මුරයතුරු යනු මුරපද සඳහා සරල සහ සුරක්ෂිත විකල්පයකි. මුරයතුරක් සමග, ඔබට PIN එකක් වැනි, ඔබේ ඇඟිලි සලකුණ, මුහුණු ස්කෑන් කිරීම, හෝ උපාංග තිර අගුල සමග ඔබේ Google ගිණුමට පිරීමට හැක.
මුරයතුරු තතුබෑම් වැනි තර්ජනවලට එරෙහිව ප්‍රබලම ආරක්ෂාව සපයයි. ඔබ මුර යතුරක් තැනීමෙන් පසු, ඔබට එය ඔබේ Google ගිණුමට මෙන්ම සමහර තෙවන පාර්ශ්වීය යෙදුම් හෝ සේවාවන් වෙත පහසුවෙන් පුරනය වීමට සහ ඔබ සංවේදී වෙනස්කම් සිදු කරන විට ඒ ඔබ බව සත්‍යාපනය කිරීමට භාවිතා කළ හැක.
- ඔබේ ගිණුමට දෙපියවර සත්‍යාපනයක් තිබේ නම් හෝ උසස් ආරක්ෂණ වැඩසටහනට ඇතුළත් වී තිබේ නම්, මෙය ඔබේ උපාංගය ඔබ සතුව ඇති බව සත්‍යාපනය කරන බැවින්, මුරයතුරක් ඔබේ දෙවන සත්‍යාපන පියවර මඟ හැර යයි.
- ඇඟිලි සලකුණු හෝ මුහුණු අගුළු ඇරීම සඳහා භාවිතා කරන ඔබේ ජෛවමිතික දත්ත, ඔබේ උපාංගයේ පවතින අතර කිසිවිටෙක Google සමග බෙදා නොගනී.
මුරයතුරක් තැනීමට ඔබට අවශ්‍ය දේ පරීක්ෂා කරන්න
ඔබට මෙම උපාංගවල මුරයතුරු තැනීමට හැක:
- අවම වශයෙන් Windows 10, macOS Ventura, හෝ ChromeOS 109 ධාවනය වන ලැප්ටොපයක් හෝ ඩෙස්ක්ටොපයක්
- අවම වශයෙන් iOS 16 හෝ Android 9 ධාවනය වන ජංගම උපාංගයක්
- FIDO2 ප්‍රොටෝකෝලය වෙත සහාය දක්වන දෘඨාංග ආරක්ෂිත යතුරක්
ඔබේ පරිගණකයට හෝ ජංගම උපාංගයට මෙවැනි සහාය දක්වන බ්‍රව්සරයක් ද අවශ්‍ය වේ:
- Chrome 109 හෝ ඉහළ
- Safari 16 හෝ ඉහළ
- Edge 109 හෝ ඉහළ
- FireFox 122 හෝ ඉහළ
මුරයතුරක් තැනීමට සහ භාවිතා කිරීමට, ඔබ පහත දේ සබල කළ යුතු යි:
- තිර අගුල
- බ්ලූටූත්
- ඔබට වෙනත් පරිගණකයකට පුරනය වීමට දුරකථනයක මුරයතුරක් භාවිතා කිරීමට අවශ්‍ය නම් මෙය අදාළ වේ.
- iOS හෝ macOS සඳහා: ඔබ iCloud Keychain සබල කළ යුතු යි.
- ඔබ ඔබේ Apple උපාංගයේ මුරයතුරක් පිහිටුවන විට, එය දැනටමත් පිහිටුවා නොමැති නම් ඔබේ iCloud Keychain සබල කිරීමට ඔබෙන් විමසයි. iCloud Keychain පිහිටුවන ආකාරය පිළිබඳ වැඩිදුර තොරතුරු සඳහා, මෙතැනින් යන්න.
ඉඟිය: හොඳම මුරපද අත්දැකීම සහතික කිරීම සඳහා, ඔබේ මෙහෙයුම් පද්ධතිය සහ බ්‍රව්සරය යාවත්කාලීන බව සහතික කර ගන්න.
ඔබේ මෙහෙයුම් පද්ධතිය සහ බ්‍රව්සරය මත පදනම්ව, ඔබට අප්‍රසිද්ධ ප්‍රකාරයේ දී මුරයතුරු තැනීමට හෝ භාවිතා කිරීමට නොහැකි විය හැක.
