మీ Google ఖాతాకు సైన్ ఇన్ చేసినప్పటికీ, Googleతో సైన్ ఇన్ ఫీచర్ను ఉపయోగించలేకపోయినా లేదా మీ Google ఖాతా డేటాకు థర్డ్-పార్టీకి కొంత యాక్సెస్ను మంజూరు చేయలేకపోయినా, మీరు ఎర్రర్ కోడ్ను, మెసేజ్ను పొందవచ్చు.
ఎర్రర్ మెసేజ్ను కలిగించే కొన్ని సమస్యలు Google కంట్రోల్కు వెలుపల ఉండవచ్చు. ఉదాహరణకు, మీరు ఉపయోగించాలనుకుంటున్న యాప్ లేదా సర్వీస్ Google అనుమతించని అసురక్షిత మార్గంలో సెటప్ చేసి ఉండవచ్చు.
మీరు ఎందుకు సైన్ ఇన్ చేయలేకపోతున్నారో లేదా మీ డేటాకు యాక్సెస్ను మంజూరు చేయలేకపోతున్నారో అర్థం చేసుకోవడానికి ఎర్రర్ కోడ్లు మీకు సహాయపడతాయి. తద్వారా మీరు సమస్యను పరిష్కరించవచ్చు లేదా పరిష్కారం కోసం నేరుగా డెవలపర్ను సంప్రదించవచ్చు.
థర్డ్-పార్టీ కనెక్షన్లతో ఉన్న ఖాతా సంబంధిత సమస్యలను పరిష్కరించడం ఎలాగో తెలుసుకోండి.
400 access_ not _configuredమీకు “400 access_not_configured” అనే ఎర్రర్ వస్తే, యాప్ను లేదా సర్వీస్ను Workspace for Education అడ్మినిస్ట్రేటర్ సరిగ్గా కాన్ఫిగర్ చేయలేదని అర్థం.
ఈ ఎర్రర్ విషయంలో మీరు ఏం చేయగలరు?
ఇది మీరు ఉపయోగించగల యాప్ లేదా సర్వీస్ అయితే, యాప్ కోసం యాక్సెస్ను కాన్ఫిగర్ చేయడానికి Workspace అడ్మినిస్ట్రేటర్ను సంప్రదించండి.
మీకు “400 admin_policy_enforced” ఎర్రర్ వస్తే, మీ ఖాతా అడ్మినిస్ట్రేటర్ 'Googleతో సైన్ ఇన్' ఫీచర్ను ఉపయోగించడానికి మిమ్మల్ని అనుమతించడం లేదని అర్థం. అలాగే, మీ సంస్థకు సంబంధించిన నిర్దిష్ట డేటాను యాప్తో లేదా సర్వీస్తో మీరు షేర్ చేయలేరు.
మీరు వర్క్ ప్లేస్ లేదా మరొక సంస్థ నుండి ఖాతాను ఉపయోగించినప్పుడు ఇలా జరగవచ్చు. కొన్నిసార్లు నిర్దిష్ట యాప్లు లేదా సర్వీస్లు మాత్రమే బ్లాక్ అవుతాయి.
ఈ ఎర్రర్ విషయంలో మీరు ఏం చేయగలరు?
మీకు యాప్నకు లేదా సర్వీస్కు యాక్సెస్ ఉండాలని మీరు భావిస్తే, మీ సంస్థకు చెందిన Google Workspace అడ్మినిస్ట్రేటర్ను సంప్రదించండి.
మీకు “400 invalid_request” లేదా “యాక్సెస్ బ్లాక్ అయింది” అనే ఎర్రర్ వస్తే, యాప్ లేదా సర్వీస్ చెల్లని రిక్వెస్ట్ను పంపిందని అర్థం. యాప్ లేదా సర్వీస్ Google అనుమతించని ప్రామాణీకరణ పద్ధతిని ఉపయోగిస్తుంది.
