Simula sa Setyembre 30, 2024, hindi na susuportahan ang mga di-gaanong secure na app, third-party app, o device na nagpapa-sign in sa iyo gamit lang ang username at password mo para sa mga Google Workspace account. Para sa mga eksaktong petsa, bumisita sa Google Workspace Updates. Para patuloy na gumamit ng partikular na app sa iyong Google Account, kakailanganin mong gumamit ng mas secure na uri ng access na hindi nagbabahagi ng data ng password. Alamin kung paano Mag-sign in gamit ang Google.
Kung hindi nakakatugon ang isang app o site sa aming mga pamantayan sa seguridad, baka i-block ng Google ang sinumang sumusubok na mag-sign in sa iyong account mula roon. Puwedeng mas mapadali ng mga di-gaanong secure na app para sa mga hacker na pasukin ang iyong account, kaya nakakatulong ang pag-block sa mga pag-sign in sa mga app na ito na panatilihing ligtas ang account mo.
Gumamit ng mga mas secure na app
Kung di-gaanong secure na teknolohiya sa pag-sign in ang ginagamit ng isang app, baka hindi mo ito magamit sa iyong Google Account.
Gagawa ng mga error ang mga app na gumagamit lang ng iyong username o password kung susubukan ng mga ito na i-access ang iyong Google Account. Lilitaw ang mga error na ito bilang:
- “Invalid na username”
- “Invalid na password”
- “Hindi makapag-log in”
Puwede kang mag-sign in sa iyong Google Account mula sa anumang third-party app na may opsyong "Mag-sign in gamit ang Google." Sa ilang sitwasyon, posibleng kailangan mong alisin ang iyong Google Account at pagkatapos ay idagdag ito ulit sa iyong device.
