உங்கள் Android சாதனத்தின் இருப்பிட அமைப்புகளை நிர்வகித்தல்

வரும் மாதங்களில், இதுவரை சென்ற இடங்கள் அமைப்பின் பெயர் காலப்பதிவு என மாற்றப்படும். உங்கள் கணக்கில் இதுவரை சென்ற இடங்கள் இயக்கத்தில் இருந்தால், உங்கள் ஆப்ஸிலும் கணக்கு அமைப்புகளிலும் காலப்பதிவு என்பதைப் பார்ப்பீர்கள்.

அமைப்புகளில் இருப்பிடத்தை இயக்கினால், சிறந்த உள்ளூர் தேடல் முடிவுகளை (உங்கள் மொபைலின் இருப்பிடத்தைப் பொறுத்து வழக்கமான பயணம் குறித்த கணிப்புகள், அருகிலுள்ள உணவகங்கள் போன்றவை) பெறுவது உள்ளிட்ட இருப்பிடம் சார்ந்த சேவைகளை நீங்கள் பயன்படுத்த முடியும்.

முக்கியமானது:

• இந்த வழிமுறைகளில் சில, Android 12 மற்றும் அதற்குப் பிந்தைய பதிப்புகளில் மட்டுமே செயல்படும். உங்கள் Android பதிப்பைத் தெரிந்துகொள்வது எப்படியென அறிக.
• இந்த வழிமுறைகளில் சிலவற்றுக்கு நீங்கள் திரையைத் தொட வேண்டும்.

உங்கள் மொபைலில் கிடைக்கக்கூடிய இருப்பிட அமைப்புகளைப் புரிந்துகொள்ளுதல்

முக்கியமானது: உங்கள் மொபைலில் இருப்பிடத்தை முடக்கினால், ஆப்ஸாலும் சேவைகளாலும் உங்கள் மொபைலின் இருப்பிடத்தை அறிய முடியாது. இருப்பினும், உங்கள் IP முகவரியின் அடிப்படையில் உள்ளூர் முடிவுகளும் விளம்பரங்களும் உங்களுக்குக் காட்டப்படலாம்.

Googleளிடம் பின்வருபவை உட்பட இருப்பிடம் சார்ந்த சேவைகள் உள்ளன:

• உங்கள் Android சாதனத்திற்கான Google இருப்பிடத் துல்லியம் (அதாவது, Google இருப்பிடச் சேவைகள்): உங்கள் மொபைலின் இருப்பிடத்தை மிகத் துல்லியமாகப் பெற, இருப்பிடத் துல்லியத்தை எப்படி நிர்வகிப்பது என்பதை அறிக.
• உங்கள் Android சாதனத்தில் அவசரச் சூழ்நிலைக்கான இருப்பிடச் சேவை: Android சாதனத்தில் அவசரச் சூழ்நிலைக்கான இருப்பிடச் சேவையை எப்படி நிர்வகிப்பது என்பதை அறிக.
• உங்கள் Android சாதனத்திற்கான பூகம்ப எச்சரிக்கைகள்: அருகில் ஏற்படும் பூகம்பங்கள் குறித்த எச்சரிக்கைகளை உங்கள் மொபைலில் பெற பூகம்ப எச்சரிக்கைகளை எப்படி நிர்வகிப்பது என்பதை அறிக.
• உங்கள் Android சாதனத்தில் நேர மண்டலத்திற்கான இருப்பிடத்தைப் பயன்படுத்துதல்: இருப்பிடத்தின் அடிப்படையில் நேர மண்டலத்திற்கான அறிவிப்புகளைப் பெற, நேர மண்டலத்திற்கான இருப்பிடத்தை எப்படி நிர்வகிப்பது என்பதை அறிந்துகொள்ளுங்கள்.
• உங்கள் Google கணக்கிற்கான 'இதுவரை சென்ற இடங்கள்' அம்சம்: இதுவரை சென்ற இடங்கள் அம்சம் என்பது காலப்பதிவை உருவாக்கும் ஒரு Google கணக்கு அமைப்பாகும். காலப்பதிவு என்பது உங்கள் பயணங்களையும் பயண வழிகளையும் நீங்கள் சென்ற இடங்களையும் நினைவில் கொள்ள உங்களுக்கு உதவும் ஒரு பிரத்தியேக வரைபடமாகும். 'இதுவரை சென்ற இடங்கள்' அம்சத்தை எப்படி இயக்குவது என அறிந்துகொள்ளுங்கள்.
• Google Mapsஸுக்கான இருப்பிடப் பகிர்வு: உங்கள் மொபைல் எங்குள்ளது என்பதைப் பிறர் தெரிந்துகொள்வதற்கு அனுமதிக்க, Google Maps மூலம் உங்கள் நிகழ்நேர இருப்பிடத்தை எப்படிப் பகிர்வது என்பதை அறிக.
• Searchசில் இருப்பிடத்தின் முக்கியத்துவம்: Googleளில் நீங்கள் தேடும்போது மிகப் பயனுள்ள முடிவுகளைப் பெற, இணையதளங்கள் மற்றும் ஆப்ஸுக்கான இருப்பிட அனுமதிகளை எப்படி நிர்வகிப்பது என்பதை அறிக.
• வைஃபை ஸ்கேனிங் மற்றும் புளூடூத் ஸ்கேனிங்: துல்லியமான இருப்பிடத் தகவல்களைப் பெற ஆப்ஸுக்கு உதவ, நெட்வொர்க்கையோ புளூடூத் சாதனங்களையோ ஸ்கேன் செய்வது எப்படி என அறிந்துகொள்ளுங்கள்.

