Sa kaliwang sulok sa itaas ng interface ng Analytics, may menu na magagamit mo para magpalipat-lipat sa lahat ng account at property sa Analytics kung saan ka may pahintulot.
Halimbawa, puwede kang magpalipat-lipat sa isang property sa Universal Analytics na ilang taon nang nasa iyo at sa isang bagong property sa Google Analytics 4 na ginawa mo bilang upgrade sa property na iyon sa Universal Analytics.
Nagpapakita ang bukas na menu sa ibaba ng Analytics account at property at view sa Universal Analytics.
Nagpapakita ang bukas na menu sa ibaba ng Analytics account at property sa Google Analytics 4.
Mula sa menu na ito, makikita at mapipili mo ang alinman sa mga sumusunod kung saan ka may pahintulot:
- Isang organisasyon
Para pumili ng account, magsimula sa pamamagitan ng pagpili sa organisasyon. Kung hindi nabibilang sa isang organisasyon ang account, gamitin ang menu na iyon para piliin ang opsyong Lahat ng account.
Nakalista sa column na Mga Analytics Account ang lahat ng account sa isang organisasyon o ang lahat ng account.
Nakalista sa column na Mga Property at App ang lahat ng property at proyekto ng app sa Firebase kung saan ka may pahintulot sa account na iyon. (Puwede kang mag-link ng mga proyekto ng app sa Firebase sa mga property sa Google Analytics 4. Matuto pa)
Nakalista sa column na Mga View ang lahat ng view kung saan ka may pahintulot sa isang property sa Universal Analytics. (Walang view ang mga property sa Google Analytics 4.)
Kapag pumili ka, bubukas sa interface ng Analytics ang mga ulat para sa property na iyon (Google Analytics 4) o para sa property at view na iyon (Universal Analytics).