თქვენს ანგარიშში შესულ მდგომარეობაში დარჩენის შემთხვევაში Google სერვისებით მათი გახსნისთანავე ისარგებლებთ. მაგალითად, სწრაფად შეამოწმებთ ელფოსტას Gmail-ში ან იხილავთ Chrome-ში ადრე შესრულებულ ძიებებს.
შესულ მდგომარეობაში დარჩენა
თუ Google-ს სისტემიდან გამოყავხართ, შეგიძლიათ სცადოთ შემდეგი:
- შეამოწმეთ, რომ ჩართული გაქვთ ქუქი-ჩანაწერები. ქუქი-ჩანაწერების წაშლა შეუძლია ანტივირუსულ და მსგავს პროგრამულ უზრუნველყოფას.
- თუ ქუქი-ჩანაწერები ჩართულია, გაასუფთავეთ ბრაუზერის ქეში. შენიშვნა: მართალია, ქუქი-ჩანაწერების წაშლა შეიძლება პრობლემის მოგვარებაში დაგეხმაროთ, თუმცა ეს მოქმედება თქვენ მიერ მონახულებული საიტებისთვის შენახულ პარამეტრებსაც წაშლის.
- შეამოწმეთ, რომ ბრაუზერის უახლეს ვერსიას იყენებთ.
- გამოიყენეთ Chrome-ის მსგავსი ბრაუზერი, რომელიც პაროლების დამახსოვრებაში დაგეხმარებათ.
- 2-ფაზიანი დადასტურებით სარგებლობის შემთხვევაში დაამატეთ სანდო კომპიუტერები.
გამოსულ მდგომარეობაში დარჩენა
თქვენს Google ანგარიშში შესვლის შემდეგ შესულ მდგომარეობაში დარჩებით, სანამ არ გამოხვალთ.
თუ საჯარო კომპიუტერს ან სხვის მოწყობილობას იყენებთ:
- დაათვალიერეთ ვები კონფიდენციალურ რეჟიმში.
- როცა დაასრულებთ, დახურეთ კონფიდენციალური დათვალიერების ყველა ფანჯარა. სისტემიდან ავტომატურად გამოხვალთ.
Google-ისგან განსხვავებული ანგარიშებიდან გამოსულ მდგომარეობაში დარჩენა
ქვემოთ მოცემული რჩევები დაგეხმარებათ, უკრძალოთ Google-ისგან განსხვავებულ ანგარიშებს თქვენი სისტემაში შეყვანა.
- გამორთეთ პაროლების შენახვა Google Chrome-ში, Mozilla Firefox-ში და Windows Internet Explorer-ში. შეამოწმეთ, რომ აღდგენის ინფორმაცია განახლებული გაქვთ როგორც თქვენი Google ანგარიშისთვის, ისე სხვა სერვისებისთვის, რომლებსაც იყენებთ.
- გაასუფთავეთ ბრაუზერის ქეში და ქუქი-ჩანაწერები. შენიშვნა: მართალია, ქუქი-ჩანაწერების წაშლა შეიძლება პრობლემის მოგვარებაში დაგეხმაროთ, თუმცა ეს მოქმედება თქვენ მიერ მონახულებული საიტებისთვის შენახულ პარამეტრებსაც წაშლის.
სხვისი მოწყობილობიდან გამოსვლა
მნიშვნელოვანია: თუ თქვენი პაროლი შენახულია სხვის მოწყობილობაში, შეცვალეთ პაროლი და შეამოწმეთ, რომ სხვისი მოწყობილობიდან გამოსული ხართ. აღნიშნულის შემდეგ სხვა ვერ შევა თქვენს ანგარიშში.
- გადადით თქვენს Google ანგარიშზე.
- მარცხენა სანავიგაციო პანელში დააწკაპუნეთ უსაფრთხოებაზე.
- თქვენი მოწყობილობების პანელზე დააწკაპუნეთ მოწყობილობების მართვაზე.
- აირჩიეთ მოწყობილობა.
- დააწკაპუნეთ ამოშლაზე.