உதவிக்குறிப்பு: ஒவ்வொரு ஆப்ஸும் அதற்குரிய அமைப்புகளைக் கொண்டிருக்கும். ஆப்ஸின் இருப்பிட அமைப்புகளை எப்படி நிர்வகிப்பது என்பதை அறிக.

உங்கள் மொபைலின் இருப்பிடத்தை இயக்குதல்/முடக்குதல்

1. திரையின் மேலிருந்து கீழ்நோக்கி ஸ்வைப் செய்யவும்.
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறியவில்லை எனில்:
     1. திருத்து அல்லது அமைப்புகள் என்பதைத் தட்டவும்.
     2. இருப்பிடம் என்பதை உங்கள் விரைவு அமைப்புகள் மெனுவிற்கு இழுக்கவும்.

 

இருப்பிடம் இயக்கத்தில் இருக்கும்போது

• நீங்கள் இருப்பிட அனுமதி வழங்கிய ஆப்ஸ் உங்களுக்கு இருப்பிடம் சார்ந்த தகவல்கள், சேவைகள் அல்லது விளம்பரங்களை வழங்க உங்கள் மொபைலின் இருப்பிடத்தைக் கண்டறியக்கூடும். ஆப்ஸின் இருப்பிட அமைப்புகளை எப்படி மாற்றுவது என்பதை அறிக.
• Google இருப்பிடத் துல்லியம் (Google இருப்பிடச் சேவைகள் என்றும் அழைக்கப்படும்) இயக்கத்தில் இருந்தால் இருப்பிடம் சார்ந்த சேவைகளை மேம்படுத்துவதற்கான தரவை அந்த அமைப்பு சேகரிக்கக்கூடும். Google இருப்பிடத் துல்லியம் குறித்து அறிக.
• உங்கள் ஆப்ஸ் மற்றும் உலாவி அனுமதிகள் அதை அனுமதிக்கும்பட்சத்தில், உங்கள் மொபைலின் இருப்பிடத்தின் அடிப்படையில் நீங்கள் தேடல் முடிவுகளைப் பெறலாம். நீங்கள் Googleளில் தேடும்போது உங்கள் இருப்பிடத்தை எப்படி நிர்வகிப்பது என்பதை அறிக.
• உங்கள் மொபைலைத் தொலைத்துவிட்டால் அது எங்குள்ளது என்பதை நீங்கள் கண்டறியலாம். Find My Device குறித்து அறிக.
• உங்கள் மொபைலின் இருப்பிடத்தைப் பிறருடன் பகிரலாம். Google Maps மூலம் இருப்பிடத்தைப் பகிர்வது, அவசரகாலத்தில் உங்கள் இருப்பிடத்தை எப்படி அனுப்புவது, பூகம்ப எச்சரிக்கைகளை எப்படிப் பெறுவது என்பவை குறித்து அறிக.
• நேர மண்டலத்திற்கான இருப்பிடம் இயக்கப்பட்டிருந்தால், உங்கள் நேர மண்டலத்தைத் தீர்மானிப்பதற்கு மொபைல் உங்கள் இருப்பிடத்தைப் பயன்படுத்தலாம். நேர மண்டலத்திற்கான இருப்பிடம் குறித்து அறிந்துகொள்ளுங்கள்.
