I-save, pamahalaan, at protektahan ang iyong mga password

Pinapasimple ng Google Password Manager ang paggamit ng malakas at natatanging password para sa lahat ng iyong online account. Kapag ginamit mo ang Google Password Manager, nase-save ang mga password sa iyong Google Account.

Puwede mong gamitin ang Google Password Manager para:

Gumawa at mag-save ng mga malakas at natatanging password na hindi mo kailangang tandaan.
Protektahan ang lahat ng iyong naka-save na password sa pamamagitan ng built in na seguridad.
Awtomatikong punan ang mga password mula sa iyong Google Account.

Paano mapapaigting ng Google Password Manager ang iyong kaligtasan online

Mas ligtas na paraan para pamahalaan ang iyong mga password

Ang mga nanakaw na password ay isa sa mga pinakakaraniwang paraan kung paano nakokompromiso ang mga account.

Para makatulong na protektahan ang iyong mga account, puwede mong gamitin ang Google Password Manager para:

Magmungkahi ng mga malakas at natatanging password para maiwasang makompromisyo ang maraming account mula sa isang nanakaw na password.
Abisuhan ka tungkol sa mga hindi ligtas na password. Kung may mag-publish ng iyong mga naka-save na password sa internet, matutulungan ka ng Google Password Manager na palitan ang anumang hindi ligtas na password.
Tumulong na i-block ang hindi pinapahintulutang pag-access. Naka-store ang iyong mga password sa likod ng naka-built in na seguridad ng Google gamit ang pag-encrypt. Para matingnan ang mga password, kakailanganin mong mag-sign in ulit.

Tip: Para mas paigtingin pa ang seguridad ng iyong mga naka-save na password, puwede kang magdagdag ng impormasyon sa pag-recover at puwede mong i-on ang 2-Step na Pag-verify.

Gamitin ang Google Password Manager

Magsimula

Para magamit ang Google Password Manager sa iyong computer, magagawa mo ang alinman sa mga sumusunod:

I-on ang pag-sync sa Chrome.
Mag-sign in sa Chrome at payagan ang Chrome na gamitin ang mga password sa iyong Google Account kapag hiniling.

Mag-save at gumamit ng mga password

Gumawa, mag-save, at maglagay ng mga password sa Chrome

Kapag gumawa ka ng bagong account sa isang site, puwedeng magmungkahi ang Chrome ng malakas at natatanging password. Kung gagamit ka ng iminumungkahing password, awtomatiko itong mase-save.

Kung maglalagay ka ng bagong password sa isang site, puwedeng itanong ng Chrome kung ise-save ba ito. Para tanggapin ito, i-click ang I-save.

Para tingnan ang inilagay na password, i-click ang I-preview .
Kung maraming password sa page, i-click ang Pababa . Piliin ang password na gusto mong i-save.
Kung blangko o mali ang iyong username, i-tap ang text box sa tabi ng "Username." Ilagay ang username na gusto mong i-save.

Kung gusto mong mag-save ng ibang password, i-click ang text box sa tabi ng "Password." Ilagay ang password na gusto mong i-save. Pagkatapos, piliin ang I-save.

Kung hindi nag-aalok ang Chrome na i-save ang iyong mga password

I-save ang iyong password kung hindi ito awtomatikong pina-save sa iyo

Sa iyong computer, buksan ang Chrome .
Ilagay ang iyong impormasyon sa website kung saan mo gustong i-save ang password.
Sa kanan ng address bar, i-click ang Mga Password I-save.

Kung hindi mo nakikita ang Mga Password , i-delete ang iyong password at subukang mag-sign in ulit.

I-on o i-off ang mga alok na mag-save ng mga password

Bilang default, mag-aalok ang Chrome na i-save ang iyong password. Puwede mong i-on o i-off ang pag-save ng password sa iyong Google Account o sa Chrome:

Sa iyong computer, buksan ang Chrome .
Sa kanang bahagi sa itaas, i-click ang Profile Mga Password .
I-on o i-off ang Mag-alok na mag-save ng mga password.