మీరు సైన్ ఇన్ చేయడానికి, మీ Google ఖాతా డేటాను థర్డ్-పార్టీ యాప్లు, సర్వీస్లతో షేర్ చేయడానికి Google దగ్గర సురక్షితమైన మార్గాలు ఉన్నాయి. మీ ఖాతాను రక్షించడంలో సహాయపడేందుకు, మీ ఖాతాకు హాని కలిగించే యాప్లను, సర్వీస్లను Google బ్లాక్ చేస్తుంది.
చిట్కా: 'Googleతో సైన్ ఇన్' ఫీచర్ మీ డేటాను సురక్షితంగా ఎలా షేర్ చేస్తుందో తెలుసుకోండి.
ఈ ఎర్రర్ విషయంలో మీరు ఏం చేయగలరు?
థర్డ్-పార్టీ డెవలపర్ మాత్రమే ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
మీకు "400 invalid_scope" అనే ఎర్రర్ వస్తే, యాప్ లేదా సర్వీస్ మేము గుర్తించని అనుమతిని అడుగుతుంది లేదా వారు అడగడానికి అనుమతి లేదని అర్థం.
ఈ ఎర్రర్ విషయంలో మీరు ఏం చేయగలరు?
థర్డ్-పార్టీ డెవలపర్ మాత్రమే యాప్లో లేదా సర్వీస్లో ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
మీకు “400 invalid_user” ఎర్రర్ వస్తే, మీ ఖాతా ఇన్యాక్టివ్గా ఉందని అర్థం.
ఈ ఎర్రర్ విషయంలో మీరు ఏం చేయగలరు?
చెల్లుబాటు అయ్యే, యాక్టివ్గా ఉన్న వేరే Google ఖాతాను ఉపయోగించండి.
మీకు “400 origin_mismatch” లేదా “400 redirect_uri_mismatch” ఎర్రర్ వస్తే, దాని అర్థం వీటిలో ఒకటి అవుతుంది:
- యాప్ లేదా సర్వీస్ డెవలపర్ వారి యాప్ను సరిగ్గా సెటప్ చేయలేదు.
- యాప్ లేదా సర్వీస్ మా పాలసీలకు అనుగుణంగా లేని విధంగా మీ డేటాను యాక్సెస్ చేయడానికి ట్రై చేసింది.
మీ ఖాతాను రక్షించడంలో సహాయం చేయడానికి, థర్డ్-పార్టీలు 'Googleతో సైన్ ఇన్' ఫీచర్ను ఉపయోగించే ముందు, వారు తమ యాప్ను మాతో రిజిస్టర్ చేసుకోవడం అవసరం. వారు తప్పనిసరిగా మా సెక్యూరిటీ స్టాండర్డ్లు, పాలసీలను కూడా ఫాలో అవ్వాలి. యాప్ లేదా సర్వీస్ ఈ పాలసీలకు అనుగుణంగా లేకుంటే, యాప్ డెవలపర్ సమస్యను పరిష్కరించే వరకు 'Googleతో సైన్ ఇన్' ఫీచర్ను ఉపయోగించడానికి దానిని అనుమతించము.
ఈ ఎర్రర్ విషయంలో మీరు ఏం చేయగలరు?
థర్డ్-పార్టీ డెవలపర్ మాత్రమే ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
మీకు “400 policy_enforced” ఎర్రర్ వస్తే, మీ Google ఖాతా అడ్వాన్స్డ్ ప్రొటెక్షన్ ప్రోగ్రామ్లో భాగం కావచ్చు. మీ ఖాతాను రక్షించడంలో సహాయపడటానికి, ఈ సెక్యూరిటీ ఫీచర్ చాలా థర్డ్-పార్టీ యాప్లు లేదా సర్వీస్లను మీ Google ఖాతా డేటాను యాక్సెస్ చేయడానికి అనుమతించదు.
ఈ ఎర్రర్ విషయంలో మీరు ఏం చేయగలరు?