• 'இதுவரை சென்ற இடங்கள்' அம்சத்தை நீங்கள் இயக்கியிருந்தால், Google ஆப்ஸைப் பயன்படுத்தாதபோதும் சாதனத்தின் துல்லியமான இருப்பிடம் உங்கள் சாதனங்களிலும் Googleளின் சேவையகங்களிலும் தொடர்ந்து சேமிக்கப்படும். எப்போது வேண்டுமானாலும் activity.google.com தளத்திற்கு அல்லது உங்கள் காலப்பதிவிற்குச் சென்று நீங்கள் இதுவரை சென்ற இடங்களைப் பார்க்கலாம், பதிவுகளை எவ்வளவு நாட்கள் வரை வைத்திருக்க வேண்டும் என்பதை மாற்றலாம். 'இதுவரை சென்ற இடங்கள்' அம்சம் குறித்து அறிந்துகொள்ளுங்கள்.

இருப்பிடம் முடக்கத்தில் இருக்கும்போது

• உங்கள் மொபைலின் இருப்பிடம் எந்தவொரு ஆப்ஸுடனும் பகிரப்படாது. இருப்பிடத்தைப் பயன்படுத்தும் அம்சங்கள் சரியாகச் செயல்படாமல் போகலாம்.
• இருப்பிடம் சார்ந்த சேவைகளை மேம்படுத்துவதற்கான தரவை Google இருப்பிடத் துல்லியம் சேகரிக்காது.
• உங்கள் IP முகவரி போன்ற தகவல்களின் அடிப்படையில் நீங்கள் தேடல் முடிவுகளையும் விளம்பரங்களையும் பெறக்கூடும். நீங்கள் Googleளில் தேடும்போது உங்கள் இருப்பிடத்தை எப்படி நிர்வகிப்பது என்பதை அறிக.
• உங்கள் மொபைலைத் தொலைத்துவிட்டால் அது எங்குள்ளது என்பதை நீங்கள் கண்டறிய முடியாது. Find My Device குறித்து அறிக.
• Google Maps மூலம் உங்கள் மொபைலின் இருப்பிடத்தை யாருடனும் பகிர முடியாது. எனினும், அவசரகாலத்தில் உங்கள் சாதனத்தால் மீட்புப் பணியாளர்களுக்கு இருப்பிடத்தை அனுப்ப முடியும். Google Maps மூலம் இருப்பிடத்தைப் பகிர்வது, அவசரகாலங்களில் இருப்பிடத்தை அனுப்புவது ஆகியவை குறித்து அறிக.
• இருப்பினும் நீங்கள் அவசர உதவி எண்ணை அழைக்கும்போது அல்லது அதற்கு மெசேஜ் அனுப்பும்போது, அவசரச் சூழ்நிலைக்கான இருப்பிடச் சேவைகளோ உங்கள் மொபைல் நிறுவனமோ உங்கள் மொபைலின் இருப்பிடத்தை அவசரகாலச் சேவைகளுக்குத் தானாக அனுப்ப முடியும். அவசரச் சூழ்நிலைக்கான இருப்பிடச் சேவைகள் குறித்து அறிக.
• அருகில் ஏற்படும் பூகம்பங்களுக்கான எச்சரிக்கைகளை நீங்கள் பெற முடியாது. பூகம்ப எச்சரிக்கைகள் குறித்து அறிக.
• உங்கள் நேர மண்டலத்தைத் தீர்மானிக்க, உங்கள் மொபைலால் இருப்பிடத்தைப் பயன்படுத்த முடியாது. நேர மண்டலத்திற்கான இருப்பிடம் குறித்து அறிக.
• 'இதுவரை சென்ற இடங்கள்' அம்சம் இயக்கப்பட்டிருந்தாலும், நீங்கள் மொபைலைக் கொண்டுசெல்லும் இடங்கள் சேமிக்கப்படாது. 'இதுவரை சென்ற இடங்கள்' அம்சம் குறித்து அறிக.

