawa lang ng mga passkey sa mga personal na device na kinokontrol mo. Kahit na mag-sign out ka sa iyong Google Account, kapag nakagawa ka na ng passkey sa isang device, magagawa ng sinumang makaka-unlock sa device na mag-sign in ulit sa Google Account mo gamit ang passkey.

Para mag-set up ng passkey, posibleng kailanganin mong mag-sign in sa iyong Google Account o i-verify na ikaw iyan.

Gumawa ng passkey

Para gumawa ng passkey sa ginagamit mong telepono o computer:

Pumunta sa https://myaccount.google.com/signinoptions/passkeys.
I-tap ang Gumawa ng passkey Magpatuloy.
- Kakailanganin mong i-unlock ang iyong device.

Para gumawa ng mga passkey sa maraming device, ulitin ang mga hakbang na ito sa mga device na iyon.

Para gumawa ng passkey sa external na USB security key na nakakagamit ng FIDO2:

Pumunta sa https://myaccount.google.com/signinoptions/passkeys.
I-tap ang Gumawa ng passkey Gumamit ng ibang device.
Sundin ang mga tagubilin sa screen.
- Kakailanganin mong ipasok ang iyong hardware na security key at ilagay ang PIN niyon o pindutin ang sensor para sa fingerprint sa key.

Mga Tip:

Kapag nagawa mo na ang una mong passkey, sa susunod na mag-sign in ka sa anumang device na magagamitan ng mga passkey, mapa-prompt kang gumawa ng passkey sa device na iyon.
Kung ayaw mong ma-access ng ibang user ang iyong account, huwag gumawa ng passkey sa nakabahaging device.

Gamitin ang iyong passkey para mag-sign in

Para mag-sign in sa iyong account sa device kung saan gumawa ka na ng passkey:

Kapag nag-sign out ka sa isang Android device, kailangan mong mag-sign in ulit sa pamamagitan ng alternatibong paraan ng pag-sign in. Kung gagawa ka ng anumang sensitibong aksyon habang naka-sign in ka kung saan kinakailangan mong muling i-verify ang iyong pagkakakilanlan, magagamit mo ang passkey sa mismong Android device.

Sa ibang hindi Android device, magagamit mo ang iyong passkey para mag-sign in ulit sa account mo, pati muling i-verify ang iyong pagkakakilanlan habang naka-sign in ka.

Sa page sa Paano ka nagsa-sign in sa Google sa device mo, ilagay ang iyong username.
Kung gumawa ka na dati ng passkey para sa account mo sa device na iyon, ipa-prompt ka ng Google na i-verify ang iyong pagkakakilanlan gamit ang passkey ng device na iyon.
- Sundin ang mga tagubilin sa screen para sa passkey para i-unlock ang device at i-verify ang iyong pagkakakilanlan.
  - Iba-iba ang eksaktong UI depende sa iyong operating system at browser.
- Sa ilang bihirang sitwasyon, baka hingan ka ng password kahit na may passkey ka sa device.
  - Para subukang i-trigger ang prompt para sa iyong passkey, magagamit mo ang opsyong "Sumubok ng ibang paraan."

Para mag-sign in sa iyong account sa computer, puwede kang gumamit ng passkey na ginawa sa mobile device:

Kung may passkey ka sa isang Android o iOS mobile device, magagamit mo ang passkey na iyon para mag-sign in sa ibang mobile device o computer.

Sa page sa pag-sign in sa Google sa computer mo, ilagay ang iyong username.
Sa ibaba ng field para sa password, i-click ang link na Sumubok ng ibang paraan.
I-click ang Gamitin ang iyong passkey.
Sa iyong screen, hanapin ang QR code.
- Kung gusto mong gumamit ng passkey na ginawa sa isang hardware na security key, puwede mong piliin ang "USB security key" o katumbas niyon.
Para i-scan ang QR code, gamitin ang built-in na app na scanner ng QR code ng iyong telepono.
- Para sa iOS: Puwede mong gamitin ang built-in na camera app.
- Para sa mga Google Pixel phone: Puwede mong gamitin ang built-in na scanner ng QR code.
- Para sa iba pang Android device: Kung hindi mo ma-scan ang QR code gamit ang native na camera app o ang scanner ng QR code ng system, puwede mong gamitin ang Google Lens.
Sa iyong telepono, i-tap ang Gamitin ang passkey.
- Para i-verify ang iyong pagkakakilanlan sa telepono mo, mapa-prompt ka para sa iyong fingerprint, pag-unlock gamit ang mukha, o PIN ng telepono.
- Sa susunod na mag-sign in ka gamit ang kombinasyong ito ng computer at telepono, awtomatiko kang makakatanggap ng notification sa telepono mo para tapusin ang proseso ng pag-verify sa pagkakakilanlan.