ఈ ఎర్రర్ను పరిష్కరించడానికి, మీరు తప్పనిసరిగా అడ్వాన్స్డ్ ప్రొటెక్షన్ ప్రోగ్రామ్ సమ్మతిని నిలిపివేయండి. మీరు ప్రోగ్రామ్ సెక్యూరిటీ ప్రయోజనాలను కోల్పోతారని దీని అర్థం.
మీకు “401”తో ప్రారంభమయ్యే ఎర్రర్ వస్తే, సాధారణంగా డెవలపర్ తమ యాప్ను Googleతో సరిగ్గా రిజిస్టర్ చేయలేదని అర్థం.
మీ ఖాతాను రక్షించడంలో సహాయపడేందుకు, థర్డ్-పార్టీ డెవలపర్ 'Googleతో సైన్ ఇన్' ఫీచర్ను ఉపయోగించడానికి లేదా మీ డేటాలో కొంత భాగాన్ని యాక్సెస్ చేసేందుకు రిక్వెస్ట్ చేయడానికి ముందు, వారి యాప్లను రిజిస్టర్ చేయమని Google వారిని అడుగుతుంది. డెవలపర్ మాతో రిజిస్టర్ చేసుకునే వరకు మీ సమాచారాన్ని వారితో షేర్ చేయము.
మీరు పొందే అవకాశం ఉన్న ఎర్రర్ మెసేజ్ల్లో కొన్ని:
- 401 invalid_client: యాప్ లేదా సర్వీస్ దాని రిజిస్ట్రేషన్ సమాచారంతో మ్యాచ్ కాలేదు లేదా డెవలపర్లు Googleకు అవసరమైన మొత్తం సమాచారాన్ని అందించలేదు.
- 401 deleted_client: యాప్ లేదా సర్వీస్ ఇప్పుడు Googleతో రిజిస్టర్ అయి లేదు.
- 401 disabled_client: యాప్ లేదా సర్వీస్ బ్లాక్ అయింది.
ఈ ఎర్రర్ విషయంలో మీరు ఏం చేయగలరు?
థర్డ్-పార్టీ డెవలపర్ మాత్రమే ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
మీకు “403 access_denied” ఎర్రర్ వస్తే, మీరు 'Googleతో సైన్ ఇన్' ఫీచర్ను ఉపయోగించడానికి లేదా యాప్ లేదా సర్వీస్తో కొంత ఖాతా డేటాను షేర్ చేయడానికి మీకు అధికారం లేదని అర్థం. దీనికి కొన్ని కారణాలు ఉన్నాయి:
- యాప్ లేదా సర్వీస్ టెస్ట్ మోడ్లో ఉంది, డెవలపర్ మిమ్మల్ని టెస్ట్ యూజర్గా జోడించలేదు.
- మీరు సైన్ ఇన్ చేసిన Google ఖాతా రకం 'Googleతో సైన్ ఇన్' ఫీచర్ను ఉపయోగించడానికి లేదా మీ ఖాతా డేటాలో కొంత భాగాన్ని షేర్ చేయడానికి మిమ్మల్ని అనుమతించదు.
- ఉదాహరణకు, తల్లి/తండ్రి లేదా గార్డియన్ అనుమతి లేకుండా చిన్నారికి చెందిన ఖాతా ద్వారా 'Googleతో సైన్ ఇన్' ఫీచర్ను ఉపయోగించడం సాధ్యపడదు.
- 'Googleతో సైన్ ఇన్' ఫీచర్ను ఉపయోగించడానికి లేదా నిర్దిష్ట యాప్లతో కొంత ఖాతా డేటాను షేర్ చేయడానికి మీ సంస్థ అడ్మినిస్ట్రేటర్ కూడా మిమ్మల్ని అనుమతించకపోవచ్చు.
ఈ ఎర్రర్ విషయంలో మీరు ఏం చేయగలరు?
- యాప్నకు లేదా సర్వీస్కు సైన్ ఇన్ చేయడానికి వేరే రకమైన ఖాతాను ఉపయోగించండి.
- మీ ఖాతాకు యాక్సెస్ ఉండాలని మీరు విశ్వసిస్తే, డెవలపర్ను నేరుగా కాంటాక్ట్ చేయండి.
