Puwede mong gawing pribado o nakikita ng kahit sino ang ilang impormasyon sa iyong Google Account. Sa ganoong paraan, makokontrol mo kung sino ang makakakita ng impormasyon gaya ng iyong kaarawan o numero ng telepono sa lahat ng serbisyo ng Google.
Piliin ang impormasyong ipapakita
- Pumunta sa iyong Google Account.
- Sa kaliwa, i-click ang Personal na impormasyon.
- Sa ilalim ng "Piliin ang nakikita ng ibang tao," i-click ang Pumunta sa Tungkol sa akin.
- Sa ilalim ng isang uri ng impormasyon, mapipili mo kung sino ang kasalukuyang nakakakita ng iyong impormasyon.
- Pumili ng isa sa mga sumusunod:
- Para gawing pribado ang impormasyon, i-click ang Ikaw lang .
- Para gawing nakikita ng kahit sino ang impormasyon, i-click ang Kahit Sino .
Magdagdag, mag-edit, o mag-alis ng personal na impormasyon
Mahalaga: Hindi maalis ang ilang impormasyon sa iyong Google Account. Halimbawa, puwede mong i-edit, pero hindi mo maaalis, ang iyong pangalan at petsa ng kapanganakan.
- Pumunta sa iyong Google Account.
- Sa kaliwa, i-click ang Personal na impormasyon.
- Sa ilalim ng "Piliin ang nakikita ng ibang tao," i-click ang Pumunta sa Tungkol sa akin.
- Baguhin ang iyong impormasyon:
- Magdagdag: Para sa bawat kategorya kung saan mo gustong magdagdag ng impormasyon, i-click ang Magdagdag.
- Mag-edit: I-click ang impormasyong gusto mong baguhin at pagkatapos ay i-click ang I-dit .
- Tip: Kung binago mo ang iyong pangalan kamakailan, posibleng kailanganin mong maghintay bago mo ito mabago ulit.
- Mag-alis: I-click ang impormasyong gusto mong alisin at pagkatapos ay i-click ang Alisin .
- Sundin ang mga hakbang sa screen.
Tingnan at pamahalaan ang iyong mga profile sa mga serbisyo ng Google
Sa ilang serbisyo ng Google, mayroon kang profile na nakikita ng ibang taong gumagamit ng serbisyong iyon. Makikita mo ang iyong mga profile para sa ilang serbisyo sa Google Account mo.
- Pumunta sa iyong Google Account.
- Sa kaliwa, i-click ang Personal na impormasyon.
- Mag-scroll papunta sa "Iyong mga profile." Pagkatapos ay pindutin ang Tingnan ang mga profile.
- Pumili ng serbisyo para matingnan ang impormasyon ng iyong profile.
- Pumunta sa serbisyo para mapamahalaan ang impormasyon ng iyong profile.
Pagtuklas sa profile
Kapag hinanap ka ng mga tao gamit ang iyong numero ng telepono o email address sa mga produkto at serbisyo ng Google, nakakatulong ang pagtuklas sa profile na matukoy kung ano ang mahahanap nila. Kapag sine-set up ito, pipiliin mo kung makikita ng mga taong hindi mo pa nakakausap sa mga serbisyo ng Google, pero may impormasyon mo sa pakikipag-ugnayan, ang iyong larawan sa profile at ang buo o pinaikling pangalan mo. Pagkatapos mong makipag-ugnayan sa isang tao, halimbawa habang nakikipag-usap sa Google Chat o nagbabahagi ng album sa Google Photos, karaniwang makikita nila ang iyong buong pangalan at larawan sa profile mula sa Google Account mo.
Gamit ang pagtuklas sa profile, mapipili mong:
- Gamitin ang iyong pangalan mula sa pangunahin mong profile o gumamit ng pinaikling bersyon ng iyong pangalan.
- Ipakita o itago ang iyong larawan sa profile.
Pamahalaan ang pagtuklas sa profile
Mahalaga: Para bigyang-daan ang mga tao na mahanap ka sa pamamagitan ng numero ng telepono, i-on ang Hayaang mahanap ka ng mga tao sa pamamagitan ng numero ng telepono sa iyong mga setting ng numero ng telepono.
- Pumunta sa iyong Google Account.
- Sa kaliwa, i-click ang Personal na impormasyon.
- Sa "Iyong mga profile," i-click ang Tingnan ang mga profile.
- Sa ibaba ng iyong larawan at pangalan, i-click ang Mga setting ng pagtuklas sa profile.
- I-on ang Pagtuklas sa profile.
- Para i-edit kung paano lumalabas ang iyong pangalan at larawan sa profile mo, i-click ang Baguhin.
Higit pang detalye tungkol sa iyong impormasyon
Anong impormasyon ang puwedeng ipakita
Narito ang ilang impormasyong puwede mong ipakita o itago sa iba pang taong gumagamit ng mga serbisyo ng Google:
- Iyong kaarawan
- Iyong kasarian
- Impormasyon tungkol sa trabaho, tulad ng kung saan ka nagtatrabaho
- Personal na impormasyon sa pakikipag-ugnayan at impormasyon sa pakikipag-ugnayan sa trabaho
- Mga lugar kung saan ka tumira
- Impormasyon tungkol sa edukasyon
Maaaring ipakita ang sumusunod na impormasyon sa mga tao kung kanino ka nakikipag-ugnayan o nagbabahagi:
- Iyong pangalan
- Palayaw
- Larawan sa profile
- Larawan sa cover
- Ang email ng iyong Google Account
Tip: Lalabas ang pangalan at larawan sa profile sa iyong page na "Tungkol sa akin" sa karamihan ng mga serbisyo ng Google. Kung gagamit ka ng ibang pangalan o larawan sa profile sa ilang partikular na serbisyo ng Google, makikita mo pa rin ang mga ito roon.
Saan puwedeng lumabas ang impormasyong ito
- Sa mga serbisyo ng Google kung saan nakikipag-ugnayan ka sa ibang tao, tulad ng Google Chat at Gmail.
- Sa mga serbisyo ng Google kung saan gumagawa ka ng content, tulad ng Maps, Play, at YouTube.
Sino ang makakakita ng iyong impormasyon
- Pribado: Ikaw lang ang nakakakita.
- Sinuman: Nakikita ng sinuman.
- Mga taong nakakaugnayan mo: Nakikita ng mga taong nakakaugnayan mo, halimbawa, sa pamamagitan ng Chat at mga photo album na ibinahagi sa Google Photos.
- Iyong organisasyon: Nakikita ng lahat ng nasa iyong organisasyon, tulad ng trabaho o paaralan.
- Pamilya: Nakikita ng sinumang nasa iyong grupo ng pamilya.