மிகத் துல்லியமாக இருப்பிடத்தைக் கண்டறிய உங்கள் மொபைலுக்கு உதவுதல் (Google இருப்பிடச் சேவைகள் என்கிற Google இருப்பிடத் துல்லியம்)

உங்கள் மொபைலின் இருப்பிடத் துல்லியத்தை இயக்குதல்/முடக்குதல்

Android 12 மற்றும் அதற்குப் பிந்தைய பதிப்புகள்

1. திரையின் மேலிருந்து கீழ்நோக்கி ஸ்வைப் செய்யவும்.
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறியவில்லை எனில்:
     1. திருத்து அல்லது அமைப்புகள் என்பதைத் தட்டவும்.
     2. இருப்பிடம் என்பதை உங்கள் விரைவு அமைப்புகள் மெனுவிற்கு இழுக்கவும்.
3. இருப்பிடச் சேவைகள் Google இருப்பிடத் துல்லியம் என்பதைத் தட்டவும்.
4. இருப்பிடத் துல்லியத்தை மேம்படுத்து என்பதை இயக்கவும்/முடக்கவும்.

Android 11 மற்றும் அதற்கு முந்தைய பதிப்புகளில்

1. திரையின் மேலிருந்து கீழ்நோக்கி ஸ்வைப் செய்யவும். 
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறிய முடியவில்லையெனில்:
     1. திருத்து அல்லது அமைப்புகள் என்பதைத் தட்டவும்.
     2. விரைவு அமைப்புகள் மெனுவிற்கு இருப்பிடத்தை இழுக்கவும்.
3. மேம்பட்டவை Google இருப்பிடத் துல்லியம் என்பதைத் தட்டவும். 
4. இருப்பிடத் துல்லியத்தை மேம்படுத்துதல் அம்சத்தை இயக்கவும்/முடக்கவும்.

Google இருப்பிடத் துல்லியம் இயக்கத்தில் இருக்கும்போது

Google இருப்பிடத் துல்லியம் இயக்கப்பட்டிருக்கும்போது, மிகத் துல்லியமான இருப்பிடத்தைக் கண்டறிய உங்கள் மொபைல் இந்தத் தொழில்நுட்பங்களைப் பயன்படுத்தும்:

• GPS
• வைஃபை
• மொபைல் நெட்வொர்க்குகள்
• சென்சார்கள் (ஆக்சலரோமீட்டர் போன்றவை)

Google அவ்வப்போது இருப்பிடத் தரவை சேகரிக்கக்கூடும். மேலும், இருப்பிடத் துல்லியத்தையும் இருப்பிடம் சார்ந்த சேவைகளையும் மேம்படுத்த இந்தத் தரவை அடையாளம் நீக்கிப் பயன்படுத்தும்.

Google இருப்பிடத் துல்லியம் முடக்கத்தில் இருக்கும்போது

நீங்கள் Google இருப்பிடத் துல்லியத்தை முடக்கினால் GPS மற்றும் சென்சார்களை (ஆக்சலரோமீட்டர் போன்றவை) பயன்படுத்தி உங்கள் மொபைல் இருப்பிடத்தைத் தீர்மானிக்கும். இருப்பிடத்தைக் கண்டறிவதற்கான மற்ற தொழில்நுட்பங்களைக் காட்டிலும் GPS மெதுவாகவும் குறைவான துல்லியத்தன்மை கொண்டதாகவும் இருக்கும்.