Mag-sign in gamit ang naka-save na password sa Chrome

Kung na-save mo ang iyong password sa Chrome noong bumisita ka dati sa isang website, matutulungan ka ng Chrome na mag-sign in.

Sa iyong computer, pumunta sa isang site na nabisita mo na dati.
Pumunta sa form sa pag-sign in ng site.
- Kung nag-save ka ng isang username at password para sa site: Puwedeng awtomatikong sagutan ng Chrome ang form sa pag-sign in.
- Kung nag-save ka ng mahigit sa isang username at password: Piliin ang field ng username at piliin ang impormasyon sa pag-sign in na gusto mong gamitin.

Lumipat sa Google Password Manager

Puwede kang mag-import ng mga password sa iyong Google Account mula sa ibang serbisyo.

Pamahalaan at i-secure ang iyong mga password

Tumingin, mag-delete, o mag-export ng mga naka-save na password

Naka-save ang iyong mga password sa Google Account mo.

Para tumingin ng listahan ng mga account na may mga naka-save na password, pumunta sa passwords.google.como tingnan ang iyong mga password sa Chrome. Para matingnan ang mga password, kailangan mong mag-sign in ulit.

Para tumingin ng password: Pumili ng account I-preview .
Para mag-delete ng password: Pumili ng account I-delete.
Para i-export ang iyong mga password: Piliin ang Mga Setting I-export ang mga password.

Tip: Kung gumagamit ka ng passphrase sa pag-sync, puwede mong tingnan ang iyong mga password sa mga setting ng Chrome.

Tingnan kung may mga hindi ligtas na password

Puwede mong tingnan ang lahat ng iyong naka-save na password nang sabay-sabay para malaman kung ang mga ito ay:

Naka-publish sa internet
Na-expose sa isang paglabag sa data
Posibleng mahina at madaling hulaan
Ginagamit sa maraming account

Para tingnan ang iyong mga naka-save na password, pumunta sa Password Checkup.

Matuto pa tungkol sa Password Checkup.

Baguhin ang mga setting ng Password Manager

Pumunta sa passwords.google.com.
Sa kanang bahagi sa itaas, piliin ang Mga Setting .
Mula rito, mapapamahalaan mo ang iyong mga setting.
- Mag-alok na mag-save ng mga password: Pamahalaan ang mga alok na mag-save ng mga password sa Android at Chrome.
- Pamahalaan ang mga alok sa mga password para sa mga partikular na site o app: Mapipili mong huwag kailanman mag-save ng mga password para sa mga partikular na site. Kapag na-prompt kang mag-save ng password, piliin ang Huwag Kailanman.Kung mapagpasyahan mong i-save ang password na ito sa ibang pagkakataon, piliin ang Alisin sa tabi ng pangalan ng site o app.
- Awtomatikong pag-sign in: Puwede kang awtomatikong mag-sign in sa mga site at app gamit ang na-save mong impormasyon. Puwede mong i-off ang Awtomatikong pag-sign in kung gusto mong magbigay ng kumpirmasyon bago ka mag-sign in.
- Mga alerto sa password: Puwede kang maabisuhan kapag nakita online ang iyong mga naka-save na password.
- On-device na pag-encrypt: I-encrypt ang iyong mga password sa device mo bago i-save ang mga ito sa Google Password Manager. Alamin kung paano i-encrypt ang iyong mga password sa device mo. Hindi available ang feature na ito para sa mga user ng Workspace.

Paano pinapangasiwaan ng Google Password Manager ang iyong data

Nangongolekta ang Google Password Manager ng ilang partikular na impormasyon para magkapagsagawa ng mga serbisyo sa iyong device. Gumagamit ang ilang bahagi ng functionality na ito ng mga serbisyo ng Google Play. Halimbawa, kinokolekta ng Google Password Manager ang impormasyong ito para sa analytics at pag-troubleshoot:

Mga pageview at pag-tap sa app
Mga log ng pag-crash
Diagnostics

Naka-encrypt ang data habang ipinapadala.