Alisin ang Gmail sa Google Account mo

Kung ayaw mo na ang Gmail address mo, puwede mo itong alisin sa iyong Google Account.

Pagkatapos mong alisin ang Gmail sa Google Account mo:

• Ide-delete ng Gmail ang mga email at setting mo pagkalipas ng 30 araw.
• Hindi mo na magagamit ang Gmail address mo para magpadala o makatanggap ng mga email. Kung magbabago ang isip mo, posibleng magawa mo pa ring i-recover ang iyong Gmail address at mga email.
• Hindi magagamit ng sinuman ang iyong Gmail address sa hinaharap.
• Maa-access mo pa rin ang iyong Google Account at iba pang serbisyong hindi maaapektuhan, tulad ng
  • Iyong aktibidad sa mga serbisyo ng Google
  • Mga pagbili mula sa Google Play

Bago ka magsimula

• Kung ginagamit mo ang Gmail sa iyong trabaho, paaralan, o iba pang grupo, makipag-ugnayan sa administrator mo.
• Para magpatuloy sa paggamit ng iba pang serbisyo ng Google gamit ang Google Account mo, kailangan mo ng alternatibong email address na hindi Gmail.
• Bago mo alisin ang Gmail sa iyong Google Account, mag-sign in sa Google Account mo at i-download ang iyong data.

Tip: Kung hindi ka makapag-sign in, alamin kung paano i-recover ang iyong Google Account o Gmail.

I-delete ang iyong serbisyo ng Gmail

1. Sa iyong iPhone o iPad, buksan ang Gmail app .
2. Sa kanang bahagi sa itaas, i-tap ang Profile Pamahalaan ang iyong Google Account.
3. I-tap ang Data at privacy.
4. Sa page na "Data at privacy," mag-scroll sa seksyong "Mga Tool."
5. I-tap ang Alisin ang data sa mga serbisyong hindi mo na ginagamit.
6. Mag-sign in sa iyong Google Account.
7. Sa tabi ng "Gmail," i-tap ang I-delete .
8. Maglagay ng alternatibong email address.
9. I-tap ang Susunod.
   • Magpapadala ito ng email sa alternatibong email address. Hindi aalisin sa Google Account mo ang iyong Gmail address at mga email hangga't hindi mo nave-verify ang address mo.

I-delete ang iyong serbisyo ng Gmail

I-recover ang iyong Gmail address

Kahit na alisin mo ang iyong Gmail address, makukuha mo ito ulit. Gayunpaman, kung matagal na mula noong inalis mo ang iyong Gmail address, baka hindi mo na makuha ulit ang mga email mo.

1. Sa iyong device, buksan ang Gmail.
2. Mag-sign in sa iyong Google Account.
3. Sundin ang mga hakbang sa screen.

Mga kaugnay na resource

• I-delete ang iyong Google Account
• Paano i-recover ang iyong Google Account o Gmail