Трансляция кідірісі – іс-шараны түсіріп тұрған камера мен көрермендерге көрсетіліп жатқан іс-шараның арасындағы кідіріс. Тікелей трансляцияның параметрлерін орнатқан кезде, кідіріс деңгейі көрермендеріңізге қалай әсер ететінін ойланыңыз.
Көрермендермен тікелей эфир чатында сөйлессеңіз, көрермендердің пікірлері мен сұрақтарына жауап беру үшін ең абзалы – төменірек деңгейлі кідіріс. Кідіріс деңгейі төменірек болғанда, көрермендеріңіз бейнені ойнатқан кезінде ол көбірек буферленетінін байқауы мүмкін.
Егер сіз аудиторияңызбен әрекеттеспесеңіз, жоғарырақ кідіріс деңгейі мәселе тудырмайды.
Неліктен кідіріс пен сапа екеуінің бірін таңдауға тура келеді?
Кідіріс деңгейі неғұрлым төмен болса, бейне ойнатқышта алдын ала оқу буфері соғұрлым аз болады. Алдын ала оқу буфері маңызды, себебі ол – трансляция кідірісінің басты көзі. Кідіріс деңгейі төмен болған кезде, көрермендер түрлендіргіш пен ойнатқыштың арасындағы мәселелерді сезуі ықтимал.
Желідегі жүктемелер мен басқа факторлар да тікелей трансляция мәселелерін тудырып, трансляцияңызды кідіртуі мүмкін. Кідірістер желіңіздің сапасы трансляцияңыздың орташа дерек беру жылдамдығын қамтамасыз ететіндей тамаша болған жағдайда да орын алуы мүмкін.
Жалпы алғанда, көрермендеріңіздің ойнатқышы біраз қосымша тікелей трансляция деректерін сақтау арқылы интернет жылдамдығының өзгерістеріне төтеп бере алады. Бұл функция "Әзірлеуші статистикасы" бөлімінде буфер күйі деп аталады.
Тікелей трансляция кідірісін өзгерту жолдары
Тікелей эфирді басқару бетінде:
- YouTube Studio қолданбасына өтіңіз. Жоғарғы оң жақ бұрыштағы Жасау
Тікелей эфирге шығу тармағын басыңыз.
- Жоғарғы жақтағы "Трансляция" немесе "Басқару" түймесін басыңыз. Трансляция жасаңыз немесе бір жоспарланған трансляцияны ашыңыз.
- Трансляцияның бақылау тақтасынан Трансляция Параметрлер тармағын таңдаңыз.
- "Трансляция кідірісі" бөлімінен өзіңізге керек кідірісті таңдаңыз.
Тікелей эфирге шығу тармағын басыңыз.Веб-камерадан және мобильді құрылғыдан жасалған трансляциялар әрқашан әрекеттестік қабілеті үшін орнатылады. Олардың тікелей трансляция кідірісін орнату мүмкін емес.
Тікелей трансляция кідірісінің 3 түрлі опциясы бар:
Қалыпты кідіріс
Тікелей трансляцияны көрермендермен белсене араласып өткізу қажет болмағанда таңдаған дұрыс
"Қалыпты кідіріс" аудиториямен араласу қажет болмайтын жағдайға арналған. Бұл опцияда буферлеу мөлшері төмен, сол себепті көрермендерге жіберілетін трансляция сапасы жоғары болады.
Қалыпты кідіріс кезінде барлық ажыратымдылық пен тікелей трансляция функциясына қолдау көрсетіледі.
Төмен деңгейлі кідіріс
Аудиториямен аз араласатын кезде таңдаған дұрыс
Аудиториямен аз араласуды жоспарласаңыз және жауаптарды күтіп отыру (сауалнамадағыдай) қажет болмаса, осы опцияны таңдаңыз. Кідірісі төмен деңгейдегі трансляция көрермендерінің көпшілігінде кідіріс 10 секундтан аз болады. Бұл параметр – қалған екі опцияның арасындағы "алтын орта".
Бірақ ол 4K ажыратымдылыққа қолдау көрсетпейді.
Аса төмен деңгейлі кідіріс
Тікелей трансляцияны көрермендермен нақты уақытта көп араласу қажет болған кезде таңдаған дұрыс.
Аудиториямен араласып, әңгімелескіңіз келсе, осы опцияны таңдаңыз. Кідірісі аса төмен деңгейдегі трансляция көрермендерінің көпшілігінде кідіріс 5 секундтан аз болады. Бірақ көрермендерде буферлеу ықтималдығы артады.
Бұл параметр 4K ажыратымдылыққа қолдау көрсетпейді.
Ескертпе: бұл параметрде тікелей эфирге дерек тасымалдау мәселелері көрермендердегі трансляция сапасына көбірек теріс әсер етеді. Желі байланысы сіз таңдаған дерек беру жылдамдығын қамтамасыз ете алатынына көз жеткізіңіз. Кез келген дерек беру жылдамдығында сапа мен тұрақтылық жоғары болуы үшін, AV1 немесе HEVC таңдаңыз және YouTube Live-дың осы жердегі түрлендіргішке қатысты ұсыныстарын орындаңыз.