Pinapasimple ng Google Password Manager ang paggamit ng malakas at natatanging password para sa lahat ng iyong online account. Kapag ginamit mo ang Google Password Manager, puwede kang mag-save ng mga password sa iyong Google Account o sa device mo.
Mahalaga: Magmumungkahi lang ang Google Password Manager ng malalakas na password kapag nagse-save ng mga password sa iyong Google Account.
Puwede mong gamitin ang Google Password Manager para:
- Gumawa at mag-save ng mga malakas at natatanging password sa iyong Google Account para hindi mo na kailangang tandaan ang mga ito.
- Protektahan ang lahat ng iyong naka-save na password sa pamamagitan ng built-in na seguridad.
- Awtomatikong punan ang mga password sa mga site at app.
Paano mapapaigting ng Google Password Manager ang iyong kaligtasan online
Ang mga nanakaw na password ay isa sa mga pinakakaraniwang paraan kung paano nakokompromiso ang mga account.
Para makatulong na protektahan ang iyong mga account, puwede mong gamitin ang Google Password Manager para:
- Magmungkahi ng mga malakas at natatanging password at i-save ang mga ito sa iyong Google Account, para maiwasang makompromiso ang maraming account mula sa iisang nanakaw na password.
- Abisuhan ka tungkol sa mga nakompromisong password. Kung may mag-publish ng iyong mga naka-save na password sa internet, matutulungan ka ng Google Password Manager na palitan ang anumang nakompromisong password.
- Tumulong na i-block ang hindi pinapahintulutang pag-access. Naka-store ang iyong mga password sa likod ng naka-built in na seguridad ng Google gamit ang pag-encrypt.
Tip: Para mas paigtingin pa ang seguridad ng iyong mga naka-save na password, puwede kang magdagdag ng impormasyon sa pag-recover at puwede mong i-on ang 2-Step na Pag-verify.
I-on ang 2-Step na Pag-verify
Gamitin ang Google Password Manager
Para sa mga Android app
Magsimula
Mahalaga: Puwedeng mag-iba ang mga hakbang na ito sa iyong device. Puwede mo ring hanapin sa iyong app na mga setting ang “serbisyo ng autofill” para direktang mapunta sa setting na ito.
- Sa iyong Android phone o tablet, buksan ang app na Mga Setting.
- Mag-scroll pababa at i-tap ang Google
Lahat ng serbisyo.
- Mag-scroll pababa sa seksyong "Auto fill at Mga Password" at i-tap ang Autofill sa Google.
- Siguraduhing naka-on ang Gumamit ng Autofill sa Google.
- Kumpirmahing ang account na nakalista sa ilalim ng "Account" ay ang account na gusto mong gamitin.
Tip: Kapag nag-sign in ka sa Chrome at Android gamit ang iisang Google Account, matitiyak na palagi kang may access sa iyong mga naka-save na passsword.
Gumawa at mag-save ng malalakas na password
Kapag gumawa ka ng bagong account sa isang app, puwedeng magmungkahi at mag-save ng malakas na password ang Android.
- Sa iyong Android phone o tablet, i-tap ang field sa paggawa ng password.
- Sa itaas lang ng keyboard, i-tap ang Mga Password
Bumuo ng Password at i-save ito sa iyong Google Account.
- Kumpletuhin ang iyong username at i-click ang I-save ang password.
Mag-sign in gamit ang naka-save na password
Gumamit ng mga passkey sa pinagkakatiwalaang browser
- Para mag-sign in o mag-sign up sa mga website gamit ang passkey, kailangang pangasiwaan ng iyong browser ang mga kredensyal ng passkey mo para gumana ito sa Google Password Manager. Palaging gumamit ng secure na browser na pinagkakatiwalaan mo.
- Kung hindi mo ma-access ang mga passkey na naka-store sa Google Password Manager mula sa iyong browser, posibleng hindi pa naaaprubahan ang browser mo bilang pinagkakatiwalaang browser.
Matuto pa tungkol sa pag-sign in gamit ang mga passkey.
Para sa Chrome
Magsimula
Para gamitin ang iyong mga password sa lahat ng device mo,
mag-sign in sa Chrome gamit ang iyong Google Account.
Mga Tip:
- Kung hindi mo ma-access ang mga passkey na naka-store sa Google Password Manager mula sa iyong browser, posibleng hindi pa naaaprubahan ang browser mo. Matuto pa tungkol sa pag-sign in gamit ang mga passkey.
- Kung nag-develop ka ng browser app na hindi pa naaaprubahan, puwede kang magsumite ng request na maging pinagkakatiwalaang browser app para sa Google Password Manager. Para magsumite ng request, punan ang form na ito.
Gumawa at mag-save ng malalakas na password
Kapag gumawa ka ng bagong account sa isang site, puwedeng magmungkahi ang Chrome ng malakas at natatanging password. Kung gagamit ka ng iminumungkahing password, awtomatiko itong mase-save.
Kung maglalagay ka ng bagong password sa isang site, puwedeng itanong ng Chrome kung ise-save ba ito. Para tanggapin ito, i-click ang I-save.
- Para tingnan ang inilagay na password: Piliin ang I-preview
.
- Kung maraming password sa page: Piliin ang Pababa
. Piliin ang password na gusto mong ma-save.