మీకు “403 disallowed_useragent” ఎర్రర్ వస్తే, యాప్ లేదా సర్వీస్ పొందుపరిచిన వెబ్ వీక్షణలను ఉపయోగిస్తుంది. యాప్లో లేదా సర్వీస్లో వెబ్ కంటెంట్ను డిస్ప్లే చేయడానికి, కొంతమంది డెవలపర్లు వెబ్ వీక్షణలను ఉపయోగిస్తారు. పొందుపరిచిన వెబ్ వీక్షణలు మీ సెక్యూరిటీని ప్రమాదంలో పడేస్తాయి, ఎందుకంటే అవి మీకు, Googleకి మధ్య కమ్యూనికేషన్లను యాక్సెస్ చేయడానికి, మార్చడానికి థర్డ్-పార్టీలను అనుమతించగలవు.
మీ ఖాతాను సురక్షితంగా ఉంచడానికి, Google ఇకపై 30 సెప్టెంబర్ 2021 నాటికి పొందుపరిచిన వెబ్ వీక్షణలను అనుమతించదు.
ఈ ఎర్రర్ విషయంలో మీరు ఏం చేయగలరు?
- థర్డ్-పార్టీ డెవలపర్ మాత్రమే యాప్లో లేదా సర్వీస్లో ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
- యాప్నకు లేదా సర్వీస్కు వెబ్సైట్ ఉంటే, మీ బ్రౌజర్ నుండి సైన్ ఇన్ చేయడానికి మీరు ట్రై చేయవచ్చు.
మీకు “403 invalid_account” ఎర్రర్ వస్తే, మీ Google ఖాతా డిజేబుల్ అయ్యిందని అర్థం కావచ్చు.
ఈ ఎర్రర్ విషయంలో మీరు ఏం చేయగలరు?
మీ Google ఖాతా డిజేబుల్ అయిందా లేదా అనేది చెక్ చేయండి.
- మీ ఖాతా డిజేబుల్ అయినట్లుగా మీరు కనుగొంటే, మీ ఖాతాను ఎలా రీస్టోర్ చేయాలో తెలుసుకోండి.
మీకు "403 org_internal" ఎర్రర్ వస్తే, నిర్దిష్ట కంపెనీ లేదా సంస్థ మెంబర్లు మాత్రమే యాప్ను లేదా సర్వీస్ను ఉపయోగించగలరని అర్థం. ఉదాహరణకు, యాప్ను లేదా సర్వీస్ను యాక్సెస్ చేయడానికి ఏదైనా సంస్థ @example.comతో ముగిసే ఈమెయిల్ అడ్రస్లను మాత్రమే అనుమతించవచ్చు.
ఈ ఎర్రర్ విషయంలో మీరు ఏం చేయగలరు?
మీరు ఆ సంస్థలో మెంబర్ అయితే, మీ మెంబర్ ఖాతాకు మారండి.
మీకు “403 rate_limit_exceeded” ఎర్రర్ వస్తే, యాప్ లేదా సర్వీస్ ప్రస్తుతానికి దాని సైన్-ఇన్ రేట్ పరిమితిని చేరుకుందని దాని అర్థం. ఏదైనా యాప్ లేదా సర్వీస్ ఎంత వేగంగా కొత్త యూజర్లను పొందగలదు అనే విషయంలో Google పరిమితిని విధిస్తుంది.
ఈ ఎర్రర్ విషయంలో మీరు ఏం చేయగలరు?
మీరు తర్వాత మళ్లీ సైన్ ఇన్ చేయడానికి ట్రై చేయవచ్చు, లేదా యాప్నకు సంబంధించిన సైన్ ఇన్ రేట్ పరిమితిని పెంచమని డెవలపర్ను అడగవచ్చు.
