Kung bina-browse mo ang mga setting ng iyong Google Account, posibleng makita mong iba ang ilang opsyon para sa iyo sa isang na-convert na account sa trabaho, paaralan, o iba pang grupo, kumpara sa karaniwang Google Account. Ipinaliwanag namin ang mga pagkakaiba sa mga setting sa ibaba.
Mga Opsyon sa Pag-recover ng Password
Hindi ka makakapagtakda ng mga opsyon sa pag-recover para sa iyong account sa page na ito dahil pinaghigpitan ng administrator ng domain mo ang mga pagbabago sa password. Karaniwan itong nangyayari kapag pinapamahalaan ng iyong trabaho, paaralan, o iba pang grupo ang mga Google Workspace account. Kung gusto mong i-recover ang iyong password, makipag-ugnayan sa administrator mo.
Mga Email Address
Wala kang opsyon na i-edit ang iyong mga email address sa account mo sa trabaho, paaralan, o iba pang grupo. Ito ay dahil pinapamahalaan ng isang administrator ang iyong email address, kaya kakailanganin mong makipag-ugnayan sa administrator mo kung gusto mong baguhin ang iyong address na padadalhan.
Posible ka ring makakita ng email na nakalista sa ilalim ng Mga Email Address sa anyo na username@my-domain.com.test-google-a.com sa ibaba ng iyong email address sa account sa trabaho, paaralan, o iba pang organisasyon. Kumakatawan ito sa pansamantalang email address, at hindi mo kailangang mag-alala tungkol dito.