- Kung blangko o mali ang iyong username: Piliin ang text box sa tabi ng "Username." Ilagay ang username na gusto mong ma-save.
- Kung gusto mong mag-save ng ibang password: Piliin ang text box sa tabi ng "Password." Ilagay ang password na gusto mong ma-save.
Kung hindi nag-aalok ang Chrome na i-save ang iyong mga password
I-save ang iyong password kung hindi ito awtomatikong pina-save sa iyo
- Sa iyong Android phone o tablet, buksan ang Chrome app
.
- Ilagay ang iyong impormasyon sa website kung saan mo gustong i-save ang password.
- Sa kanan ng address bar, i-click ang Mga Password I-save.
Kung hindi mo nakikita ang Mga Password , i-delete ang iyong password at subukang mag-sign in ulit.
Simulan o ihinto ang pag-save ng mga password
Bilang default, mag-aalok ang Chrome na i-save ang iyong password. Puwede mong i-on o i-off ang pag-save ng password sa iyong Google Account o sa Chrome:
- Sa iyong Android phone o tablet, buksan ang Chrome app .
- Sa kanang bahagi sa itaas, i-tap ang Higit pa
.
- I-tap ang Mga Setting
Google Password Manager.
- I-tap ang Mga Setting .
- I-on o i-off ang Mag-alok na Mag-save ng Mga Password.
Mag-sign in gamit ang naka-save na password
Kung na-save mo ang iyong password noong bumisita ka dati sa isang website, matutulungan ka ng Chrome na mag-sign in.
- Sa iyong Android phone o tablet, buksan ang Chrome .
- Pumunta sa isang site na nabisita mo na dati.
- Pumunta sa form sa pag-sign in ng site.
- Kung nag-save ka ng isang username at password para sa site: Puwedeng awtomatikong sagutan ng Chrome ang form sa pag-sign in.
- Kung nag-save ka ng mahigit sa isang username at password: Piliin ang field ng username at piliin ang impormasyon sa pag-sign in na gusto mong gamitin.
- Kung hindi inialok ng Chrome ang iyong naka-save na password: I-tap ang Mga Password para tingnan ang mga posibleng password.
Tip: Para mas mabilis na makapunta sa Google Password Manager, pumunta sa setting ng iyong password manager at magdagdag ng shortcut sa home screen mo.
Pamahalaan at i-secure ang iyong mga password
Mga Tip:
- Gumamit ng mga natatanging password para sa lahat ng iyong online account.
- Kung iisang password ang ginagamit mo para sa maraming account, posibleng ma-access ng sinumang pagbabahagian mo ng password ang iba mo pang account.
- Kung ayaw mo nang ibahagi ang serbisyong ito, palitan ang iyong password.
Puwede mong tingnan ang lahat ng iyong naka-save na password nang sabay-sabay para malaman kung ang mga ito ay:
- Naka-publish sa internet
- Na-expose sa isang breach sa data
- Posibleng mahina at madaling hulaan
- Ginagamit sa maraming account
Para tingnan ang iyong mga naka-save na password, pumunta sa Password Checkup.
Matuto pa tungkol sa Password Checkup.
- Pumunta sa passwords.google.com.
- Sa kanang bahagi sa itaas, piliin ang Mga Setting .
- Mula rito, mapapamahalaan mo ang iyong mga setting.
- Mag-alok na mag-save ng mga password: Pamahalaan ang mga alok na mag-save ng mga password sa Android at Chrome.
- Pamahalaan ang mga alok sa mga password para sa mga partikular na site o app: Mapipili mong huwag kailanman mag-save ng mga password para sa mga partikular na site. Kapag na-prompt kang mag-save ng password, piliin ang Huwag Kailanman.Kung mapagpasyahan mong i-save ang password na ito sa ibang pagkakataon, piliin ang Alisin
sa tabi ng pangalan ng site o app.
- Awtomatikong pag-sign in: Puwede kang awtomatikong mag-sign in sa mga site at app gamit ang na-save mong impormasyon. Puwede mong i-off ang Awtomatikong pag-sign in kung gusto mong magbigay ng kumpirmasyon bago ka mag-sign in.
- Mga alerto sa password: Puwede kang maabisuhan kapag nakita online ang iyong mga naka-save na password.
- On-device na pag-encrypt: I-encrypt ang iyong mga password sa device mo bago i-save ang mga ito sa Google Password Manager. Alamin kung paano i-encrypt ang iyong mga password sa device mo. Hindi available ang feature na ito para sa mga user ng Workspace.
Paano pinapangasiwaan ng Google Password Manager ang iyong data
Nangongolekta ang Google Password Manager ng ilang partikular na impormasyon para magkapagsagawa ng mga serbisyo sa iyong device. Gumagamit ang ilang bahagi ng functionality na ito ng mga serbisyo ng Google Play. Halimbawa, kinokolekta ng Google Password Manager ang impormasyong ito para sa analytics at pag-troubleshoot:
- Mga pageview at pag-tap sa app
- Mga log ng pag-crash
- Diagnostics
Palaging pinoprotektahan ng pag-encrypt na nangunguna sa industriya ang iyong naka-sync na data para mabawasan ang panganib ng breach sa data. Matuto pa tungkol sa pag-encrypt na nangunguna sa industriya.
Lahat ng serbisyo.
.
.
.
.
sa tabi ng pangalan ng site o app.