Mga pagbabago sa mga account na ginawa bago ang 2014
Walang access ang mga channel na ginawa bago ang 2014 sa lahat ng feature na available na ngayon sa mga bagong account. Para matiyak na ang lahat ng channel ay may pare-parehong feature, na-update namin ang iyong channel sa pamamagitan ng pagkonekta nito sa isang Brand Account. Pareho pa rin ang pangalan, mga video, at subscriber ng iyong channel tulad ng dati, pero puwede itong magkaroon ng hiwalay na pagkakakilanlan. Sa pagkakakilanlan, hindi nakikita ng publiko ang iyong personal na pangalan at email address.
Kung hindi ka nakakatiyak sa uri ng account na mayroon ka, puwede mong tingnan sa YouTube.
Ano'ng nagbago:
- Awtomatiko na ngayong nakakonekta ang iyong channel sa YouTube sa isang Brand Account. Puwede nang magkaroon ng magkaibang pangalan at larawan ang iyong channel sa YouTube at ang Google Account mo.
- Mayroon ka na ngayong ganap na access sa pagkokomento, pagpapalit ng pangalan ng iyong channel o handle, at pagdaragdag ng mga channel manager.
- Puwede mong makita ang iyong email address sa ilang setting ng channel mo pero hindi ito ipinapakita sa publiko. Matuto pa tungkol sa pamamahala ng iyong mga channel sa YouTube.
- Pareho lang ang magiging content ng iyong channel gaya ng dati. Kung hindi mo makita ang iyong listahan ng channel o isang subscription, subukang lumipat ng account gamit ang Account Switcher.
Tandaan: Kapag ginagamit mo ang Brand Account, posible ka ring makatanggap ng di-pangkaraniwang email address sa ilang lugar, gaya ng
channel-name-1234@pages.plusgoogle.com. Hindi totoo ang email na ito, isa lang itong pagkakakilanlan para sa Brand Account. Puwede kang magkaroon ng Brand Account kahit hindi na available ang Google+.Ang mga notification sa email para sa channel sa YouTube ay napupunta sa address ng notification na maitatakda mo para sa Brand Account.