Google Workspace සඳහා මුරයතුරුඔබට ඔබේ පාසල හෝ සේවායෝජකයා හරහා Google Workspace ගිණුමක් තිබේ නම්, ඔබට මුරයතුරකින් පමණක් ඔබේ ගිණුමට පිරීමට නොහැකි විය හැක. ඔබට තවමත් ඔබේ උපාංගවල මුරයතුරු තැනීමට හැකි නමුත්, ඒවා භාවිත කළ හැක්කේ දෙපියවර සත්‍යාපනයේ දී, ගිණුම් ප්‍රතිසාධනයේ දී සහ Google හට ඔබේ අනන්‍යතාවය නැවත සත්‍යාපනය කිරීමට අවශ්‍ය වන ඔබේ ගිණුමේ සමහර සංවේදී ක්‍රියා සඳහා පමණක් දෙවැනි සාධකය ලෙස පමණි.
"හැකි විට මුරපදය මඟ හරින්න" ගිණුම් සැකසීම් පිටුවේ, ඔබේ පරිපාලක ඔබට මුරයතුරකින් පමණක් පුරනය වීමට ඉඩ දෙන්නේ දැයි ඔබට සොයා ගත හැක.
Workspace පරිපාලකයින්ට මෙතැනින් තව දැන ගත හැක.
මුරයතුරු පිහිටුවන්න
වැදගත්: ඔබ මුරයතුරක් තනන විට, ඔබ මුරයතුර-පළමු වන, මුරපද-රහිත පුරනය වීමේ අත්දැකීමක් තෝරා ගනී. ඔබ පාලනය කරන පුද්ගලික උපාංග මත පමණක් මුරයතුරු තනන්න. ඔබ ඔබේ Google ගිණුමෙන් වරනය වුවත්, ඔබ උපාංගයක මුරයතුරක් තැනීමෙන් පසු, උපාංගය අගුළු හැරිය හැකි ඕනෑම අයෙකුට මුරයතුර සමග ඔබේ Google ගිණුමට නැවත පුරනය විය හැක.
මුරයතුරක් පිහිටුවීම සඳහා, ඔබට ඔබේ Google ගිණුමට පුරනය වීමට හෝ ඒ සැබවින්ම ඔබ බව සත්‍යාපනය කිරීමට අවශ්‍ය විය හැක.
මුරයතුරක් තනන්න- https://myaccount.google.com/signinoptions/passkeys වෙත යන්න.
- මුරයතුරක් තනන්න
ඉදිරියට යන්න තට්ටු කරන්න.
- ඔබට ඔබේ උපාංගය අගුළු හැරීමට අවශ්‍ය වනු ඇත.
ඉදිරියට යන්න තට්ටු කරන්න.
බහු උපාංග මත මුරයතුරු තැනීම සඳහා, එම උපාංගවලින් මෙම පියවර නැවතත් කරන්න.
බාහිර FIDO2 හැකියාව ඇති USB ආරක්ෂක යතුරක් මත මුරයතුරක් තැනීම සඳහා:
- https://myaccount.google.com/signinoptions/passkeys වෙත යන්න.
- මුරයතුරක් තනන්න
- තිරය-මත උපදෙස් අනුගමනය කරන්න.
- ඔබට ඔබේ දෘඪාංග ආරක්ෂණ යතුර ඇතුළත් කිරීමට සහ එහි PIN අංකය ඇතුළු කිරීමට හෝ යතුරේ ඇඟිලි සලකුණු සංවේදකය ස්පර්ශ කිරීමට අවශ්‍ය වනු ඇත.
ඉඟි:
- ඔබ ඔබේ පළමු මුරයතුර තැනීම කළ පසු, මීළඟ වතාවේ ඔබ මුරයතුරට සහාය දක්වන ඕනෑම උපාංගයකට පුරන විට, එම උපාංගයෙහි මුරයතුරක් තැනීමට ඔබෙන් විමසනු ඇත.
- ඔබට වෙනත් පරිශීලකයින් ඔබේ ගිණුමට ප්‍රවේශ වීමට අවශ්‍ය නැතිනම්, බෙදාගත් උපාංගයක මුරයතුරක් තැනීම නොකරන්න.