మీకు “403 restricted_client” ఎర్రర్ వస్తే, థర్డ్-పార్టీ యాప్ లేదా సర్వీస్ సరిగ్గా సెటప్ అవ్వలేదని అర్థం. మీ ఖాతాను రక్షించడంలో సహాయపడటానికి, నిర్దిష్ట సెక్యూరిటీ అవసరాలను అనుసరించమని Google థర్డ్-పార్టీ డెవలపర్లను అడుగుతుంది.
ఈ ఎర్రర్ విషయంలో మీరు ఏం చేయగలరు?
థర్డ్-పార్టీ డెవలపర్ మాత్రమే ఈ సమస్యను పరిష్కరించగలరు. ఎర్రర్ను రిపోర్ట్ చేయడానికి, నేరుగా డెవలపర్ను సంప్రదించండి.
మేము ఈ రిక్వెస్ట్ను ప్రాసెస్ చేస్తున్నప్పుడు ఎర్రర్ ఏర్పడింది.
ఈ ఎర్రర్ విషయంలో మీరు ఏం చేయగలరు?
తర్వాత మళ్లీ ట్రై చేయండి.
థర్డ్-పార్టీ యాప్ లేదా సర్వీస్లో ఇతర సమస్యలను పరిష్కరించండి
కొన్నిసార్లు మీరు Googleతో థర్డ్-పార్టీ యాప్ లేదా సర్వీస్కు సైన్ ఇన్ చేయవచ్చు, కానీ మీరు ఇప్పటికీ యాప్ను లేదా సర్వీస్ను ఉపయోగించలేరు. Google థర్డ్-పార్టీ అందించే సర్వీస్లను పూర్తి చేయదు, కాబట్టి ఇలా జరగడానికి ఉండే కారణాల్లో చాలా వరకు Google కంట్రోల్లో ఉండవు. మీరు ఎవరో గుర్తించడానికి మాత్రమే మేము యాప్నకు లేదా సైట్కు సహాయం చేస్తాము.
యాప్తో లేదా సర్వీస్తో ఉండే సమస్యలకు సంబంధించిన కొన్ని ఉదాహరణల్లో ఇవి ఉండవచ్చు:
- మీరు థర్డ్-పార్టీ యాప్ లేదా సర్వీస్లో సినిమాను కొనుగోలు చేశారు, కానీ దానిని చూడలేరు.
- మీరు థర్డ్-పార్టీ యాప్ లేదా సర్వీస్లో ఏదైనా కొనుగోలు చేయడం సాధ్యపడదు.
- మీరు Google Calendar డేటాను క్యాలెండర్ యాప్తో షేర్ చేశారు, కానీ మీ ఈవెంట్లు యాప్లో కనిపించడం లేదు.
- మీరు ఫోటో ఎడిట్ యాప్తో Google ఫోటోను షేర్ చేశారు కానీ ఫోటో లోడ్ కావడం లేదు.
మీకు ఇలాంటి సమస్యలు ఉంటే. డెవలపర్ను నేరుగా కాంటాక్ట్ చేయండి.
థర్డ్-పార్టీ యాప్ డెవలపర్ను కాంటాక్ట్ చేయండి
థర్డ్-పార్టీ డెవలపర్ కోసం కాంటాక్ట్ సమాచారాన్ని కనుగొనడానికి:
- యాప్ లేదా సర్వీస్కు వెళ్లండి.
- మీ Google డేటాలో కొంత భాగాన్ని షేర్ చేయడానికి, Googleతో సైన్ ఇన్ ఫీచర్ను లేదా కాల్ టు యాక్షన్ బటన్ను క్లిక్ చేయండి.
- 'Googleతో సైన్ ఇన్' స్క్రీన్ను పొందడానికి, మీరు యాప్ లేదా సర్వీస్ నుండి సైన్ అవుట్ చేయాల్సి రావచ్చు.
- డెవలపర్ ఈమెయిల్ను పొందడానికి, తర్వాతి స్క్రీన్ ఎగువున, యాప్ లేదా వెబ్సైట్ పేరును ఎంచుకోండి.
- కొన్ని సందర్భాల్లో, డెవలపర్ ఈమెయిల్ అందుబాటులో ఉండకపోవచ్చు.