Google இருப்பிடத் துல்லியம் முடக்கத்தில் இருக்கும்போது GPS, வைஃபை, நெட்வொர்க், சென்சார் தரவு ஆகியவற்றை அது பயன்படுத்தாது/சேகரிக்காது.

Android 12 மற்றும் அதற்குப் பிந்தைய பதிப்புகளில் துல்லியமான இருப்பிடத்தை அணுகுவதற்கு ஒவ்வொரு ஆப்ஸின் அனுமதியையும் நீங்கள் நிர்வகிக்கலாம். இது Google இருப்பிடத் துல்லியம் (உங்கள் சாதனத்திற்கான இருப்பிட அமைப்பு) போன்றதல்ல. அந்த அமைப்பு மூலம் உங்கள் மொபைலால் பல தொழில்நுட்பங்களைப் பயன்படுத்தி மிகத் துல்லியமான இருப்பிடத்தைக் கண்டறிய முடியும்.  Google இருப்பிடத் துல்லியம் இயக்கப்பட்டிருக்கும்போது கூட, ஆப்ஸுக்கு உங்கள் சாதனத்தின் துல்லியமான இருப்பிடத்திற்கான அணுகலை நீங்கள் வழங்க விரும்பவில்லை எனில் தோராய இருப்பிடத்திற்கான அனுமதியை மட்டும் வழங்கலாம்.  Google இருப்பிடத் துல்லியத்தை முடக்கினால் ஆப்ஸால் உங்கள் சாதனத்தின் துல்லியமான இருப்பிடத்தைக் கண்டறிய முடியாமல் போகலாம். ஆப்ஸின் இருப்பிட அனுமதிகளை எப்படி நிர்வகிப்பது என்பதை அறிக.

வைஃபை & புளூடூத் ஸ்கேனிங்கை அமைத்தல்

ஆப்ஸ் துல்லியமாக இருப்பிடத் தகவல்களைப் பெறுவதற்கு உதவ, அருகிலுள்ள வைஃபை ஆக்சஸ் பாயின்ட்டுகள் அல்லது புளூடூத் சாதனங்களை உங்கள் மொபைல் ஸ்கேன் செய்வதற்கு நீங்கள் அனுமதிக்கலாம்.

Android 12 மற்றும் அதற்குப் பிந்தைய பதிப்புகள்

1. திரையின் மேலிருந்து கீழ்நோக்கி ஸ்வைப் செய்யவும்.
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறியவில்லை எனில்:
     1. திருத்து அல்லது அமைப்புகள் என்பதைத் தட்டவும்.
     2. இருப்பிடம் என்பதை உங்கள் விரைவு அமைப்புகள் மெனுவிற்கு இழுக்கவும்.
3. இருப்பிடச் சேவைகள் என்பதைத் தட்டவும்.
4. வைஃபை ஸ்கேனிங் மற்றும் புளூடூத் ஸ்கேனிங்கை இயக்கவும்/முடக்கவும்.

Android 11 மற்றும் அதற்கு முந்தைய பதிப்புகள்

1. திரையின் மேலிருந்து கீழ்நோக்கி ஸ்வைப் செய்யவும். 
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறியவில்லை எனில்:
     1. திருத்து  அல்லது அமைப்புகள் என்பதைத் தட்டவும். 
     2. இருப்பிடம்  என்பதை உங்கள் விரைவு அமைப்புகள் மெனுவிற்கு இழுக்கவும்.
3. வைஃபை ஸ்கேனிங் மற்றும் புளூடூத் ஸ்கேனிங் என்பதைத் தட்டவும். 
4. வைஃபை ஸ்கேனிங் மற்றும் புளூடூத் ஸ்கேனிங்கை இயக்கவும்/முடக்கவும்.