Tip: Pagkatapos mong mag-sign in, posibleng hilingin sa iyong gumawa ng passkey sa computer. Kung ayaw mong ma-access ng ibang user ang iyong account, huwag gumawa ng passkey sa nakabahaging device.

Suriin ang iyong mga passkey

Pumunta sa https://myaccount.google.com/signinoptions/passkeys.
Posibleng ipa-verify sa iyo ang pagkakakilanlan mo.
- Tip: Kung naka-sign in ka sa maraming account, tiyaking vine-verify mo ang iyong pagkakakilanlan para sa gusto mong account.

Kung may mga passkey na ang iyong account, nakalista ang mga iyon dito.

Tip: Kung may Android phone ka na naka-sign in sa account na ito, posibleng may mga passkey ka na awtomatikong nairehistro para sa iyo.

Mag-alis ng o mag-opt out sa mga passkey

Mag-alis ng passkey

Kung may naiwala kang device kung saan gumawa ka ng passkey, o hindi mo sinasadyang gumawa ng passkey sa nakabahaging device, dapat mong i-invalidate ang passkey para hindi ito magamit sa iyong Google Account.

Mag-alis ng ginawa mong passkey

Pumunta sa iyong Google Account.
- Posibleng kailanganin mong mag-sign in.
Piliin ang Seguridad.
Sa ilalim ng "Pag-sign in sa Google," i-tap ang Mga Passkey.
Piliin ang passkey na gusto mong alisin.
I-tap ang icon na .

Mag-alis ng passkey na awtomatikong ginawa ng Android

Para mag-alis ng passkey na awtomatikong ginawa sa iyong Android device, kailangan mong alisin ang device sa Google Account mo.

Pumunta sa iyong Google Account.
Sa kaliwang panel ng navigation, piliin ang Seguridad.
Sa panel na Iyong mga device, piliin ang Pamahalaan ang lahat ng device.
Piliin ang device Mag-sign out.
Kung may lalabas na maraming session na may parehong pangalan ng device, posibleng galing sa iisang device o maraming device ang lahat ng ito. Kung gusto mong tiyaking walang access sa account mula sa isang device, mag-sign out sa lahat ng session na may pangalan ng device na ito.

Tip: Puwede kang tumingin sa google.com/devices para suriin ang lahat ng device na may access sa iyong account.

Mag-opt out sa pag-sign in gamit ang mga passkey

Kapag nag-opt out ka sa pag-sign in gamit ang passkey, mananatili pa rin ang lahat ng passkey sa iyong account. Kakailanganin ang password mo at opsyonal na 2-Step na Pag-verify para sa lahat ng pag-sign in sa hinaharap, depende sa configuration.

Para mag-opt out sa mga passkey bilang paraan ng pag-sign in at bumalik sa dati mong paraan ng pag-sign in, baguhin ang kagustuhang ito sa mga setting ng account mo.

Pumunta sa iyong Google Account.
- Posibleng kailanganin mong mag-sign in.
Piliin ang Seguridad.
I-off ang Laktawan ang password kapag posible.

Tip: Kapag gumawa ka ng passkey sa unang pagkakataon, mag-o-opt in ka sa experience sa pag-sign in na passkey muna at walang password. Para mag-sign in sa iyong Google Account nang walang passkey at gumamit ng ibang paraan ng pag-sign in, i-tap ang Sumubok ng ibang paraan. Kung madalas mong pipiliin ang "Sumubok ng ibang paraan," mas madalang na iaalok ng Google ang passkey challenge sa hinaharap ayon sa naipaparating na kagustuhan mo. Dalasan ang pag-sign in gamit ang mga passkey para mabago ito.

Mag-ayos ng problema tungkol sa nawawala o kulang na passkey

Nawala o ninakaw ang device

Sa device na naa-access mo, mag-sign in sa iyong Google Account.
Alisin ang passkey na nauugnay sa nawala o ninakaw na device.
- Alamin kung paano mag-alis ng passkey

Nawawala o hindi available na passkey

Kung may mga passkey ka sa iyong account pero hindi ka inaalok ng passkey kapag nagsa-sign in, tiyaking:

Naka-enable ang lock ng screen sa device na may passkey
- Kung naka-disable ang lock ng screen ng iyong device, hindi mo magagamit ang passkey sa device na iyon hanggang sa i-enable mo ulit ang lock ng screen.
Naka-on ang toggle na "Laktawan ang password kapag posible" sa iyong mga setting ng seguridad sa myaccount.google.com/security.

Para mag-sign in sa iyong Google Account nang walang passkey, i-tap ang Sumubok ng ibang paraan para laktawan ang challenge na passkey at bumalik sa dati mong opsyon sa pag-sign in.

Tip: Kung madalas mong pipiliin ang "Sumubok ng ibang paraan," mas madalang na iaalok ng Google ang passkey challenge sa hinaharap ayon sa naipaparating na kagustuhan mo. Dalasan ang pag-sign in gamit ang mga passkey para mabago ito.