Piliin kung aling mga app ang gumagamit ng lokasyon ng iyong Android phone

Puwede mong payagan ang mga app na gamitin ang lokasyon ng iyong telepono para magsagawa ng mga pagkilos para sa iyo o bigyan ka ng impormasyon. Halimbawa, puwedeng gamitin ng mga app ang lokasyon ng iyong telepono para magpakita ng trapiko sa pag-commute o maghanap ng mga kalapit na restaurant.

Mahalaga: Gumagana lang ang ilan sa mga hakbang na ito sa Android 11 at mas bago. Alamin kung paano tingnan ang bersyon ng iyong Android.

Hanapin kung aling mga app ang gumagamit ng lokasyon ng iyong telepono

Mag-swipe pababa mula sa itaas ng screen.
Pindutin nang matagal ang Lokasyon . Kung hindi mo makita ang Lokasyon :
1. I-tap ang I-edit o Mga Setting . Pagkatapos ay i-drag ang Lokasyon sa iyong Mga Mabilisang Setting.
I-tap ang Mga pahintulot sa lokasyon ng app.
Sa ilalim ng ”Pinapayagan sa lahat ng oras," “Pinapayagan lang habang ginagamit,” at “Hindi pinapayagan,” hanapin ang mga app na puwedeng gumamit ng lokasyon ng iyong telepono.
Para palitan ang mga pahintulot ng app, i-tap ito. Pagkatapos, piliin ang access sa lokasyon para sa app. Matuto pa tungkol sa mga pahintulot sa app.

Tip: Kung hindi gumagana ang mga hakbang na ito para sa iyo, humingi ng tulong mula sa manufacturer ng device mo.

Pigilan ang app na gamitin ang lokasyon ng iyong telepono

Puwede mong kontrolin kung aling mga app ang makakapag-access at makakagamit ng lokasyon ng iyong device at kung kailan. Halimbawa, puwede mong payagan ang Google Maps na gamitin ang lokasyon ng iyong device para bigyan ka ng mga direksyon sa pagmamaneho, pero hindi para ibahagi sa isang laro o social media app ang lokasyon mo.

Sa home screen ng iyong telepono, hanapin ang icon ng app.
Pindutin nang matagal ang icon ng app.
I-tap ang Impormasyon ng app .
I-tap ang Mga Pahintulot Lokasyon.
Pumili ng opsyon:
- Lahat ng oras: Magagamit ng app ang iyong lokasyon anumang oras.
- Habang ginagamit ang app lang: Magagamit lang ng app ang iyong lokasyon habang ginagamit mo ang app na iyon.
- Itanong palagi: Sa tuwing bubuksan mo ang app, hihilingin nitong gamitin ang iyong lokasyon. Magagamit ng app ang setting hanggang sa isara mo ito.
- Tanggihan: Hindi magagamit ng app ang iyong lokasyon, kahit na habang ginagamit mo ang app.
Kung pinayagan mo ang access sa lokasyon, puwede mo ring i-on o i-off ang Gamitin ang Eksaktong Lokasyon.

Tip: Para pigilan ang lahat ng app sa paggamit sa lokasyon ng iyong device, alamin kung paano i-off ang mga setting ng lokasyon.

Alamin kung paano puwedeng gamitin ng app ang lokasyon ng iyong telepono

Mahalaga: Kung may pahintulot ang isang app na gamitin ang lokasyon ng iyong device, puwede nitong gamitin ang tinatayang lokasyon ng device mo, tumpak na lokasyon nito, o pareho.

Sa home screen ng iyong device, hanapin ang icon ng app.
Pindutin nang matagal ang icon ng app.
I-tap ang Impormasyon ng app .
I-tap ang Mga Pahintulot Higit pa Lahat ng pahintulot.
Sa "Lokasyon," makikita mo ang uri ng lokasyong hiniling ng app. Kung hindi mo makita ang "Lokasyon," hindi pa hiniling ng app na ito ang lokasyon ng iyong device.

Mga uri ng lokasyong puwedeng hilingin ng mga app:

Tinatayang lokasyon: Matutukoy ng app kung nasa isang lugar na humigit-kumulang 3 square kilometer ang iyong device.
Eksaktong lokasyon: Matutukoy ng app ang eksaktong lokasyon ng iyong device.
Sa foreground: Magagamit lang ng app ang iyong lokasyon kapag bukas sa screen ang app o kung may ipinagawa ka sa app.
Sa background: Magagamit ng app ang impormasyon ng lokasyon anumang oras, kahit hindi mo ito ginagamit.

Bakit hinihiling sa iyo ng mga app na baguhin ang mga setting ng lokasyon

"Baguhin ang setting ng lokasyon?": Kailangan ng app na naka-on ang lokasyon ng iyong device para gumana nang maayos.
"Gawing mas tumpak ang lokasyon?": Kung naka-on na ang lokasyon para sa isang app, puwedeng hilingin sa iyo ng app na mag-on ng higit pang setting o sensor para mahanap nang mas mahusay ang lokasyon ng iyong device.
Koneksyon sa Wi-Fi: Puwedeng hilingin sa iyo ng isang app na i-on ang Wi-Fi o hayaan ang device mong maghanap ng mga Wi-Fi network. Nakakatulong ang pag-scan ng Wi-Fi para mahanap nang mas tumpak ang lokasyon ng iyong device.
Mga Serbisyo ng Lokasyon ng Google: Hayaan ang mga app na hanapin nang mas tumpak ang lokasyon ng iyong device. Alamin kung paano pinapahusay ng Katumpakan ng Lokasyon ng Google ang impormasyon ng iyong lokasyon. Tinatawag ding Mga Serbisyo ng Lokasyon ng Google ang Katumpakan ng Lokasyon ng Google.

Baguhin ang iba pang setting ng lokasyon

Kumuha ng impormasyon batay sa lokasyon ng iyong device:
Alamin kung paano i-on ang lokasyon.
Tandaan kung saan ka pupunta at pamahalaan ang iyong listahan ng mga pinuntahan mo:
Alamin kung paano i-on ang History ng Lokasyon para sa iyong Google Account..
Tulungan ang Google Maps na makuha ang lokasyon ng iyong device:
Alamin kung paano pahusayin ang katumpakan ng iyong lokasyon sa Google Maps..