YouTube പങ്കാളി പ്രോഗ്രാമിൽ ചേരുന്നതിന് നിങ്ങൾക്ക് ഇതിനകം അംഗീകാരം ലഭിച്ചിട്ടുണ്ടെങ്കിൽ, നിങ്ങളുടെ YouTube ചാനലുമായി ബന്ധപ്പെട്ട YouTube-നുള്ള AdSense അക്കൗണ്ട് മാറ്റാം. YouTube പങ്കാളി പ്രോഗ്രാമിൽ തുടരാൻ യോഗ്യത ലഭിക്കുന്നതിന്, സജീവമായ 'YouTube-നുള്ള AdSense' അക്കൗണ്ട് നിലനിർത്തുകയും അത് നിങ്ങളുടെ ചാനലുമായി ബന്ധിപ്പിക്കുകയും ചെയ്യുക.
- YouTube Studio-യിലേക്ക് സൈൻ ഇൻ ചെയ്യുക.
- ഇടത് മെനുവിലെ വരുമാനം നേടുക വിഭാഗം തിരഞ്ഞെടുക്കുക.
- YouTube പങ്കാളി പ്രോഗ്രാം ഓപ്ഷനുകൾക്ക് കീഴിൽ, നിലവിൽ നിങ്ങളുടെ YouTube ചാനലുമായി ലിങ്ക് ചെയ്തിരിക്കുന്ന YouTube-നുള്ള AdSense അക്കൗണ്ടിനെ കുറിച്ചുള്ള വിശദാംശങ്ങൾ കാണാം.
- YouTube-നുള്ള AdSense-ലേക്ക് റീഡയറക്റ്റ് ചെയ്യാൻ മാറ്റുക തിരഞ്ഞെടുക്കുക. നിങ്ങളുടെ പാസ്വേഡ് നൽകി, തിരഞ്ഞെടുത്ത മാർഗ്ഗത്തിലൂടെ വീണ്ടും പരിശോധിച്ചുറപ്പിക്കേണ്ടതുണ്ട്. നിങ്ങളുടെ YouTube അക്കൗണ്ട് വീണ്ടും പരിശോധിച്ചുറപ്പിക്കുന്നത് എങ്ങനെയെന്ന് അറിയുക.
- നിങ്ങളുടെ നിലവിലുള്ള അക്കൗണ്ട് ലിങ്ക് ചെയ്യാൻ നിങ്ങളെ YouTube-നുള്ള AdSense-ലേക്ക് നയിക്കും അല്ലെങ്കിൽ പുതിയൊരു അക്കൗണ്ട് സൃഷ്ടിക്കുക.
- നിലവിലുള്ള അക്കൗണ്ട്: നിങ്ങൾക്ക് ഇതിനകം ഒരു AdSense അല്ലെങ്കിൽ YouTube-നുള്ള AdSense അക്കൗണ്ട് ഉണ്ടെങ്കിൽ, നിങ്ങളുടെ നിലവിലുള്ള അക്കൗണ്ട് ആക്സസ് ചെയ്യാൻ ഉപയോഗിക്കുന്ന Google Account ഉപയോഗിച്ച് സൈൻ ഇൻ ചെയ്യേണ്ടതുണ്ട്. നിങ്ങൾ YouTube-ലേക്ക് ലോഗിൻ ചെയ്യാൻ ഉപയോഗിക്കുന്ന ലോഗിൻ ക്രെഡൻഷ്യലുകളിൽ നിന്ന് വ്യത്യസ്തമായിരിക്കാം ഇതെന്ന കാര്യം ശ്രദ്ധിക്കുക.
- പുതിയ അക്കൗണ്ട്: നിങ്ങൾ പുതിയൊരു 'YouTube-നുള്ള AdSense' അക്കൗണ്ട് സൃഷ്ടിക്കുകയാണെങ്കിൽ, ഒരു ഉപയോക്താവിന് ഒരു അക്കൗണ്ട് മാത്രമേ ഞങ്ങൾ അനുവദിക്കൂ എന്ന കാര്യം ശ്രദ്ധിക്കുക.
- നിങ്ങൾ തിരഞ്ഞെടുത്ത അക്കൗണ്ട്, സ്ക്രീനിന്റെ മുകളിലും നിങ്ങളുടെ YouTube ചാനലിന്റെ URL "നിങ്ങളുടെ വെബ്സൈറ്റിന്" കീഴിലും ദൃശ്യമാകും. ഈ വിവരങ്ങൾ ശരിയാണെങ്കിൽ പങ്കാളിത്തം അംഗീകരിക്കുക തിരഞ്ഞെടുക്കുക. നിങ്ങളെ തിരികെ YouTube-ലേക്ക് റീഡയറക്റ്റ് ചെയ്യും (റീഡയറക്റ്റ് ചെയ്തില്ലെങ്കിൽ, 'റീഡയറക്റ്റ് ചെയ്യുക' തിരഞ്ഞെടുക്കുക).
- നിങ്ങൾ YouTube-നുള്ള AdSense സജ്ജീകരിച്ചു! നിങ്ങളുടെ ധനസമ്പാദന മുൻഗണനകൾ സജ്ജീകരിക്കാൻ, സ്ക്രീനിലെ അടുത്ത ഘട്ടങ്ങൾ പാലിക്കുക.
നിങ്ങളുടെ YouTube-നുള്ള AdSense അക്കൗണ്ട് നിങ്ങളുടെ YouTube ചാനലിലേക്ക് ലിങ്ക് ചെയ്തതിന് ശേഷം, ഈ പങ്കാളിത്തം പ്രതിഫലിപ്പിക്കാൻ ഞങ്ങളുടെ സിസ്റ്റങ്ങൾ 24 മണിക്കൂർ വരെ എടുത്തേക്കാം.
ശ്രദ്ധിക്കുക: നിലവിലുള്ള മറ്റൊരു AdSense അല്ലെങ്കിൽ YouTube-നുള്ള AdSense അക്കൗണ്ടുമായി ബന്ധിപ്പിക്കാൻ സാധാരണയായി അൽപ്പ സമയമെടുക്കും. പുതിയ YouTube-നുള്ള AdSense അക്കൗണ്ട് സൃഷ്ടിച്ചാൽ അംഗീകാരം ലഭിക്കാനും ബന്ധിപ്പിക്കുന്നതിനും സാധാരണയായി കൂടുതൽ ദിവസമെടുക്കും, ചില സാഹചര്യങ്ങളിൽ 2-3 ആഴ്ച വരെ എടുത്തേക്കാം. ബന്ധിപ്പിക്കൽ പൂർത്തിയായാൽ ധനസമ്പാദനം ആരംഭിക്കുന്നു.