அவசரச் சூழல்களில் உங்கள் இருப்பிடத் தகவலை அனுப்புதல்

பதிலளிப்பவர்கள் உங்களை விரைவாகக் கண்டறிய, நீங்கள் அவசர உதவி எண்ணை அழைக்கும்போதோ அதற்கு மெசேஜ் அனுப்பும்போதோ (உதாரணமாக, அமெரிக்காவில் 911 என்ற எண்ணையோ ஐரோப்பாவில் 112 என்ற எண்ணையோ அழைத்தல்) உங்கள் மொபைலின் இருப்பிடம் அவர்களுடன் பகிரப்படலாம்.

உங்கள் நாடு/பிராந்தியத்தில் உள்ள மொபைல் நெட்வொர்க்கில் Android அவசரச் சூழ்நிலைக்கான இருப்பிடச் சேவை (ELS - Emergency Location Service) வேலை செய்யும் பட்சத்தில் ELSஸை நீங்கள் முடக்காமல் இருந்தால் மீட்புப் பணியாளர்களுக்கு ELS மூலம் அதன் இருப்பிடத்தை உங்கள் மொபைல் தானாகவே அனுப்பும். ELS முடக்கப்பட்டிருந்தாலும், அவசர உதவி எண்ணை அழைக்கும்போதோ அதற்கு மெசேஜ் அனுப்பும்போதோ சாதனத்தின் இருப்பிடத்தை உங்கள் மொபைல் நிறுவனம் அனுப்பக்கூடும்.

Androidன் அவசரச் சூழ்நிலைக்கான இருப்பிடச் சேவையை இயக்குதல் அல்லது முடக்குதல்

அவசர சூழ்நிலைக்கான இருப்பிடச் சேவையை நீங்கள் எப்போது வேண்டுமானாலும் இயக்கலாம்/முடக்கலாம். பெரும்பாலான சாதனங்களில் Google Play சேவைகள் உதவியுடன் அவசர சூழ்நிலைக்கான இருப்பிடச் சேவை கிடைக்கிறது

Android 12 மற்றும் அதற்குப் பிந்தைய பதிப்புகளில்

1. உங்கள் சாதனத்தின் அமைப்புகள் ஆப்ஸைத் திறக்க, திரையின் மேலிருந்து கீழ்நோக்கி இருமுறை ஸ்வைப் செய்யவும்.
2. அமைப்புகள்   பாதுகாப்பு & அவசர அழைப்பு என்பதைத் தட்டவும்.
3. அவசரச் சூழ்நிலைக்கான இருப்பிடச் சேவை அம்சத்தை இயக்கவும்/முடக்கவும்.

Android 11 மற்றும் அதற்கு முந்தைய பதிப்புகள்

1. திரையின் மேலிருந்து கீழ்நோக்கி ஸ்வைப் செய்யவும்.
2. இருப்பிடம் என்பதைத் தொட்டுப் பிடித்திருக்கவும்.
   • இருப்பிடம் என்பதைக் கண்டறியவில்லை எனில்:
     1. திருத்து அல்லது அமைப்புகள் என்பதைத் தட்டவும்.
     2. இருப்பிடம் என்பதை உங்கள் விரைவு அமைப்புகள் மெனுவிற்கு இழுக்கவும்.
3. மேம்பட்டது அவசரச் சூழ்நிலைக்கான இருப்பிடச் சேவை என்பதைத் தட்டவும்.
4. அவசரச் சூழ்நிலைக்கான இருப்பிடச் சேவையை இயக்கவும் அல்லது முடக்கவும்.

 

உதவிக்குறிப்பு: அவசரகாலத்தில் உதவி பெறுவது எப்படியென அறிக.

அவசரச் சூழ்நிலைக்கான இருப்பிடச் சேவை எப்படிச் செயல்படுகிறது?

உள்ளூர் அவசர உதவி எண்ணை அழைக்கும்போதோ அதற்கு மெசேஜ் அனுப்பும்போதோ மட்டுமே ELS அம்சம் வேலை செய்யும்.

அவசர அழைப்பின்போது, சாதனத்தின் துல்லியமான இருப்பிடத்தைப் பெறுவதற்காக Google இருப்பிடத் துல்லியத்தையும் பிற தகவல்களையும் ELS அம்சம் பயன்படுத்தக்கூடும். உங்கள் சாதனத்தின் Wi-Fi அமைப்பு முடக்கப்பட்டிருந்தால், அதை ELS அம்சம் இயக்கக்கூடும்.