පුරනය වීමට ඔබේ මුරයතුර භාවිතා කරන්න
ඔබ දැනටමත් මුරයතුරක් තනා ඇති උපාංගයක ඔබේ ගිණුමට පුරනය වීමට:ඔබ Android උපාංගයකින් වරනය වූ විට, ඔබට විකල්ප ක්‍රමයක් සමග නැවත පුරනය වීමට අවශ්‍ය වේ. ඔබ පුරනය වී සිටින අතරේ ඔබේ අනන්‍යතාවය නැවත සත්‍යාපනය කිරීමට අවශ්‍ය කිසියම් සංවේදී ක්‍රියාවක් සිදු කරන්නේ නම්, ඔබට Android උපාංගයේම මුරයතුර භාවිතා කළ හැක.
වෙනත් Android නොවන උපාංගවල, ඔබට ඔබේ ගිණුමට නැවත පුරනය වීමට මෙන්ම ඔබ දැනටමත් පුරනය වී සිටින අතරේ ඔබේ අනන්‍යතාවය නැවත සත්‍යාපනය කිරීමට ඔබේ මුරයතුර භාවිතා කළ හැක.
- ඔබේ උපාංගයෙහි Google පුරනය වීමේ පිටුවේ, ඔබේ පරිශීලක නාමය ඇතුළු කරන්න.
- ඔබ මීට පෙර එම උපාංගයේ ඔබේ ගිණුම සඳහා මුරයතුරක් තනා ඇත්නම්, එම උපාංගයේ මුරයතුර සමග ඔබේ අනන්‍යතාවය සත්‍යාපනය කිරීමට Google ඔබෙන් විමසනු ඇත.
- උපාංගය අගුළු ඇරීමට සහ ඔබේ අනන්‍යතාවය සත්‍යාපනය කිරීමට තිරයේ ඇති මුරපද උපදෙස් අනුගමනය කරන්න.
- ඔබේ මෙහෙයුම් පද්ධතිය සහ බ්‍රව්සරය අනුව නිශ්චිත UI වෙනස් වේ.
- සමහර දුර්ලභ අවස්ථාවන්හි දී, ඔබට උපාංගයේ මුරයතුරක් තිබේ නම් පවා ඔබේ මුරපදය විමසා සිටිය හැක.
- ඔබේ මුරයතුර සඳහා විමසුම අවුලුවාලීමට උත්සාහ කිරීමට, ඔබට "තවත් ආකාරයකින් උත්සාහ කරන්න" විකල්පය භාවිතා කළ හැක.
- උපාංගය අගුළු ඇරීමට සහ ඔබේ අනන්‍යතාවය සත්‍යාපනය කිරීමට තිරයේ ඇති මුරපද උපදෙස් අනුගමනය කරන්න.
- ඔබේ පරිගණකයෙහි Google පුරනය වීමේ පිටුවේ, ඔබේ පරිශීලක නාමය ඇතුළු කරන්න.
- මුරපද ක්ෂේත්‍රයට පහළින්, වෙනත් මාර්ගයක් උත්සාහ කරන්න සබැඳිය ක්ලික් කරන්න.
- ඔබේ මුරයතුර භාවිතා කරන්න ක්ලික් කරන්න.
- ඔබේ තිරය මත, QR කේතය සොයා ගන්න.
- ඔබට දෘඪාංග ආරක්ෂණ යතුරක් මත තනන ලද මුරයතුරක් භාවිතයට අවශ්‍ය නම්, ඔබට "USB ආරක්ෂක යතුර" හෝ ඊට සමාන තේරීමක් කිරීමට විකල්පයක් ඇත.
- QR කේතය ස්කෑන් කිරීම සඳහා, ඔබේ දුරකථනයේ එකට සාදන ලද QR කේත ස්කෑනර් යෙදුම භාවිතා කරන්න.
- iOS සඳහා: ඔබට එකට සාදන ලද කැමරා යෙදුම භාවිතා කළ හැක.
- Google Pixel දුරකථන සඳහා: ඔබට එකට සාදන ලද QR කේත ස්කෑනරය භාවිතා කළ හැක.
