ເມື່ອທ່ານສືບຕໍ່ຢູ່ໃນລະບົບບັນຊີຂອງທ່ານ, ທ່ານສາມາດໃຊ້ການບໍລິການຂອງ Google ໃນທັນທີທີ່ທ່ານເປີດພວກມັນ. ຕົວຢ່າງ: ທ່ານສາມາດກວດອີເມວໃນ Gmail ຫຼື ເບິ່ງການຊອກຫາຜ່ານມາຂອງທ່ານໃນ Chrome ໄດ້ຢ່າງວ່ອງໄວ.
ສືບຕໍ່ຢູ່ໃນລະບົບ
ຖ້າ Google ສືບຕໍ່ນຳທ່ານອອກຈາກລະບົບ, ນີ້ແມ່ນບາງຂັ້ນຕອນທີ່ທ່ານສາມາດລອງ:
- ກວດໃຫ້ແນ່ໃຈວ່າ ຄຸກກີ້ເປີດຢູ່. ບາງຊອບແວປ້ອງກັນໄວຣັສ ຫຼື ຊອບແວທີ່ກ່ຽວຂ້ອງອາດຈະລຶບຄຸກກີ້ຂອງທ່ານກໍເປັນໄດ້.
- ຖ້າຄຸກກີ້ຂອງທ່ານເປີດຢູ່, ກະລຸນາ ລຶບລ້າງແຄສຂອງໂປຣແກຣມທ່ອງເວັບຂອງທ່ານ. ໝາຍເຫດ: ໃນຂະນະທີ່ການລຶບຄຸກກີ້ຂອງທ່ານອາດຈະແກ້ໄຂບັນຫາໄດ້, ແຕ່ມັນຈະລຶບການຕັ້ງຄ່າທີ່ທ່ານບັນທຶກໄວ້ສຳລັບເວັບໄຊທີ່ທ່ານເຄີຍເຂົ້າເບິ່ງນຳ.
- ກວດໃຫ້ແນ່ໃຈວ່າທ່ານກຳລັງໃຊ້ໂປຣແກຣມທ່ອງເວັບຫຼ້າສຸດຂອງທ່ານຢູ່.
- ໃຊ້ໂປຣແກຣມທ່ອງເວັບ ເຊັ່ນ: Chrome ເພື່ອ ຈື່ລະຫັດຜ່ານ ໃຫ້ທ່ານ.
- ຖ້າທ່ານໃຊ້ການພິສູດຢັ້ງຢືນແບບ 2 ຂັ້ນຕອນ, ກະລຸນາ ເພີ່ມຄອມພິວເຕີທີ່ເຊື່ອຖືໄດ້.
ອອກຈາກລະບົບສະເໝີ
ເມື່ອທ່ານເຂົ້າສູ່ລະບົບບັນຊີ Google ຂອງທ່ານ, ທ່ານຈະສືບຕໍ່ຢູ່ໃນລະບົບຈົນກວ່າທ່ານອອກຈາກລະບົບ.
ຖ້າທ່ານກຳລັງໃຊ້ຄອມພິວເຕີສາທາລະນະ ຫຼື ອຸປະກອນຂອງຄົນອື່ນ:
- ທ່ອງເວັບໃນໂໝດສ່ວນຕົວ.
- ເມື່ອທ່ານສຳເລັດແລ້ວ, ໃຫ້ປິດໜ້າການທ່ອງເວັບແບບເປັນສ່ວນຕົວທັງໝົດ. ທ່ານຈະຖືກນຳອອກຈາກລະບົບໂດຍອັດຕະໂນມັດ.
ອອກຈາກລະບົບບັນຊີທີ່ບໍ່ແມ່ນ Google ສະເໝີ
ເຄັດລັບເຫຼົ່ານີ້ສາມາດຊ່ວຍທ່ານຢຸດບໍ່ໃຫ້ບັນຊີທີ່ບໍ່ແມ່ນ Google ນຳທ່ານເຂົ້າສູ່ລະບົບໂດຍອັດຕະໂນມັດ.
- ປິດລະຫັດຜ່ານທີ່ບັນທຶກໄວ້ໃນ Google Chrome, Mozilla Firefox ແລະ Windows Internet Explorer. ກວດໃຫ້ແນ່ໃຈວ່າ ຂໍ້ມູນການກູ້ຄືນ ຂອງທ່ານອັບເດດໃໝ່ຫຼ້າສຸດສຳລັບບັນຊີ Google ຂອງທ່ານ ແລະ ການບໍລິການອື່ນທີ່ທ່ານໃຊ້.
- ລຶບລ້າງແຄສ ແລະ ຄຸກກີ້ຂອງໂປຣແກຣມທ່ອງເວັບຂອງທ່ານ. ໝາຍເຫດ: ໃນຂະນະທີ່ການລຶບຄຸກກີ້ຂອງທ່ານອາດຈະແກ້ໄຂບັນຫາໄດ້, ແຕ່ມັນຈະລຶບການຕັ້ງຄ່າທີ່ທ່ານບັນທຶກໄວ້ສຳລັບເວັບໄຊທີ່ທ່ານເຄີຍເຂົ້າເບິ່ງ.
ອອກຈາກລະບົບອຸປະກອນຂອງຄົນອື່ນ
ສຳຄັນ: ຖ້າບັນທຶກລະຫັດຜ່ານຂອງທ່ານໄວ້ໃນອຸປະກອນຂອງຄົນອື່ນ, ກະລຸນາ ປ່ຽນລະຫັດຜ່ານຂອງທ່ານ ແລະ ກວດໃຫ້ແນ່ໃຈວ່າທ່ານອອກຈາກລະບົບໃນອຸປະກອນຂອງເຂົາເຈົ້າແລ້ວ. ດ້ວຍວິທີນັ້ນ, ຄົນອື່ນຈະບໍ່ສາມາດເຂົ້າສູ່ລະບົບບັນຊີຂອງທ່ານໄດ້.
- ໄປທີ່ ບັນຊີ Google ຂອງທ່ານ.
- ໃນແຜງນຳທາງເບື້ອງຊ້າຍ, ກະລຸນາຄລິກ ຄວາມປອດໄພ.
- ຢູ່ໃນແຜງ ອຸປະກອນຂອງທ່ານ, ກະລຸນາຄລິກ ຈັດການອຸປະກອນ.
- ເລືອກອຸປະກອນ.
- ຄລິກ ລຶບອອກ.