அவசரகாலச் சேவைகள் உங்களைக் கண்டறிய உதவும் நோக்கத்திற்காக, உங்கள் மொபைல் அதன் இருப்பிடத்தை அங்கீகரிக்கப்பட்ட அவசரகாலக் கூட்டாளர்களுக்கு அனுப்பும். உங்கள் இருப்பிடம் உங்கள் மொபைலில் இருந்தே நேரடியாக அவசரகாலக் கூட்டாளர்களுக்கு அனுப்பப்படும்.

ELS அம்சம் செயல்பாட்டில் இருந்தபோது மேற்கொள்ளப்பட்ட அவசர அழைப்பு/மெசேஜ் நிறைவைடைந்த பிறகு, ELS அம்சம் எவ்வளவு சிறப்பாகச் செயல்படுகிறது என்பதைப் பகுப்பாய்வு செய்யும் நோக்கத்திற்காக அடையாளம் நீக்கப்பட்ட பயன்பாடு மற்றும் பகுப்பாய்வுத் தரவை உங்கள் மொபைல் Googleளுக்கு அனுப்பக்கூடும். உங்கள் அடையாளமும் அங்கீகரிக்கப்பட்ட அவசரகாலக் கூட்டாளர்களுக்கு அனுப்பப்படும் இருப்பிடமும் இந்தத் தகவல்களில் இருக்காது.

உதவிக்குறிப்பு: அங்கீகரிக்கப்பட்ட அவசரகாலச் சேவைக் கூட்டாளர்களுக்கு ELS உங்கள் இருப்பிடத்தை அனுப்புவதும் நீங்கள் Google Maps மூலம் உங்கள் இருப்பிடத்தைப் பகிர்வதும் ஒன்றல்ல. Google Maps மூலம் இருப்பிடத்தைப் பகிர்வது குறித்து அறிக.

Androidன் பழைய பதிப்பைப் பயன்படுத்துகிறீர்கள் எனில்

இருப்பிட அமைப்புகளைத் தேர்வுசெய்தல் (Android 9.0)

இருப்பிட அமைப்புகளை மாற்ற: 

1. உங்கள் சாதனத்தின் அமைப்புகள் ஆப்ஸைத் திறக்கவும்.
2. பாதுகாப்பு & இருப்பிடம்  இருப்பிடம் என்பதைத் தட்டவும்.
   • உங்களிடம் பணிக் கணக்கு இருந்தால் மேம்பட்டவை என்பதைத் தட்டவும்.

அதன் பிறகு இவற்றில் ஒன்றைத் தேர்வுசெய்யவும்:

• இருப்பிடத்தை இயக்குதல்/முடக்குதல்: இருப்பிடம் என்பதைத் தட்டவும்.
• அருகிலுள்ள நெட்வொர்க்குகளை ஸ்கேன் செய்தல்: மேம்பட்டவை ஸ்கேனிங் என்பதைத் தட்டவும். வைஃபை ஸ்கேனிங் அல்லது புளூடூத் ஸ்கேனிங்கை இயக்கவும்/முடக்கவும்.
• அவசரச் சூழ்நிலைக்கான இருப்பிடச் சேவை இயக்குதல்/முடக்குதல்: மேம்பட்டவை Google அவசரச் சூழ்நிலைக்கான இருப்பிடச் சேவை என்பதைத் தட்டவும். அவசரச் சூழ்நிலைக்கான இருப்பிடச் சேவையை இயக்கவும்/முடக்கவும். 

