Ang Inactive Account Manager ay isang paraan para makapagbahagi ang mga user ng mga bahagi ng data ng kanilang account o para maabisuhan nila ang isang tao kung hindi sila naging aktibo sa loob ng partikular na yugto ng panahon. Para i-set up ito, pumunta sa iyong page ng Inactive Account Manager at i-click ang Magsimula.
Paano namin natutukoy ang aktibidad?
Marami kaming tinitingnang signal para maunawaan kung ginagamit mo pa rin ang iyong Google Account. Kabilang dito ang iyong mga huling pag-sign in, ang iyong kamakailang aktibidad sa Aking Aktibidad, paggamit ng Gmail (hal., ang Gmail app sa iyong telepono) at mga pag-check in sa Android.
Ano ang mangyayari kapag na-delete ang iyong account?
Kapag na-delete ang iyong Google Account, maaapektuhan ang lahat ng produktong nauugnay sa account na iyon (hal., Blogger, AdSense, Gmail), at makakaapekto ito sa bawat produkto sa iba't ibang paraan. Maaari mong suriin ang data na nauugnay sa iyong account sa Google Dashboard. Kung ginagamit mo ang Gmail sa iyong account, hindi mo na maa-access ang email na iyon. Hindi mo na rin magagamit pang muli ang iyong username sa Gmail.
Bakit ko kailangang magbigay ng numero ng telepono para sa isang pinagkakatiwalaang contact?
Gagamitin namin ang numero ng telepono tangi lang para siguraduhing ang pinagkakatiwalaang contact lang ang talagang makakapag-download ng iyong data. Ang pag-verify sa pagkakakilanlan gamit ang numero ng mobile phone ay pumipigil sa pag-access ng data ng mga hindi pinapahintulutang tao na maaaring makakuha ng email na ipapadala namin sa iyong pinagkakatiwalaang contact.
Ano ang matatanggap ng mga pinagkakatiwalaang contact?
Makakatanggap lang ng notification ang mga contact sa sandaling hindi na aktibo ang iyong account para sa tinukoy na tagal ng panahon -- hindi sila makakatanggap ng anumang notification sa panahon ng pag-setup. Kung pinili mong ipaalam lang sa mga contact ang tungkol sa iyong hindi na aktibong account, makakatanggap sila ng email na may linya ng paksa at content na isinulat mo sa panahon ng pag-setup. Magdaragdag kami ng footer sa email na iyon, na nagpapaliwanag na inatasan mo ang Google na magpadala ng email sa ngalan mo pagkatapos mong ihinto ang paggamit sa iyong account. Maaaring ganito ang isasaad sa footer na ito:
Inatasan ni Juan Dela Cruz (juan.delacruz@gmail.com) ang Google na awtomatikong ipadala sa iyo ang mail na ito pagkatapos itigil ni Juan ang paggamit sa kanyang account.
Taos-puso,
Ang Google Accounts Team
Kung pinili mong magbahagi ng data sa iyong pinagkakatiwalaang contact, maglalaman ang email ng karagdagang listahan ng data na pinili mong ibahagi sa kanila at isang link na masusundan nila para ma-download ang data. Maaaring maging halimbawa ng ganoong mensahe ang sumusunod:
Inatasan ni Juan Dela Cruz (juan.delacruz@gmail.com) ang Google na awtomatikong ipadala sa iyo ang mail na ito pagkatapos itigil ni Juan ang paggamit sa kanyang account.
Binigyan ka ni Juan Dela Cruz ng access sa sumusunod na data ng account:
- Blogger
- Drive
- YouTube
I-download dito ang data ni Juan.
Taos-puso,
Ang Google Accounts Team
