Para makatulong sa pagprotekta sa iyo laban sa pang-aabuso, kung minsan ay hihilingin naming patunayan mong hindi ka robot bago ka makagawa ng iyong account o makapag-sign in dito. Nakakatulong ang karagdagang kumpirmasyong ito sa pamamagitan ng telepono na pigilan ang mga spammer na abusuhin ang aming mga system.
Tip: Para i-verify ang iyong account, kailangan mo ng mobile device.
Halaga ng pag-verify sa pamamagitan ng text o boses
Ang halaga ng iyong mga text o voice message ay mag-iiba-iba depende sa iyong plan at provider, pero malamang na magiging kapareho ito ng iyong mga karaniwang singil sa text message at tawag. Kapag pinili mo ang opsyong voice call, puwede mo ring gamitin ang iyong mga numero ng telepono sa bahay.
Para sa higit pang detalye, makipag-ugnayan sa iyong provider ng mobile phone.
Ayusin ang mga isyu sa pag-verify
Hindi natanggap ang text message
Kung nakatira ka sa lugar na may maraming tao o kung hindi maayos na napapanatili ang imprastraktura ng iyong carrier, baka maantala ang text message. Kung mahigit sa ilang minuto ka nang naghihintay at hindi mo pa rin natatanggap ang aming text message, subukan ang opsyong voice call.
"Hindi magagamit para sa pag-verify ang numero ng telepono na ito"
Kung matanggap mo ang mensahe ng error na ito, kailangan mong gumamit ng ibang numero. Para protektahan ka laban sa pang-aabuso, nililimitahan namin ang bilang ng mga account na puwedeng gawin ng bawat numero ng telepono. Puwede kang gumamit na lang ng numero ng telepono ng miyembro ng pamilya o kaibigan. Puwede rin itong makatulong kung susubukan mong gumamit ng numero mula sa ibang carrier ng telepono.
"Ginamit na nang napakaraming beses para sa pag-verify ang numero ng teleponong ito"
Kung matanggap mo ang mensahe ng error na ito, kailangan mong gumamit ng ibang numero. Para protektahan ka laban sa pang-aabuso, nililimitahan namin ang bilang ng beses na puwedeng gamitin ang isang numero ng telepono para sa pag-verify. Puwede kang gumamit na lang ng numero ng telepono ng miyembro ng pamilya o kaibigan.
