Sa iyong telepono o tablet, makakahanap ka ng listahan ng mga pag-edit at mga lugar na idinagdag mo sa Google Maps. Ikaw lang ang makakahanap sa listahan mo. Para sa bawat pag-edit, makikita mo:
- Kung naaprubahan, nakabinbin, o hindi inilapat ang iyong pag-edit
- Kung anong pag-edit ang ginawa mo sa isang lugar, gaya ng mga oras o numero ng telepono
- Kung kailan mo ginawa ang pag-edit
Kung naaprubahan kamakailan ang isang pag-edit, baka hindi pa ito lumabas sa Mapa.
Tingnan ang isang listahan ng iyong mga pag-edit
- Buksan ang Google Maps app .
- I-tap ang Mag-ambag Tingnan ang Iyong Profile.
- Mag-scroll pababa at i-tap ang Mga Pag-edit.
Maunawaan ang mga status ng pag-edit
Para matiyak na tumpak at up to date ang Maps, ipinoproseso ng aming system ng pag-moderate ang lahat ng iminumungkahi mong pag-edit. Ia-update ang status ng iyong mga pag-edit sa proseso ng pag-moderate:
- Nakabinbin: Kinukumpirma ng Google ang iyong pag-edit.
- Tinanggap: Idinagdag sa Maps ang iyong pag-edit.
- Hindi Tinanggap: Hindi ma-verify ng Google ang iyong pag-edit.
Baka hindi ka makatanggap ng mga puntos para sa Local Guide para sa mga lugar na idinagdag mo at inaprubahan kung may nagdagdag na ng parehong lugar bago mo ito idinagdag.
Paano pahusayin ang iyong mga pag-edit
Pangalan
Gamitin ang opisyal na pangalan ng isang lugar—ang ginagamit sa storefront o website. Huwag maglagay ng anumang karagdagang komento sa field ng pangalan.
Address
Maglagay ng opisyal na address. Kung nagmumungkahi ang Maps ng isang address na hindi kumpleto, maglagay ng mga karagdagang detalye sa address.
Pananda
Kapag naglilipat ka ng pananda, tiyaking sapat ang pagkaka-zoom in mo at lumipat sa satellite view. Makakatulong ito sa iyo na makita ang mga gusali at tumpak na mai-drop ang pananda sa lokasyon ng lugar.
Kategorya
Gumamit ng mga partikular na kategorya kapag naglalarawan ng lugar. Halimbawa, gamitin ang "Tindahan ng damit" sa halip na "Tindahan."
Oras
Ilagay ang mga oras kung kailan bukas ang isang lugar. Puwede kang magdagdag ng iba't ibang oras para sa iba't ibang araw ng linggo.
Numero ng telepono
Gamitin ang pangunahing numero ng telepono. Tingnan muna kung tama ang numerong iminungkahi mo.
Website
Gamitin ang opisyal na website. Huwag magsama ng mga link papunta sa mga social networking site, aggregator ng review, o iba pang katulad na website.