- වෙනත් Android උපාංග සඳහා: ඔබට දේශීය කැමරා යෙදුම හෝ පද්ධති QR කේත ස්කෑනරය සමග QR කේතය ස්කෑන් කළ නොහැකි නම්, ඔබට Google Lens භාවිතා කළ හැක.
- ඔබේ දුරකථනයෙහි, මුරයතුර භාවිතා කරන්න තට්ටු කරන්න.
- ඔබේ දුරකථනයෙහි ඔබේ අනන්‍යතාවය සත්‍යාපනය කිරීම සඳහා, ඔබේ ඇඟිලි සලකුණ, මුහුණෙන් අගුළු හැරීම, හෝ දුරකථන PIN අංකය සඳහා ඔබෙන් විමසනු ඇත.
- මීළඟ වතාවේ ඔබ මෙම පරිගණකය සහ දුරකථන සංයෝජනය සමගින් පුරන විට, අනන්‍යතා සත්‍යාපන ක්‍රියාවලිය සම්පූර්ණ කිරීමට ඔබට ඔබේ දුරකථනයට ස්වයංක්‍රීයව දැනුම්දීමක් ලැබෙනු ඇත.
ඉඟිය: ඔබ පුරනය වූ පසු, පරිගණකයෙහි මුරයතුරක් තැනීමට ඔබෙන් ඇසීමට හැක. ඔබට වෙනත් පරිශීලකයින් ඔබේ ගිණුමට ප්‍රවේශ වීමට අවශ්‍ය නැතිනම්, බෙදාගත් උපාංගයක මුරයතුරක් තැනීම නොකරන්න.
ඔබේ මුරයතුරු පරීක්ෂා කරන්න
- https://myaccount.google.com/signinoptions/passkeys වෙත යන්න.
- ඔබේ අනන්‍යතාවය සත්‍යාපනය කිරීමට ඔබෙන් විමසා සිටිය හැක.
- ඉඟිය: ඔබ ගිණුම් කිහිපයකට පුරනය වී ඇත්නම්, ඔබ කැමති ගිණුම සඳහා ඔබේ අනන්‍යතාවය සත්‍යාපනය කරන බවට වග බලා ගන්න.
ඔබේ ගිණුමට දැනටමත් මුරයතුරු තිබේ නම්, ඒවා මෙහි ලැයිස්තුගත කර ඇත.
- ඉඟිය: ඔබට මෙම ගිණුම සමග පුරනය වී ඇති Android දුරකථනයක් තිබේ නම්, ඔබ වෙනුවෙන් ස්වයංක්‍රීයව ලියාපදිංචි වී ඇති මුරයතුරු තිබිය හැක.
මුරයතුරු ඉවත් කරන්න හෝ ඒවායින් ඉවත් වන්න
මුරයතුරක් ඉවත් කරන්නඔබ විසින් තනන ලද මුරයතුරක් ඉවත් කරන්න
- ඔබේ Google ගිණුමට යන්න.
- ඔබට පුරනය වීමට අවශ්‍ය විය හැක.
- ආරක්ෂාව තෝරන්න.
- "ඔබ Google වෙත පුරන ආකාරය" යටතේ, මුරයතුරු තට්ටු කරන්න.
- ඔබට ඉවත් කිරීමට අවශ්‍ය මුරයතුර තෝරන්න.
නිරූපකය තට්ටු කරන්න.
Android විසින් ස්වයංක්‍රීයව තනන ලද මුරයතුරක් ඉවත් කරන්න
ඔබේ Android උපාංගයෙහි ස්වයංක්‍රීයව තනන ලද මුරයතුරක් ඉවත් කිරීම සඳහා, ඔබට ඔබේ Google ගිණුමෙන් උපාංගය ඉවත් කිරීමට අවශ්‍ය වේ.
-
ඔබගේ Google ගිණුමට යන්න.
-
වම් සංචාලන පැනලයෙහි, ආරක්ෂාව තෝරන්න.
-
ඔබගේ උපාංග පැනලයෙහි, සියලු උපාංග කළමනාකරණය කරන්න තෝරන්න.
-
උපාංගය
වරන්න තෝරන්න.
