Intro To Live Streaming on YouTube
- Трансляция кезіндегі жалпы дерек беру жылдамдығы қолжетімді жүктеп салынатын деректі өткізу мүмкіндігінен аспауы керек. Мүмкіндікті толық жүктемеңіз (20%-ын қолданбай бос қалдырған жөн).
- Кеңсеңіздегі байланыс жылдамдығы жоғары болғанымен, көп адам осы желіні ортақ пайдаланса, жеке байланыс мүмкіндігіңіз шектеулі болуы мүмкін.
- Байланыс жылдамдығын тексеріңіз. Кіріс өткізу мүмкіндігі (жүктеп алу жылдамдығы) көбінесе шығыс өткізу мүмкіндігіне (жүктеп салуға) қарағанда жоғары болады. Шығыс байланыстың трансляцияның дерек беру жылдамдығын жіберуге жеткілікті екеніне көз жеткізіңіз. "Негізгі + Сақтық көшірме + 20%" схемасын пайдаланған жөн.
- Сенімді желіге қосылғаныңызға көз жеткізіңіз. Қосылу мүмкіндігінің үзілуі трансляция сапасының жарамсыз екенін білдіреді.
- Тікелей трансляция түрлендіргіштерін кемінде 2 сағат бұрын дайындаңыз.
- Түрлендіргіштерді іс-шараның басталуына кемінде 15 минут қалғанда іске қосыңыз.
- Трансляцияны бастау түймесін баспас бұрын, Тікелей эфирді басқару бетінде трансляцияның алғы көрінісін қосып, тексеріңіз.
- Ақау кезінде түрлендіргіштің ауысу-ауыспауын тексеру үшін, негізгі түрлендіргішті тоқтатыңыз (немесе оның Ethernet кабелін ажыратыңыз) және ойнатқыштың резервтік түрлендіргішке ауысқанын тексеріңіз.
- Барлық жергілікті мұрағат файлының тұтастығын тексеріңіз. Жергілікті мұрағаттың файл өлшемі өсіп жатқанын тексеріңіз.
- Іс-шараға арна және көру беттері арқылы кіруге болатынын тексеріңіз.
- Іс-шараға мобильдік құрылғы арқылы кіруге болатынын тексеріңіз.
- Трансляция аудиосы мен бейнесінің сапасын үздіксіз қадағалаңыз.
- YouTube-тегі іс-шараңыз тоқтағаннан кейін, түрлендіргіш жұмысын тоқтатыңыз.
- Трансляцияға ноутбукпен және веб-камерамен шығуға болады, бірақ құрылғы сапасы жақсы болған сайын, тікелей эфир сапасы да жақсарады.
- Wirecast немесе www.youtube.com/webcam сияқты бағдарламалық құралды кодтау бағдарламасын пайдалануға болады.
- Жоғары өндірістік құны бар іс-шараларға кәсіби деңгейдегі аппараттық түрлендіргіштерді пайдаланған дұрыс.
- Іс-шара алдында құрылғылардың жұмысын мұқият тексеріңіз.
- Контент: қандай бейне түрін трансляциялауға болатынын анықтаңыз. Достарыңыздың, сыныптастарыңыздың немесе жасөспірімдердің бейнелерін түсіргенде, бейнелердің сексуалдық сипатта болмауын, зорлық-зомбылық көрінісін қамтымауын немесе қауіпті болмауын қадағалаңыз. Бұл ереженің тікелей эфир чатына да қолданылатынын ескеріңіз. Қауымдастық қағидалары туралы толық ақпарат алыңыз.
- Жеке ақпарат: тікелей трансляция кезінде және тікелей эфир чатында кез келген жеке ақпаратты бөлісуден аулақ болыңыз. Арнаңыздың әкімші рұқсаты тек сенетін адамға берілуі керек. YouTube сізден трансляция кезінде модератор өкілеттіктерінің болуын сұрамайды.
- Басқару: орынсыз бейнелер туралы хабарлаңыз немесе чатта сізге немесе басқаларға ыңғайсыздық тудыратын пайдаланушыларды блоктаңыз. Тікелей эфир чатын басқару туралы толық ақпарат алыңыз.
- Құпиялық: YouTube-те сіз жариялаған тікелей трансляцияларды көре алатын адамдарды шектеуге мүмкіндік беретін функциялар бар. Жеке тікелей трансляцияларды жеке немесе жасырын етіп қою арқылы құпиялығыңызды қорғаңыз. Сайтты қауіпсіз пайдалануға көмектесетін қолжетімді құралдарды зерттеу үшін Құпиялық және қауіпсіздік параметрлері бетіне өтіңіз.