இருபடிச் சரிபார்ப்பை (இருபடி அங்கீகாரம் என்றும் அழைக்கப்படுகிறது) பயன்படுத்துவதன் மூலம், கடவுச்சொல் திருடுபோகும்பட்சத்தில் உங்கள் கணக்கிற்குக் கூடுதல் பாதுகாப்பை வழங்கலாம். இருபடிச் சரிபார்ப்பை அமைத்த பிறகு இவற்றின் மூலம் உங்கள் கணக்கில் நீங்கள் உள்நுழையலாம்:
- கடவுச்சொல்
- மொபைல்
இருபடிச் சரிபார்ப்பை அனுமதித்தல்
- உங்கள் Google கணக்கைத் திறக்கவும்.
- வழிசெலுத்தல் பேனலில், பாதுகாப்பு என்பதைத் தேர்ந்தெடுக்கவும்.
- “Googleளில் எப்படி உள்நுழைகிறீர்கள்?” என்பதன் கீழே உள்ள இருபடிச் சரிபார்ப்பு தொடங்கு என்பதைத் தேர்ந்தெடுக்கவும்.
- திரையில் காட்டப்படும் வழிமுறைகளைப் பின்பற்றவும்.
உதவிக்குறிப்பு: பணி, பள்ளி, பிற குழு போன்றவற்றின் மூலம் பெற்ற கணக்கைப் பயன்படுத்துகிறீர்கள் எனில் இந்தப் படிகள் வேலை செய்யாமல் போகலாம். இருபடிச் சரிபார்ப்பை அமைக்க முடியவில்லை எனில் உதவி பெற உங்கள் நிர்வாகியைத் தொடர்புகொள்ளுங்கள்.
இரண்டாவது படி மூலம் இது நீங்கள்தான் என்பதை உறுதிப்படுத்துதல்
இருபடிச் சரிபார்ப்பு அம்சத்தை இயக்கிய பிறகு உள்நுழையும்போது இது நீங்கள்தான் என்பதை உறுதிப்படுத்த இரண்டாவது படியை நிறைவுசெய்ய வேண்டும். உங்கள் கணக்கைப் பாதுகாப்பதற்கு உதவும் வகையில் ஒரு குறிப்பிட்ட இரண்டாவது படியை நிறைவுசெய்யும்படி Google உங்களிடம் கேட்கும்.
Google அறிவிப்புகளைப் பயன்படுத்துதல்
Google அறிவிப்புகளைப் பயன்படுத்தி உள்நுழைவதைப் பரிந்துரைக்கிறோம். சரிபார்ப்புக் குறியீட்டை டைப் செய்வதைவிட அறிவிப்பைத் தட்டுவது என்பது எளிதானது. அத்துடன் சிம் கார்டு மாற்றம் மற்றும் ஃபோன் எண் அடிப்படையிலான பிற ஹேக்கிங் செயல்பாடுகளில் இருந்து பாதுகாக்கவும் அறிவிப்புகள் உதவும்.
Google அறிவிப்புகள் என்பவை பின்வருபவற்றில் காட்டப்படும் புஷ் அறிவிப்புகள் ஆகும்:
- உங்கள் Google கணக்கில் உள்நுழைந்துள்ள Android மொபைல்கள்.
- Google கணக்கில் உள்நுழைந்துள்ள Smart Lock , Gmail , Google Photos , YouTube , Google போன்ற ஆப்ஸ் உள்ள iPhoneகள்.
அறிவிப்பில் காட்டப்படும் சாதனம் மற்றும் இருப்பிடத் தகவல்களின் அடிப்படையில், இவற்றைச் செய்யலாம்:
- நீங்கள் உள்நுழைந்திருந்தால் ஆம் எனத் தட்டி அதனை அனுமதிக்கலாம்
- நீங்கள் உள்நுழையவில்லை எனில் இல்லை எனத் தட்டி அதனைத் தடுக்கலாம்
கூடுதல் பாதுகாப்பிற்கு உங்களுடைய பின் (PIN) அல்லது வேறு உறுதிப்படுத்தலை Google கேட்கக்கூடும்.
பிற சரிபார்ப்பு முறைகளைப் பயன்படுத்துதல்
பின்வரும் சந்தர்ப்பங்களில் நீங்கள் பிற சரிபார்ப்பு முறைகளை அமைக்கலாம்:
- ஃபிஷிங்கிற்கு எதிராகக் கூடுதல் பாதுகாப்பைப் பெற விரும்புகிறீர்கள்
- Google அறிவிப்புகளைப் பெற முடியவில்லை
- உங்கள் மொபைல் தொலைந்துவிட்டது
பாதுகாப்பு விசைக் கருவி என்பது நீங்கள்தான் உள்நுழைகிறீர்கள் என்பதைச் சரிபார்க்க உதவும் ஒரு சிறிய சாதனம் ஆகும் (இதை நீங்கள் வாங்கிக்கொள்ளலாம்). இது நீங்கள்தான் என்பதை நாங்கள் உறுதிப்படுத்த வேண்டியிருக்கும்போது உங்கள் மொபைல், டேப்லெட், கம்ப்யூட்டர் போன்றவற்றில் இந்த விசையை நீங்கள் எளிதாக இணைக்கலாம். உங்களுக்கான பாதுகாப்பு விசைகளை ஆர்டர் செய்யுங்கள்.
புதிய சாதனங்களில் உள்நுழைய, இணக்கமான மொபைலில் உள்ளமைக்கப்பட்டுள்ள பாதுகாப்பு விசையையும் நீங்கள் பயன்படுத்தலாம்.
உதவிக்குறிப்பு: உங்கள் கடவுச்சொல்லையோ பிற தனிப்பட்ட தகவல்களையோ வழங்கும்படி ஹேக்கர் உங்களை ஏமாற்ற முயலும்போது ஃபிஷிங் தாக்குதல்களிலிருந்து உங்கள் Google கணக்கைப் பாதுகாக்க, பாதுகாப்பு விசைகள் உதவுகின்றன. ஃபிஷிங் தாக்குதல்களைப் பற்றி மேலும் அறிக.
உங்களிடம் இணைய இணைப்போ மொபைல் சேவையோ இல்லாதபோது Google Authenticator அல்லது ஒருமுறை நிகழும் சரிபார்ப்புக் குறியீடுகளை உருவாக்கும் மற்றொரு ஆப்ஸை நீங்கள் அமைத்துக் கொள்ளலாம்.
நீங்கள்தான் உள்நுழைகிறீர்கள் என்பதைச் சரிபார்ப்பதில் உதவ, உள்நுழைவுத் திரையில் சரிபார்ப்புக் குறியீட்டை உள்ளிடவும்.