பாதுகாப்புக் காரணங்களுக்காக நீங்கள் கடவுச்சொல்லை மாற்றலாம், மறந்துவிட்டீர்கள் எனில் அதை மீட்டமைத்துக் கொள்ளலாம். Gmail, YouTube போன்ற பல Google தயாரிப்புகளை அணுக உங்கள் Google கணக்கின் கடவுச்சொல் பயன்படுத்தப்படுகிறது.
கடவுச்சொல்லை மாற்றுதல்
-
உங்கள் சாதனத்தில் அமைப்புகள் ஆப்ஸைத் திறந்து Google Google கணக்கை நிர்வகித்தல் என்பதைத் தட்டவும்.
- மேலே உள்ள பாதுகாப்பு என்பதைத் தட்டவும்.
- "நீங்கள் Google இல் உள்நுழைவது எப்படி" என்பதன் கீழ் கடவுச்சொல் என்பதைத் தட்டவும். நீங்கள் உள்நுழைய வேண்டியிருக்கலாம்.
- புதிய கடவுச்சொல்லை டைப் செய்தபின் கடவுச்சொல்லை மாற்று என்பதைத் தட்டவும்.
- உதவிக்குறிப்பு: மொபைலில் கடவுச்சொல்லை டைப் செய்யும்போது முதல் எழுத்தில் பேரெழுத்து சிற்றெழுத்து வித்தியாசம் இருக்காது.
கடவுச்சொல்லை மீட்டமைத்தல்
- உங்கள் கணக்கை மீட்டெடுக்க, கீழே உள்ள படிகளைப் பின்பற்றவும். கணக்கு உங்களுடையது என்பதை உறுதிப்படுத்த சில கேள்விகள் கேட்கப்படும். பிறகு உங்களுக்கு ஒரு மின்னஞ்சல் அனுப்பப்படும். மின்னஞ்சல் வரவில்லை எனில்:
- உங்கள் ஸ்பேம் அல்லது பல்க் மெயில் ஃபோல்டரைப் பார்க்கவும்.
noreply@google.com
என்பதை உங்கள் முகவரிப் புத்தகத்தில் சேர்க்கவும்.- மற்றொரு மின்னஞ்சலைப் பெற, உங்கள் கணக்கை மீட்டெடுப்பதற்கான படிகளைப் பின்பற்றவும் .
- உங்கள் கணக்கைப் பதிவு செய்ய அல்லது அதில் உள்நுழைய நீங்கள் பயன்படுத்தியிருக்கக்கூடிய அனைத்து மின்னஞ்சல் முகவரிகளின் இன்பாக்ஸிலும் பார்க்கவும்.
2. இந்தக் கணக்கில் இதற்கு முன்பு பயன்படுத்தாத கடவுச்சொல்லைத் தேர்வுசெய்யவும். வலிமையான கடவுச்சொல்லை உருவாக்குவது எப்படி என அறிக.
கடவுச்சொல்லை மாற்றியபிறகு என்ன நடக்கும்?
கடவுச்சொல்லை நீங்கள் மாற்றினாலோ மீட்டமைத்தாலோ இவற்றைத் தவிர பிற எல்லாச் சாதனங்களில் இருந்தும் வெளியேற்றப்படுவீர்கள்:
- உள்நுழையும்போது நீங்கள்தான் எனச் சரிபார்க்கப் பயன்படுத்தும் சாதனங்கள்.
- உங்கள் கணக்கிற்கான அணுகலைப் பெற்ற மூன்றாம் தரப்பு ஆப்ஸைக் கொண்டுள்ள சில சாதனங்கள்.
- கணக்கிற்கான அணுகலை நீங்கள் வழங்கியுள்ள வீட்டுப் பயன்பாட்டுச் சாதனங்கள்.
கடவுச்சொல் தொடர்பான சிக்கல்களைச் சரிசெய்தல்
கடவுச்சொல்லை மீட்டமைப்பதில் சிக்கல் ஏற்பட்டாலோ உங்கள் கணக்கில் உள்நுழைய முடியவில்லை என்றாலோ கூடுதல் உதவியைப் பெறவும்.