இருப்பிடப் பயன்முறையைத் தேர்வுசெய்தல் (Android 4.4—8.1 பதிப்புகள்)

1. உங்கள் மொபைலின் அமைப்புகள் ஆப்ஸைத் திறக்கவும்.
2. பாதுகாப்பு & இருப்பிடம் இருப்பிடம் என்பதைத் தட்டவும்.
   • "பாதுகாப்பு & இருப்பிடம்" என்பதைக் கண்டறியவில்லை எனில் இருப்பிடம் என்பதைத் தட்டவும்.
3. பயன்முறை என்பதைத் தட்டவும்.
4. இவற்றில் ஒரு பயன்முறையைத் தேர்வுசெய்யவும்:
   • அதிகத் துல்லியம்: மிகத் துல்லியமான இருப்பிடத்தைப் பெற GPS, வைஃபை, மொபைல் நெட்வொர்க்குகள், சென்சார்கள் ஆகியவற்றைப் பயன்படுத்தும். உங்கள் மொபைலின் இருப்பிடத்தை விரைவாகவும் மிகத் துல்லியமாகவும் கணிக்க உதவுவதற்கு Google இருப்பிடச் சேவைகளைப் பயன்படுத்தும்.
   • பேட்டரி சேமிப்பு: குறைந்த அளவில் பேட்டரியை உபயோகிக்கும் தொழில்நுட்பங்களையே (வைஃபை, மொபைல் நெட்வொர்க் போன்றவை) பயன்படுத்தும். உங்கள் மொபைலின் இருப்பிடத்தை விரைவாகவும் மிகத் துல்லியமாகவும் கணிக்க உதவுவதற்கு Google இருப்பிடச் சேவைகளைப் பயன்படுத்தும்.
   • சாதனம் மட்டும்: GPS மற்றும் சென்சார்களைப் பயன்படுத்தும். Google இருப்பிடச் சேவைகளைப் பயன்படுத்தி இருப்பிடத்தின் துல்லியத்தை மேம்படுத்தாது. இது உங்கள் மொபைலின் இருப்பிடத்தை மிகவும் மெதுவாகக் கணிக்கக்கூடும், அதிக அளவில் பேட்டரியைப் பயன்படுத்தக்கூடும்.

இருப்பிட அணுகலைத் தேர்வுசெய்தல் (Android 4.1—4.3 பதிப்புகள்)

உங்கள் மொபைல் எந்தெந்த இருப்பிடத் தகவல்களைப் பயன்படுத்தலாம் என்பதை நீங்கள் கட்டுப்படுத்தலாம்.

1. உங்கள் மொபைலின் அமைப்புகள் ஆப்ஸைத் திறக்கவும்.
2. "தனிப்பட்டது" என்பதற்குக் கீழுள்ள இருப்பிட அணுகல் என்பதைத் தட்டவும்.
3. திரையின் மேல்பகுதியில், எனது இருப்பிடத்திற்கான அணுகல் என்பதை இயக்கவும்/முடக்கவும்.
   • இருப்பிட அணுகல் இயக்கத்திலுள்ளபோது, இவற்றில் ஒன்று அல்லது இரண்டையும் தேர்ந்தெடுக்கவும்:
     • GPS சாட்டிலைட்டுகள்: சாட்டிலைட் சிக்னல்கள் மூலம் உங்கள் மொபைல் அதன் இருப்பிடத்தைக் கணிப்பதற்கு உதவும் (காரில் உள்ள GPS சாதனம் போல்).
     • வைஃபை & மொபைல் நெட்வொர்க் இருப்பிடம்: Google இருப்பிடச் சேவைகளைப் பயன்படுத்தி (GPSஸின் துணையுடனோ துணையின்றியோ) உங்கள் மொபைல் அதன் இருப்பிடத்தை விரைவாகக் கணிப்பதற்கு உதவும்.
   • இருப்பிட அணுகல் முடக்கத்திலுள்ளபோது:
     உங்கள் மொபைல் அதன் துல்லியமான இருப்பிடத்தைக் கண்டறியவோ அதை வேறு ஆப்ஸுடன் பகிரவோ முடியாது.

உதவிக்குறிப்பு: உங்கள் டேப்லெட்டை ஒன்றுக்கும் மேற்பட்ட நபர்கள் பயன்படுத்தினால் நீங்கள் ஒவ்வொருவரும் வெவ்வேறு இருப்பிட அணுகல் அமைப்புகளை அமைத்துக் கொள்ளலாம்.