Ang Google Play Points ay isang rewards program na nagbibigay-daan sa iyong makakuha ng mga puntos at reward sa Google Play Store.
Sa pamamagitan ng Google Play Points, magagawa mong:
- Makakuha ng mga puntos para sa mga pagbili ng digital na content, in-app na item, at pag-download mula sa Google Play Store.
- Gumamit ng mga puntos para makakuha ng mga kupon ng diskwento, in-app na item, o Credit sa Google Play.
- Makakuha ng higit pang benepisyo, reward, at puntos habang tumataas ang iyong level.
Magsisimula kang makatanggap ng 1 puntos sa bawat $1 USD na gagastusin mo sa Google Play. Kapag nakakolekta ka ng sapat na puntos sa loob ng isang taon sa kalendaryo, magle-level up ka, at makakakuha ka ng higit pang puntos at benepisyo. Kapag mas mataas ang iyong level, mas marami kang makukuhang puntos. Matuto pa tungkol sa mga level, benepisyo, at perk.
Ang kailangan mo
Para makasali sa Google Play Points, kakailanganin mo ang mga sumusunod:
- Nasa Australia, Austria, Belgium, Chile, Czech Republic, Denmark, Finland, France, Germany, Greece, Hong Kong, India, Indonesia, Ireland, Israel, Italy, Japan, Korea, Mexico, Netherlands, New Zealand, Norway, Poland, Portugal, Saudi Arabia, South Africa, Spain, Sweden, Switzerland, Taiwan, Thailand, Turkey, United Arab Emirates, United Kingdom, o United States.
- Magkaroon ng computer o Android device na gumagana sa Google Play. Matuto pa tungkol sa mga sinusuportahang device.
- Magkaroon ng Google Play account na hindi pinapamahalaan ng iyong paaralan o ng magulang. Alamin kung paano lumipat ng account.
- Magkaroon ng valid na paraan ng pagbabayad. Alamin kung paano magdagdag ng paraan ng pagbabayad sa Google Play.
- Magkaroon ng billing address na tumutugma sa iyong bansa sa Google Play. Alamin kung paano palitan ang iyong bansa sa Google Play.
Tandaan: Posibleng mag-iba-iba ang mga level, benepisyo, at detalye ng program ayon sa bansa.
Sumali sa Google Play Points
Sa iyong mobile device:
- Buksan ang Google Play Store app .
- Sa kanang bahagi sa itaas, i-tap ang icon ng profile.
- I-tap ang Play Points.
- I-tap ang Sumali.
Sa iyong computer:
- Buksan ang Play Store.
- Sa kaliwa, i-click ang Play Points.
- I-click ang Sumali.
Kung wala kang paraan ng pagbabayad, puwedeng hilingin sa iyong magdagdag ng paraan ng pagbabayad.