YouTube тікелей трансляциясында мәселелер туындаса, төмендегі ақауларды жою жөніндегі кеңестерді пайдаланыңыз.
Түрлендіргішті іске қосу кезінде қате пайда болды
Үшінші тарап түрлендіргішін пайдалансаңыз:
Қатені түзету үшін Тікелей эфирді басқару бетінде жаңа трансляция кілтін алып, түрлендіргішті жаңартыңыз.
- YouTube Studio-ға өтіңіз.
- Тікелей эфирді басқару бетін ашу үшін жоғарғы оң жақтағы Жасау
Тікелей эфирге шығу тармағын басыңыз.
- Сол жақтағы Трансляция опциясын таңдаңыз.
- Егер бұл тікелей эфирді басқару бетіндегі бірінші тікелей трансляцияңыз болса: трансляцияны реттеп, Трансляция жасау түймесін басыңыз.
- Төменгі оң жақтағы жаңа трансляция кілтін көшіріп, оны түрлендіргішке қойыңыз.
- Трансляцияға дайын болғанда, тікелей эфирге шығу үшін түрлендіргішті іске қосыңыз.
Тікелей эфирге шығу тармағын басыңыз.YouTube-ке үшінші тараптың трансляция бағдарламалық құралы арқылы кірсеңіз және трансляция кілтін пайдаланбасаңыз:
Толық ақпарат алу үшін бағдарламалық құралға жауапты қолдау көрсету ұжымына хабарласыңыз. YouTube Live қызметімен жұмыс істеуі үшін, оларға бағдарламалық құралды жаңарту қажет болуы мүмкін.
Трансляцияңызда хабарланған қателерді қарап шығыңыз
Тікелей трансляция кезіндегі мәселелер қанша көрерменнің қате туралы хабарлағанына байланысты әртүрлі болуы мүмкін. Көрермендер санын және хабарланған қателер санын тікелей эфир көрсеткіштерінен көруге болады.
- Бұл жағдайда мәселе көрерменнің компьютерінде немесе интернет байланысында болуы мүмкін.
- Оларға трансляцияңызды басқа жолмен көруді немесе трансляцияға басқа жолмен қосылуды ұсынып көріңіз.
- Көрерменнен қатені қандай қадамдардан соң көріп тұрғанын сұраңыз және өзіңізде қате бар-жоғын тексеріңіз.
- Мәселе көрермендер пайдаланатын ортақ желіге қатысты болуы мүмкін.
- Көрермендерден интернет байланысы мен желінің сапасын тексеруді сұраңыз. Желі сыйымдылығы бірнеше трансляцияны көруге жетуі тиіс. Мысалы, 10 пайдаланушы 10 трансляцияны көруі үшін, кіріс желі жылдамдығынан 10 есе жоғары жылдамдық қажет.
- Көрерменнен қатені қандай қадамдардан соң көріп тұрғанын сұраңыз және өзіңізде қате бар-жоғын тексеріңіз.
Тікелей трансляция түрлендіргішінің жұмыс істеп тұрғанын тексеріңіз
Тікелей трансляция түрлендіргіші – тікелей эфирді жазу және сығу үшін пайдаланылатын қолданба, бағдарлама немесе құрал. Түрлендіргішіңізде орын алуы мүмкін кейбір ақауларды жою үшін төмендегі қадамдарды орындауға болады.
- Түрлендіргіштің бағдарламалық құралының соңғы нұсқасын пайдаланып жатқаныңызға көз жеткізіңіз. Олай болмаса, түрлендіргішті соңғы нұсқасына жаңартыңыз.
- Трансляцияңыздың көрінісі мен дыбысын тікелей түрлендіргіштен тексеріңіз.
- Трансляция нашар көрінсе немесе дыбысы нашар естілсе: мәселе түрлендіргішке бағытталатын аудио және бейне көздерінің сапасына қатысты болуы мүмкін. Тікелей эфирді бақылау тақтасында түрлендіргіш қателерін іздеп, түрлендіргіштегі CPU жүктемесін тексеріңіз. Немесе жергілікті мұрағат файлында аудио немесе бейнеге қатысты мәселе бар-жоғын тексеріңіз. Ешқандай мәселе табылмаса, трансляцияға басқа түрлендіргіш арқылы шығып көріңіз.
- Трансляцияңыздың көрінісі мен дыбыс сапасы жақсы болса: мәселе шығыс интернет байланысында болуы мүмкін. Төмендегі келесі қадамды орындап көріңіз.
- Шығыс интернет байланысының күшін тексеріңіз.
- Интернет байланысын тексеріңіз: интернет байланысының жылдамдығын тексеру үшін Speed Test құралына өтіңіз.
- Интернет байланысынан ақау тапсаңыз: ақауды жою үшін интернет провайдеріне хабарласыңыз.
Мәселе жайлы хабарлау
Тікелей эфирге қатысты мәселе туындаса, қолдау көрсету ұжымына хабарласыңыз.