Kapag gumawa ka ng Google Account, hihingi kami ng ilang personal na impormasyon. Nakakatulong ang impormasyong ito na panatilihing ligtas ang iyong account at gawing mas kapaki-pakinabang ang aming mga serbisyo.
Para matuto pa tungkol sa paggamit namin sa impormasyong ito, basahin ang Patakaran sa Privacy ng Google.
Ang hinihiling namin at kung bakit
Pangalan
Ilagay ang pangalang gusto mong gamitin sa mga serbisyo ng Google. Kapag nagbahagi ka ng content sa iba, gaya ng dokumento o larawan, ipapakita ang iyong pangalan kasama nito.
Username
Maglagay ng username na gagamitin mo upang mag-sign in sa iyong Google Account, gaya ng myname@gmail.com.
- Gagawa ka ng Gmail address o gagamit ka ng dati mo nang email address na hindi Gmail.
- Maaari kang gumamit ng mga titik, numero, at tuldok.
- Hindi case-sensitive ang iyong username. Hindi mo kailangang tandaan kung ano ang malalaki o maliliit na titik.
Password
Upang makatulong na panatilihing ligtas ang iyong account, pumili ng malakas na password na hindi iikli sa 8 character.
- Gumamit ng kumbinasyon ng mga titik, numero, at simbolo.
- Iwasang gumamit ng personal na impormasyon o mga karaniwang salitang madaling hulaan, gaya ng pangalan ng iyong kalye o alagang hayop.
- Huwag gumamit ng password na nagamit mo na para sa ibang account o website. Huwag ding gamitin ang password na ito sa ibang lugar.
Matuto pa tungkol sa mga kinakailangan para sa malakas na password.
Kaarawan
Ilagay ang petsa ng iyong kapanganakan. May mga kinakailangan sa edad ang ilang serbisyo ng Google. Matuto pa tungkol sa mga requirement sa edad.
Bukod pa sa pagtiyak na nasa hustong gulang ka na para magamit ang ilang partikular na serbisyo at feature, ginagamit ng Google ang iyong kaarawan para:
- Tukuyin ang pangkat ng edad mo para makapag-alok sa iyo ng mas naka-personalize na experience, kasama na ang mga naka-personalize na rekomendasyon at ad. Puwede mong i-off ang mga naka-personalize na ad.
- Malaman kung kailan maglalagay ng temang pangkaarawan sa page ng Google Search.
- Seguridad at pag-personalize ng account sa lahat ng serbisyo ng Google.
Matuto pa tungkol sa kung paano ginagamit ng Google ang iyong kaarawan..
Hindi makikita ng iba ang iyong edad maliban na lang kung ise-share mo ang iyong kaarawan sa publiko o sa mga partikular na tao.
Kasarian
Piliin ang iyong kasarian o huwag itong sabihin. Matuto pa tungkol sa kung paano ginagamit ng Google ang iyong kasarian.
Hindi makikita ng iba ang iyong kasarian maliban na lang kung ibabahagi mo ito sa publiko o sa mga partikular na tao.
Numero ng telepono
Kung mayroon kang mobile phone, opsyonal lang ang impormasyong ito ngunit lubos itong inirerekomenda. Depende sa kung paano ka magdaragdag ng numero ng telepono sa iyong account, maaaring gamitin ang numero mo sa iba't ibang serbisyo ng Google. Halimbawa, kung makalimutan mo ang iyong password, posibleng makapasok ka ulit sa account mo sa tulong ng iyong numero ng telepono sa pag-recover.
Matuto pa tungkol sa kung paano ginagamit ang mga numero ng telepono.
Kasalukuyang email address
Kung mayroon ka nang email address, inirerekomenda naming idagdag mo ito. Puwede mong gamitin ang email address na ito para:
- Matulungang panatilihing secure ang iyong account
- Matulungan kang makapasok ulit kung hindi ka makapag-sign in, halimbawa, kung nalimutan mo ang iyong password.
- Makakuha ng mga notification mula sa mga serbisyo ng Google.
Baguhin ang impormasyong ito sa ibang pagkakataon
Pagkagawa mo ng Google Account, maaari mong baguhin ang ilan sa impormasyong ito at kontrolin kung sino ang nakakakita nito. Alamin kung paano:
