सबटाइटल र क्याप्सनहरू भए भने तपाईं श्रवणहीन वा सुन्नमा कठिनाइ भएका दर्शकहरू र अर्को भाषा बोल्ने दर्शकहरू लगायतका ठुलो दर्शकमाझ आफ्ना भिडियोहरू सेयर गर्न सक्नु हुने छ। हालका क्याप्सनहरू सम्पादन गर्ने वा हटाउने बारेमा थप जान्नुहोस्।
सबटाइटल र क्याप्सनहरू सिर्जना गर्नुहोस्
- YouTube Studio मा साइन इन गर्नुहोस्।
- बायाँ मेनुमा गई सबटाइटलहरू चयन गर्नुहोस्।
- तपाईंले सम्पादन गर्न चाहेको भिडियोमा क्लिक गर्नुहोस्।
- भाषा थप्नुहोस् मा क्लिक गर्नुहोस् र आफ्नो भाषा चयन गर्नुहोस्।
- सबटाइटलहरूमा गएर थप्नुहोस् मा क्लिक गर्नुहोस्।
सबटाइटल र क्याप्सन फाइलहरूमा भिडियोमा बोलिएको कुराको टेक्स्ट समावेश हुन्छ। यसमा टेक्स्टको प्रत्येक रेखा कति बेला देखाउने भन्ने टाइमस्ट्याम्प पनि राखिएको हुन्छ। केही फाइलहरूमा स्थान तथा शैलीसम्बन्धी जानकारी पनि समावेश गरिएको हुन्छ। यस्तो जानकारी विशेषगरी श्रवणहीन वा सुन्नमा कठिनाइ भएका दर्शकहरूका लागि उपयोगी हुन्छ।
सुरु गर्नुअघि, तपाईंको फाइलको प्रकार YouTube मा चल्छ भनी सुनिश्चित गर्नुहोस्।
- फाइल अपलोड गर्नुहोस् चयन गर्नुहोस्।
- समयसहितको वा समयविनाको मध्येमा एउटा छनोट गर्नुहोस्, त्यसपछि जारी राख्नुहोस् चयन गर्नुहोस्।
- अपलोड गर्नका लागि एउटा फाइल चयन गर्नुहोस्।
- सेभ गर्नुहोस् चयन गर्नुहोस्।
तपाईं भिडियो हेर्ने क्रममा सबटाइटल तथा क्याप्सनहरू हालेर सबटाइटल तथा क्याप्सनहरू बनाउन सक्नुहुन्छ। यो विकल्प प्रयोग गर्दा तपाईंले आफ्नो भिडियोसँग सबटाइटल तथा क्याप्सनहरू सिंक गर्ने समय सेट गर्नु पर्ने हुन्छ।
- स्वत:सिंक चयन गर्नुहोस्।
- भिडियोमा शब्दहरू प्रविष्ट गर्नुहोस् वा ट्रान्स्क्रिप्ट फाइलअपलोड गर्नुहोस्।
- सम्पादन गर्नुहोस् चयन गर्नुहोस्, त्यसपछि सेभ गरी बन्द गर्नुहोस् बटनमा क्लिक गर्नुहोस्।
समय सेट गर्न केही समय लाग्न सक्छ। तपाईं पर्खिरहेको बेलामा तपाईंलाई भिडियोको ट्र्याकलिस्टमा ल्याइने छैन। यो तयार भएपछि, तपाईंको ट्रान्स्क्रिप्सन स्वतः तपाईंको भिडियोमा प्रकाशित गरिने छ।
म्यानुअल रूपमा टाइप गर्नुहोस्
तपाईं आफ्ना क्याप्सन र सबटाइटलहरूको ट्रान्स्क्रिप्ट टाइप गर्न वा पेस्ट गर्न छनोट गर्न सक्नुहुन्छ। यो विकल्प प्रयोग गरेर तपाईंको सबटाइटल र क्याप्सन देखापर्ने समय स्वतः सेट हुने छ।
- म्यानुअल रूपमा टाइप गर्नुहोस् चयन गर्नुहोस्।
- भिडियो प्ले गर्नुहोस् र आफ्ना क्याप्सन वा सबटाइटलहरू प्रविष्ट गर्नुहोस्। भिडियोमा के भइरहेको छ भन्ने बारेमा दर्शकहरूले थाहा पाऊन् भन्नका लागि
[ताली बजाएको]
वा[मेघ गर्जेको]
जस्ता टेक्स्ट थप्न नभुल्नुहोस्। तपाईं टाइप गर्दै गर्दा पज गर्न पनि सक्नुहुन्छ। - प्रकाशित गर्नुहोस् चयन गर्नुहोस्।
आफ्नो कार्य छिटो गर्नका लागि, तपाईं यी किबोर्डका सर्टकटहरू पनि प्रयोग गर्न सक्नुहुन्छ:
- Windows/कमान्ड + लेफ्ट एरो: १ सेकेन्ड पछाडि जानुहोस्।
- Windows/कमान्ड + राइट एरो: १ सेकेन्ड अगाडि जानुहोस्।
- Windows/कमान्ड + स्पेस: भिडियो पज गर्नुहोस् वा प्ले गर्नुहोस्।
- Windows/कमान्ड + इन्टर: नयाँ रेखा थप्नुहोस्।
- Windows/कमान्ड + डाउन एरो: अर्को सबटाइटल सम्पादन गर्नुहोस्।
- Windows/कमान्ड + अप एरो: अघिल्लो सबटाइटल सम्पादन गर्नुहोस्।
- इन्टर: सबटाइटल थप्नुहोस्।
स्वतः अनुवाद गर्नुहोस्
सबटाइटल र क्याप्सनहरू थप्ने तरिका हेर्नुहोस्
YouTube निर्माताहरूको च्यानलका निम्न भिडियोमा सबटाइटल र क्याप्सनहरू थप्ने तरिका हेर्नुहोस्।
How to Add Captions While Uploading & Editing Your Videos