Kung magdaragdag ka ng bagong paraan ng pag-sign in sa iyong Google Account, posibleng may maikling panahon ng paghihintay bago mo ito magamit. Para makatulong na panatilihing secure ang iyong Google Account, sinusubaybayan ng Google ang mga paraan ng pag-sign in para sa kahina-hinalang aktibidad. Kung pinaghihinalaan namin na may naidagdag na paraan ng pag-sign in nang walang pahintulot mo, paghihigpitan namin ang paggamit nito at mamarkahan namin itong paraang nasa panganib sa iyong account. Puwede mong pamahalaan ang iyong mga paraan ng pag-sign in sa mga setting ng seguridad ng Google Account mo.
Pamahalaan ang mga potensyal na nakompromisong paraan ng pag-sign in
Kung may made-detect ang Google na kahina-hinalang paraan ng pag-sign in sa iyong account, paghihigpitan ang paggamit nito at makakatanggap ka ng alertong panseguridad sa pamamagitan ng email. Kung wala kang gagawin para i-verify ang paraang nasa panganib, awtomatiko itong aalisin ng Google pagkalipas ng 30 araw. Makakatanggap ka ng notification sa email bago alisin ang paraang nasa panganib.
Suriin ang mga paraan ng pag-sign in na nasa panganib
Para suriin at pamahalaan ang anumang paraan ng pag-sign in na na-flag bilang nasa panganib:
- Pumunta sa myaccount.google.com/security.
- Piliin ang Kamakailang aktibidad sa seguridad.
- Piliin ang na-flag na paraan ng pag-sign in para suriin ang mga detalye.
- Kung nakikilala mo ang paraan ng pag-sign in na ito at ikaw mismo ang nagdagdag nito: Piliin ang I-enable ulit at sundin ang mga hakbang sa screen para magsagawa ng karagdagang pagsusuri sa seguridad. Pinipigilan nito ang pag-aalis ng paraan at nire-reactivate ito para magamit.
- Dapat mayroon kang pinagkakatiwalaang passkey o security key para ma-enable ulit ang isang paraan ng pag-sign in na nasa panganib.
- Kung wala kang pinagkakatiwalaang passkey o security key, inirerekomenda naming magdagdag ka ng passkey o pisikal na security key sa iyong account. Kapag pinagkakatiwalaan na ito, puwede mong i-enable ulit ang paraan ng pag-sign in na nasa panganib.
- Kung hindi mo nakikilala ang paraan ng pag-sign in na ito: Piliin ang Alisin para i-delete ito sa iyong account. Lubos naming inirerekomendang palitan mo agad ang iyong password at suriin ang mga setting ng seguridad mo para sa kahina-hinalang aktibidad.
- Kung nakikilala mo ang paraan ng pag-sign in na ito at ikaw mismo ang nagdagdag nito: Piliin ang I-enable ulit at sundin ang mga hakbang sa screen para magsagawa ng karagdagang pagsusuri sa seguridad. Pinipigilan nito ang pag-aalis ng paraan at nire-reactivate ito para magamit.
Pabilisin ang pag-activate ng bagong paraan ng pag-sign in
Kung gumawa ka kamakailan ng mga pagbabago sa mga factor sa pag-authenticate o pag-recover ng iyong account, posibleng abutin nang hanggang 7 araw bago magkabisa ang mga pagbabagong iyon. Kung may susubok na gumamit ng account mo nang walang pahintulot mo, nagbibigay-daan ito sa iyo na mabilis na i-secure ang account mo.
Kung mayroon ka nang pinagkakatiwalaang passkey o security key, posibleng mapabilis mo ang proseso para mapagkatiwalaan ng Google ang isang bagong factor sa pag-authenticate o pag-recover. Ang mga passkey at security key ay mga napaka-secure na paraan ng pag-authenticate, at napakahirap i-hack.
Para pabilisin ang prosesong ito:
- Pumunta sa myaccount.google.com/security.
- Piliin ang paraan ng pag-authenticate o pag-recover na sinusubukan mong pabilisin.
- Ang mga paraan lang na puwede mong pabilisin ay mga passkey, pisikal na security key, numero ng telepono para sa 2-Step na Pag-verify, numero ng telepono sa pag-recover, at Google Authenticator.
- Piliin ang Aprubahan.
- Kung hindi mo nakikita ang opsyon para mag-apruba, wala kang pinagkakatiwalaang passkey o security key.
- Sundin ang mga hakbang sa screen para mag-authenticate gamit ang iyong pinagkakatiwalaang passkey o security key.
Bakit mo kailangan ng pinagkakatiwalaang passkey o security key para ma-verify ang mahahalagang pagbabago sa account
Kailangan ng Google ng karagdagang pagsusuri sa seguridad para sa mahahalagang pagbabago sa account tulad ng pag-enable ulit ng mga pinaghihigpitang paraan ng pag-sign in o pagpapabilis ng pag-activate ng bagong paraan. Mahalaga ang hakbang na ito para makatulong na i-verify ang iyong pagkakakilanlan at mapigilan ang hindi awtorisadong pag-access sa account mo.
Para sa mga napakasensitibong aksyong ito, kailangan mong gumamit ng napaka-secure at pinagkakatiwalaan nang paraan ng pag-sign in. Kabilang sa mga ito ang:
- Isang pinagkakatiwalaang passkey na naka-store sa iyong device o isang hardware na security key.
- Isang pinagkakatiwalaang pisikal na security key.
Nagbibigay ang mga passkey at pisikal na security key ng mas mataas na level ng seguridad kaysa sa ibang paraan dahil idinisenyo ang mga ito na maging "hindi phishable." Umaasa ang mga ito sa cryptographic na patunay at pisikal na interaction. Ginagawa nitong napakahirap para sa mga attacker na i-intercept o linlangin ka para ibunyag ang iyong mga kredensyal, kahit na alam nila ang password mo.