-
සැසි කිහිපයක් එකම උපාංග නම සමගින් දිස්වන්නේ නම්, ඒවා සියල්ලම එකම උපාංගයකින් හෝ උපාංග කිහිපයකින් පැමිණිය හැකිය. ඔබට උපාංගයකින් ගිණුම් ප්‍රවේශයක් නොමැති බව සහතික කර ගැනීමට අවශ්‍ය නම්, මෙම උපාංගයේ නම සහිත සියලු සැසිවලින් වරන්න.
වරන්න තෝරන්න.ඉඟිය: ඔබේ ගිණුමට ප්‍රවේශය ඇති සියලු උපාංග සමාලෝචනය කිරීමට ඔබට google.com/devices පරීක්ෂා කළ හැක.
- ඔබේ Google ගිණුමට යන්න.
- ඔබට පුරනය වීමට අවශ්‍ය විය හැක.
- ආරක්ෂාව තෝරන්න.
- හැකි විට මුරපදය මඟ හරින්න ක්‍රියා විරහිත කරන්න.
ඉඟිය: ඔබ මුරයතුරක් පළමුව තනන විට, ඔබ මුරයතුර-පළමු වන, මුරපද-රහිත පුරනය වීමේ අත්දැකීමක් තෝරා ගනී. මුරයතුරකින් තොරව ඔබේ Google ගිණුමට පුරනය වීමට සහ වෙනත් පුරනය වීමේ ක්‍රමයක් භාවිතා කිරීමට, වෙනත් ක්‍රමයක් උත්සාහ කරන්න තට්ටු කරන්න. ඔබ බොහෝ විට "වෙනත් ක්‍රමයක් උත්සාහ කරන්න" තෝරා ගන්නේ නම්, Google ඔබේ ව්‍යංග මනාපයන් පිළිබිඹු කිරීමට අනාගතයේ දී මුරයතුරු අභියෝගය අඩු වාර ගණනක් ලබා දෙනු ඇත. මුරයතුරු සමග නැවත නැවතත් පුරනය වීමෙන් ඔබට මෙය වෙනස් කළ හැක.
නැති වූ හෝ අස්ථානගත වූ මුරයතුරක් පිළිබඳ ගැටලුවක් නිරාකරණය කරන්න
නැති වූ හෝ සොරකමට ලක් වූ උපාංගය- ඔබට ප්‍රවේශ විය හැකි උපාංගයක, ඔබේ Google ගිණුමට පුරන්න.
- නැති වූ හෝ සොරකම් කරන ලද උපාංගයට සම්බන්ධ මුරයතුර ඉවත් කරන්න.
ඔබට ඔබේ ගිණුමෙහි මුරයතුරු තිබේ තිබෙන නමුත්, පුරනය වීමේ දී මුරයතුරක් ලබා නොදෙන්නේ නම්, මේවා සහතික කර ගන්න:
- මුරයතුර සහිත උපාංගයේ තිර අගුල සබල කර ඇත
- ඔබේ උපාංගයේ තිර අගුල අබල කර ඇත්නම්, ඔබ නැවත තිර අගුල සබල කරන තෙක් ඔබට එම උපාංගයෙහි මුරයතුර භාවිතා කිරීමට නොහැකි වනු ඇත.
- myaccount.google.com/security හි දී ඔබේ ආරක්ෂක සැකසීම් තුළ "හැකි විට මුරපදය මඟ හරින්න" ටොගලය ක්‍රියාත්මකයි.
මුරයතුරක් නොමැතිව ඔබේ Google ගිණුමට පුරනය වීම සඳහා, මුරයතුරු අභියෝගය මඟ හැරීමට වෙනත් ක්‍රමයක් උත්සාහ කරන්න තට්ටු කර ඔබේ පෙර පුරනය වීමේ තේරීම් වෙත ආපසු යන්න.
ඉඟිය: ඔබ බොහෝ විට "වෙනත් ක්‍රමයක් උත්සාහ කරන්න" තෝරා ගන්නේ නම්, Google ඔබේ ව්‍යංග මනාපයන් පිළිබිඹු කිරීමට අනාගතයේ දී මුරයතුරු අභියෝගය අඩු වාර ගණනක් ලබා දෙනු ඇත. මුරයතුරු සමග නැවත නැවතත් පුරනය වීමෙන් ඔබට මෙය වෙනස් කළ හැක.
