Kung nakatanggap ka ng email na tulong sa password na hindi mo hiniling, malamang na may isa pang gumagamit na nagpasok ng iyong email address nang hindi sinasadya. Kung hindi mo pinasimulan ang kahilingan, huwag mag-alala - secure ang iyong Google Account, at hindi mo kailangang gumawa nang anumang karagdagang pagkilos. Hindi makokompromiso ng email na ito ang iyong privacy at seguridad.
Paalala: kung natanggap mo ang link ng pag-reset ng password sa ibang wika, posibleng ang gumagamit na hindi sinasadyang nagpasok ng iyong email address ay na-access ang pahina sa pag-reset ng password sa partikular na wikang iyon.